بقلاوة بلابات فيلو مورررقة كيما تحبوها

[تالا تسنيم]

المشاركة الأصلية كتبت بواسطة عطر الملكة

اختي تالا بخصوص ام وليد بكل امانة ماشي كامل وصفاتها فور فيهم وعليهم و هي عندها حاجة لاحظتها في وصفاتها نتاع القاطو تدير الزيت انا هذي كامل ما تعجبنيش مثلا هي عجينة لعرايش و التشاراك تديرلهم الخمارة و الزيت و تلم بالفرينة انا جامي سمعت بيها اصلا العجينة تجي تتفتت و تطلع و يخرج منها لحشو جربتها خسرتلي كامل

مي تقدري تدي من عندها بعض النصائح و التدابير انا ساعدتني في حوايج لا انكر هذا

بخصوص ام اماني دايما فورررررررررررررررررر حرة من الحرات الكبار هي و ام كوثر ما عندي ما نقول ربي يسجيلهم وليداتهم

مرحبا أختي ملوكة مشكورة على الرد ما نخبيش عليك تحكمني غصة كي نشوف ام وليد مستغلية المنتدى و ماشي مستعرفة خلاص واش فيها لوكان تقول انها تأخذ الوصفات من المنتدى يا سيدي ما تقولش اسمه فقظ تقول من النت و من عند اخوات جزائريات وين راهو المشكل

ما نخبيش عليك الطبخ تعلمته من هنا على أصوله جيبيها من الشاف ام كوثر زينب اسمهان ام اماني الوهرانية وغيرهن كثيرات ماشاء الله عليهن ربي يهنيهن و يرزقهن من نعيمه و هاد المنتدى الحق دايراته مرجع ليا
ادا شفتي الاخوات كي يحطو مواضيع تقول لك وين شافت هاد الوصفة و لا منين نقلتها هاد شي سموه الأمانة

اسمحيلي اختي طولت عليك الهدرة و تقبلي تحياتي