|
|
|
|||||||
| قسم الأمراض تعريف، اسباب و علاج |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2017-03-25, 23:00
|
رقم المشاركة : 1 | ||||
|
أشلونتج و شو اخبارتج ماي توين ههه
السلام عليكم ، عسى أحوالك بخير أختي السطايفية لقد مررت بعيادتك فقط من أجل استفسار بسيط و طلب للنصح بحيث أنّي قد فكّرت مؤخرا باقتناء نظارة و هذا ليس لأنّي أعاني من ضعف في البصر أو شيء من هذا القبيل فالحمد لله لا داعي لأن أذكّرك من جديد بإمكانيات gtw 502  فقط أفكّر باقتناء واحدة و ذلك أثناء استخدامي للكمبيوتر أين يكون استعمالي له غالبا في الفترة الليلية أين تكون الإضاءة قليلة فلذلك أصبحت أشعة الشاشة تسبّب لي إرهاقا و إجهادا للعين و للعلم أيضا فإنّي أستعمل برنامج في الحاسوب المكتبي اسمه d-lighter يعمل على الحد على تخفيض أشعة الكمبيوتر و مع هذا كله لازلتُ أعاني من ذلك الإجهاد و الذي يبقى تأثيره أحيانا حتى لصباح اليوم الموالي و المشكل أنّه أثناء استعمالي أبقى في تلك الفترة محدّقا بدون انقطاع لشاشة الكمبيوتر و لا أشعر بالوقت إلى أن يحين موعد hg$f$;f  فبماذا يمكنك أن تنصحيني ؟ هل يوجد مثلا نظارة تستعمل لهذا الغرض ؟ ثم للتذكير هناك حالة مستعجلة لعلّك تفيدين صاحبها من هنا https://www.djelfa.info/vb/showpost.p...&postcount=143 و عسى غيابك خير إن شاء الله دمتِ بخير و ربّي يحفظك ...
|
||||
|
|
2017-03-28, 23:21
|
رقم المشاركة : 2 | ||||
|
اقتباس:
هلا والله و حيالله وهرقبي سدادة هههه اهلا وسهلا تاي عاش من شافك اخي انا بخير السوال عنك ان شاء الله بخير مدامك عندي فاكيد كاين مشكل ههه ثم عيادة كامل منيش طبيبة هو ركن صغير جدا ومتواضع اتمنى ان يفيدكم + هههه الله يبارك على نظرك عيوننا باردة عليك اخي + فعلا الاستعمال المفرط للحاسوب والتلفاز والطابلات والهاتف يتعبو العينين لانهم يمدو الاشعة الزرقاء الضارة للعين وحتى اضواء led تمد نفس الشيء يعني الكل مضر للعين اضافة لمشاكل اخرى كالارهاق وارق وغيرها سوف احاول ان اضع لكم موضع عن هذا ماعلينا خلينا في العين قتلك انو الافراط في استعمالهم ومع مرور الوقت يخلي العين تتعب ويولي عدنا فاتيق فيزيال ومكانش فينا لي مهوش عياني حاليا من هذا المشكل وعليه العمل حاليا تطور وخدمولنا زجاج خاص بهذهالحالة يبلوكي هذو الاشعة لما نكونو نستعملو في اجهزة التكنولوجيا اسمه العام bleu bloc وكل لابوراتوار يسميه اسم ويختالف الكاليتي تاعو من لابو لابو كاين تاع الجزائر العادي وكايت=ن تاع الجزائر الجيد جدا وكاين تاع تونس لي ثاني ممتاز مثلا تاع الجزائر العادي اسمو bleu bloc هكا كاين لابو اخر يخدم خدمة قمة وعالمية jتوالنا اسمو sinal عندو بزاف انواع تاع فار للميكرو منها bionix هذا مهوش بلوبلوك مي روعة vionix هذا هو البلوبلوك تاعهم ومعاه مزايا اخرى روعة وكاين ثاني واحد يجيبوه مخدوم من الجابون اسمو ylla فيه 12 طبقة تاع اونتيروفلي ويحكي من اشعة الشمس 100 بالمئة تحفة ثاني في تونس كاين لابو اسمو optylab عندهم البلو بلوك تاعهم azur وكاين لابو اخر اسمو sivo البلو بلوك تاعهم اسمو neomax دونك ماعليك غير تكوموندي واحد فيهم وديرو عادي روبوزون ولكن شوف اوبتيسيان ثقة باش يجيبلك كاليتي باهية ومفيدة بخصوص الاسعارهي تختالف من توالنا وتوالكم يعني بين الشرق والغرب حنا عدنا ممكن تتراوح بين 2000 دج وتلحق حتى 2 ملاين او اكثر يعين حسب اللابو واسكو جاي من عجدنا او تاع تونس