كل واحد يحكي حدث طريف صرالو في الباك

[ملكة القمر]

المشاركة الأصلية كتبت بواسطة roumaissat

هههههههه تقريبا نفس الشيء ضحكتيني على الغرفة الصغيرة هاذيك هههه و الله كاننا في قاعة انتظار حتى انا لاحظت الموقف العجيب و الفريد الذي كنا فيه بالنسبة للفلسفة قلقونا و نحن ننتظر على اعصابنا حتى ولات و نصف باش جابولنا الموضوع و الطفلة لي تقعد الطاولة الاولى شافت الموضوع و بدات تعيت المسؤولية المسؤولية و حنا حتى اخر لحظة كنا متمسكين بالرياضيات المهم حطولنا الموضوع و المشكلة لي غاضتني بزاااااف اني و الله كنت حافظة مقالة رائعة جداا في الحرية و المسؤولية و نسيت المقدمة في عرض الاطروحة و النقد كنت حافظاتو و هاذي المقالة حفظتها خصيصا في الباك بلون زكارة في. . الاستاذ لي جامي مدلي اكثر من 14 و مع اللخر ماطاحتش هي وانا نقولهم راني متوقعة هي لي راح طيح في الباك قالولي مستحيييل طاحت من قبل
المهم خيرت الموضوع الثاني لي هو الظاهرة النفسية كان عندي عليه شوي معلومات بصح خلطت بزااااف لي في القسم كاامل كانو تحت تاثير الصدمة و طبعا بدينا نسمعوا في الصراخ و الاغماءات حتى خفنا ههه المهم بعض مرور نصف الوقت الرسمي كل القسم خرجوا كلللللهم داروا تحليل نص و خرجوا و بقيت وحدي في القسم و انا عندي رهاب كي نبقى وحدي بديت نكتب و نخلط و الاستاذة متجمين يهدرو ديرونجاوني بزااف و قاعدين يشروا نورمالومون ساعتين ياسر عليهم قتلهم بصحتي عندي 3 ساعات و نصف و لولا اني عندي رهاب البقاء وحيدة و علابالي ابي راهو يستنا الله غير نقعد معاهم حتى للستة معليش
المهم فات الباك هاييل خاصة معاك و معا البنات الاخرين عقبنا يامات روعه ميتنساوش ههههه

هههه دارو فينا الراي في الفلسفة
المهم خدمتي شويا فيها انا نحوس على 10 برك
ايه صح عقبنا يامات روعة سيرتو في هاديك jardin
اني بعثتلك انفيتاسيون بالفيس تاعي ديبلوكيتو chara pova
واش غاضتني كي خرجت و ما لقيت حتى واحد كنت حابة نودعكم
سيرتة رحيل ماعندي لا رقم تاعها و لا فيس و لا والوووو
و سيرين نحكي معاها يوميا

[roumaissat]

المشاركة الأصلية كتبت بواسطة ملكة القمر

هههه دارو فينا الراي في الفلسفة
المهم خدمتي شويا فيها انا نحوس على 10 برك
ايه صح عقبنا يامات روعة سيرتو في هاديك jardin
اني بعثتلك انفيتاسيون بالفيس تاعي ديبلوكيتو chara pova
واش غاضتني كي خرجت و ما لقيت حتى واحد كنت حابة نودعكم
سيرتة رحيل ماعندي لا رقم تاعها و لا فيس و لا والوووو
و سيرين نحكي معاها يوميا

ههههه وي رووعة شبعنا ضحك و تمسخير الحمد لله فاتت البكالوريا على خير رغم بعض الخيبات لكن الحمد لله الحمد لله للذي يقول البكالوريا 2017سهلة نعم سهلة لكن غرييبة جدا و يا ليتها كانت عادية كباقي السنوات الماضية مع ذلك لا باس قدمنا ما لدينا و سنرضي بالنتيجة كيفما كانت... هههه متحكيش على الفلسفة هههه يوم اسود كالظلام الدامس هههه كي عقب نصف الوقت خرج كل القسم و نسمع في الاحتفالات انا قلت ريان خرجت و انا مزلت هههه ليتهم وضعونا في نفس القسم منها يحرسونا في نفس الوقت و منها نهبلوهم حتا للستة باش نروحوا هههه فكرت هكذا.. اعطيني حاجة نتواصل بيها مع سيرين عندي رقم ابوها برك هههه اما رحيل :/// the cutest girl متقوليليش انقطعت الاتصالات معها :/ :/ :/ نعرف عليها غير انها تقرا في ابن الرشيق ضرك شوفي بلاك سيرين تعرفها 😅
و انا تاني كنت حابة نودعكم :/ للاسف كي خرجت لقيت الدنيا صحراء قاحلة و انا اكيد درت اللقطة الاسطورية او الصرخة الاسطورية خلصنااااا البااك هههعههههه و تبقى ايام البكالوريا احلى الايام
اختي مسكينة كي نحكيلها تقلي اسكتي عليا انا منعرف حتى وحدة قعدت وحدي سماطة السمانة كامل هههه مسكينة و انا نزيد نخرجلها قلبها هههه