عمل شاب

[زبدة ذايبة]

مسافة ألف ميل تبدأ بخطوة.

انت دير خطوة أولى

وش فيها كي يقولك صاحب المحل مانسحقش خدام !!!!!!!!!

وش حبيت؟؟؟؟؟؟ غير تروح يخدمك؟؟؟؟؟؟.

تحوس في كذا محل

هذا تخدم عندو نهار والثاني زوج.

هذا تتفاهم معاه هذا يشنف عليك

هذا مايخلصكش.

مافيها والو

هكذا الحياة

مع مرور الوقت تتعلم

علاش تتخبى من الحياة وانت عندك الحق تعيش فيها.

أهم شيء انك دير خطوة أولى

والشباب من الأعضاء هنا في المنتدى يعاونوك بالأفكار اللازمة

لكن يبقى تجسيد الأفكار يعتمد عليك.

وماتزيدش تقول تربيت بكريقة معينة على هذا وليت هكذا.

فترة وانتهت من حياتك كانت فيها الطفولة والمراهقة.

والآن راك راجل وشاب.

لازم تواجه الحياة وماتتكلش أبدا على صحابك يحوسولك وانت قاعد في الدار.

وش عليه توصيهم أو يجيبولك أرقام هواتف محلات في تخصصك.

لكن تتخبى بحجة أنك ماشي اجتماعي فهذا والله عين الخطا وهذه حجج واهية.

توكل على الله وامض في أفكارك ومشاريعك.

لأن كل يوم يجوز عليك بدون عمل يعتبر مال ضائع.

رب يوفقك