مثال تاع sivo في سطيف يسوى تقريبا مليون للزجاجتين والعادي تاعنا يدير 2000 للزجاجتين توالكم لا علم لي اخي + بخوص البرامج هي غير مفيدة كثيرا واصلا يقلك يجيو الاجهزة فيهم فيلتر لكن للاسف هذو كامل ميحميوناش من الاشعة الزرقاء لي فيهم وهي لي تضر اكثر طبعا نصيحتي ليك دير نظارة روبوزونت باش تحمي عينك منو واذا كان البلوبلوك غالي توالكم دير ylla راهو ارخص منهم عدنا يدير 2400 ممكن توالكم اكثر بقليل وكاين واحد اخر ممكن ننصحك بيه لانو مفيد ايضا للسياقة بحكم انك تسافر بزاف قلي تتجينا من الشمس وتتعب من الطريق او لا جاوبني باش نكمل نتناقش معاك واي سوال عنجك اخي راني هنا تحت التصرف مايتاوين + لقد تمت الاجابة شكرا لتنبيه الحمد لله لحقنا في الوقت المناسب ومدرناش الروطار ههه + والله غيابي لظروفي التي امر بها هذه الايم معادش عندي الوقت الكافي للدخول ان شاء اله تخف ونرجع لعادتي رايحة نحاول ندخل مرة على مرة من اجلكم انتم لانكم تحتاجونني + اعتني بنفسك وزورنا خطرة على خطرة لانو زيارتك تسرنا سلام |
||||
|
|
|
2017-03-29, 21:22
|
رقم المشاركة : 3 | ||||
|
اقتباس:
تارارا إتيز سوربرايز و زيارة خفيفة لكلينيك الشلشبيلة خسارة ما حضرتش يوم الإفتتاح ههه
شكرا على حسن الإستقبال يا سطايفية و أحوالي بخير و الحمد لله ثم ماذا عساي أن أقول لكِ غير شكرا كبيرة و طويلة و سمينة و عملاقة لقد استفدت فعلا بما قدّمته لي من معلومات قيّمة بارك الله فيك و الآن قد أخذتُ فكرة عمّا قد أشكل عليّ و توضحت لي رؤية ما يمكنني اقتنائه و النوعيات المتاحة و المتوفرة لأنّه عن جدّ أصبح مطلب اقتنائي لنظارة من هذا النوع ضروريّا في الوقت الحالي بعد أنهك بياسات gtw الإرهاق و أشعة الشاشة المضرّة عن الأسعار فسأسأل هنا أيضا عنها و عن النوعيات الموجودة و لعلّك كما أشرتِ يلزمني اللجوء لأوبتيسيان كونفيونس و لهذا قد قصدتك أوّلا لأكوّن فكرة أوّلية عن الموضوع ، و شكون في ميزك لي كان راح يفيدني من غير السطايفية تاعنا بالنسبة لسؤالك إن كنتُ أودّ بلوبلوك المفيد للسياقة فأعتقد بأنّي لا أواجه مشكل بسبب هاد الأمر أيضا لا يمكنني أن أضع نظارات دوما فهي تزعجني ههه فقط أريد نظارة روبوزونت كما أشرت من أجل الاستعمال لوقت محدّد فقط و ذلك استثناءا أثناء استعمالي للحاسوب لكن لو أردتِ أن تفيديني بمعلومات إضافية عن مثل هذا النوع المفيد للسياقة و من أجل الفائدة و أخذ معلومة جديدة فتفضّلي بذلك لا مانع عندي و أجدّد شكري إليك و كيما كانو يقولو جدودنا و ناس بكري الله يحمّر وجهك و روحي راهي قّدامك خضرة و موراك خضرة راكي رابحة + قد سألني بابا المكارم قصدي بابانا المشترك ههه عن أخبارك و أحوالك مؤخرا و هو يبّلغك تحيّاته ما تقوليش نسيناك لاخاطرش تفقّدنا خزانة العائلة مؤخرا راهي فارغة تصفّر و قعدو لينا غير الميداليات لي فزتي بيهم و لي بنات عليهم العنكبوت دارها المهمّ كوني بخير يا سطايفية و دعواتنا لك بدوام الصحة و العافية و الهنا ربي يهنّيك و يفرحك و إن شاء الله سأجدّد زيارتي إذا احتجت لأي مساعدة ما ، أكيد ما نحشمش راني في الكلينيك تاعنا ههه كي نبغي نبدّل الكادر تاع النواظر نرجع ههه |
||||
|
|
|
| الكلمات الدلالية (Tags) |
| الانصال |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
|[=×=«النظر هـ|[الطبعة _02 _الثـآنية ]|ــو الحـياة » =×=]|ضعوا كل استفساراتكم حول االعين ،النظارات ،العدسات،الزجاج,,,هنا
العرض المتطور
