الجزء 178 من كوزينة احلى رفقه كوزينة الاطايب للطيبات

[om obaida]

اهلين بيلسان صح غداك مقلتيش وش تغديتو وزيد ماماك عندها الحق يجي وين تسحقوهم وعلاه رميتيهم هه

[بيلسان91]

المشاركة الأصلية كتبت بواسطة om obaida

اهلين بيلسان صح غداك مقلتيش وش تغديتو وزيد ماماك عندها الحق يجي وين تسحقوهم وعلاه رميتيهم هه

يسلمك ونتوما زادة
تغدينا ملوخية مصورتهاش خاطر حطتهالكم من قبل شفتوها
راني درت واحد الخبز تع ام وليد بالشكولا منعرف كفاش يخرج الا صلحلي هاني نصورهولكم راهو قاعد يختمر درك

[om obaida]

المشاركة الأصلية كتبت بواسطة انا هي رزيقة

اليوم جبتلكم عرضة خفيفة ضريفة درتهالنا البارح اختي ام حسام ربي يحفظها ...درتلنا عشا باربيكيو و فات على اروع ميكون ... اللهما ادمها ت نعمة و احفظها من الزوال و طبعا منسيتكمش حبوباتي جبتلكم صور حصرية ...... خخخخخ حبيبتي ام عبيدة اختي ام حسام راهي تسلم عليك و قالتلك هذا باروكي و ربي يجعل كوزينتك كوزينة الخيرات و البركات ان شاء الله ... هذو الكواليس .... هذي كسرة وهذي الطاولة حطوها اولادها ربي يخليهم معندهاش بنات للاسف وهذ الطبسي خص نص لمولات الكوزنية لانها راهي قايمة بضيافها ا كيما يحب الخاطر ربي يخليك ام عبيدة

ربي يحفظك ويحفظ ام حسام يارب واحلى باروك وربي يرزقها بنوتة حلوة وطيوبة كي خالتها وتستاهلو نقوم بيكم لانكم احسن رفقه نولي ليهم كي نكون محتاجة رفقه

المشاركة الأصلية كتبت بواسطة ام هدول

قرتان البطاطا بسيط ولدييد


اولا ..تقلي قطع الدجاج....عادي مع البصل والثوم ووزيت عادي والطماطم المصبرة والطماطم حب مرحية وبقية التوابل المعتادة للمرق الاحمر(طبعا الحار حسسب الرغبة ) ..وتمرقيها وتخلي الجاج تاعك يططيب والمرق يكون خاثر .
في هاد الاثناء توكني انت نقيتي البطاطا تاعك وغسلتيها وقطعتيها دوائر متوسطة السمك ماش رقيقة بزاف وماش خشينة بزاف ....واقليها وقطريها من الزيت في كسكاس ولا ورق ماص....ومن بعد جيي البلا لي يدخل للفرن وستفي البطاطا تاعك كطبقة اولى وومن بعد فتتتي قطع الجاج وحطها كطبقة ثانية ...وكاضافة كيما تحبي ضفي الجبن كقطع متناثرة
ومن بعد زيدي طبقة اخيرة تع البطاطا
جبي صحن غامق وفقسي البيض حسب الرغبة من 4الى 5 او اكثر ..وزيد شوية دبشة وشوية من مرق الدجاج..وخلطي مليح وصبي فوق الطبقات ساير داير ...والى الفرن تجمد وتاخد تحميرة مليحة .....
وكي تجي تقمي لقرتان ضفي المرق من فوق حسب الرغبة ..(هنا المرق يكون مصفي من ككل الشوائب).





الوصفة لامينة لكل لي طلبوها ...

فلة العزيزة شكراا على الوصفه نجربها بطريقتك باذن الله

المشاركة الأصلية كتبت بواسطة انا هي رزيقة

ايييه البارح ثاني عاودت المحاجب الجميلة تاعي من شدة اعجاب جمهوري العريض بها الذي طالب و بشدة اعادتها ....خخخخخ تفضلو حبيباتي متنساوليش فقط كلمة ماشاء الله و لا قوة الا بالله باه نزيد نفحال اكثر و نجيبلكم اطايب الذ و اطيب ...... خخخخ ملاحظة صغيورة فقط عجانتي الكهربائية هي لي عجنت يعني تتشارك معي الفحولة ... باه هكذا قولو عليا فحلة و فقط لانو النص الباقي من حق عجانتي الكهربائية ...... خخخخخ تفضلو حبايب قلبي قرعجو حتى تعياو ..... اللهما لك الحمد حتى ترضى و لك الحمد ان رضيت و لك الحمد بعد الرضا

المشاركة الأصلية كتبت بواسطة انا هي رزيقة

ايييه قبل مننسى هناك ملاحظة هامة جدا جدا جدا لازم نقولهالكم الزيت لي خدمت بيها محجوباتي عبارة عن خليط من زيت الزيتون و زيت عادية و زيت الزيتون اكثر من العادية طبعا و هذا عملا بمبدئي في الحياة لي هو لي يحب روحو بزاف ياكل زيت الزيتون ...... خخخخخ بليز جربوها يا بنات و الله يجوكم المحاجب اممممممممم تع الصح و صحييين اكثر بكثير من المعمولين بالزيت العادية ....يا لهوي حرت فيكم كيفاه معندكمش بعض الامراض المزمنة من كثرة اكل زيت ايليو و اخواتها ........ خخخخخخ خلاصت الملاحظة
و هذو مسيمنات من نفس العجينة قلتلكم جوزت نهاري في الكوزينة .. بصح و الله فرحت كي تعب امي مرحش هدر او وليت نعرف ندير المحاجب و المسمن ...... خخخخخ

ربي يحفظ الام اللي رباتك وعلماتك محاجب وعليهم لكلام والله سخفتيني فيهم وخاصة بزيت الزيتون وامانة سلامي للوالدة