حائر ساعدوني

[زبدة ذايبة]

صار السحر يعلق عليه أي شيء.

وصار حجة لأي شخص يريد أن يجد أعذار غير

حقيقية.

من الأحسن تتأكد من هذ المخطوبة.

خاصة أنك قلت أنها ذات جمال

فنادرا ماتسلم الحسناوات من الفتن.

وغالبا ما تكون عرضة للعلاقات الوهمية مع الشباب.

فإن سلمت من زيد وقعت في عمر.

حاول تتأكد أنك لم تختر ( فضلة الرجال).

هذا التذبذب اللي راه فيه مؤشر على أن هناك شيء ما في نفسها.

وزيد ماعندك حتى دليل على العين ولا التابعة ( ممكن غير هدرة تاع دارهم).

ماتستنايش يقولولك عندها واحد مازالها تحبو

لازم تتبين منها وتتأكد منها (بطريقة ذكية)

وزيد سقسي عليها مليح وعلى أخلاقها

عندك الوقت مدام راك في بر الأمان.

ماتغلطش روحك وتنكر هذ المؤشرات التي توحي بأن هناك شيء غير طبيعي.

بعيدا عن الكلام في السحر. وقريبا من تعلق قلبها بشخص آخر قطعت الأمل في أن يتقدم لخطبتها.

ماتحطش روحك في مكان ضيق باش ماتحصلش وتندم في وقت لا ينفع فيه الندم

اعط لنفسك متسع من الوقت في اتخاذ القرار.

وماتبقاش تستنى فيها وش دير فيك.

كل مرة تقولك مانحملكش وانت تقولها خلاص

وتعاود هي تولي وتعاود انت تقبل؟؟؟؟

وزيد على هذا ،،،، وليت تشك في روحك راك مسحور أو معيون.؟؟؟؟؟؟؟؟؟؟

هذا مازال ماتزوجتهاش وراه خلطلتلك في عقلك وفي عقليتك.

دير احتمال تاع 1% أن الشيء اللي كتبتهولك صحيح

وأنها عندها شخص غيرك في حياتها

ماعليك غير تتأكد ويريح بالك وتطمئن نفسك

وان شاء الله نكون غالطة 100% وماتطلعش انت ساذج ومغفل

الزواج الدخول فيه سهل والخروج منه صعب

عاود وازن أمورك وتأكد من المرأة اللي راه رايحة تكون أم أولادك

زيد سقسي عليها مليح وشوف

وخلي يماك تزيد تستقسيها وتسقسي أهلها على هذ الكلام اللي قالوه عين وأشياء أخرى

ماتتزوجش وانت مغمض عينيك

شحال من راجل تمسخروا بيه أهل البنت بسبب أن ابنتهم جميلة

بالنسبة ليهم إذا راح زيد يجي عمر

ماتكونش كسدادة للناس يسدوا بيك الثقوب اللي موجودة في بناتهم


اقرى مليح وش كتبتلك

واستخير. لعل وش راه يصرالك جواب الاستخارة وماعندو حتى علاقة بالسحر

رب يهديك