بكل صراحة اخي الكريم
ماكاش لي يسلفك في هذا الوقت و بلا ماهو يعرفك
كاين الناس عندهم الدراهم و ماباوش يسلفو لأناس قراب ليهم بدافع الثقة و كاين لي ماهوش حاب يدخل في متاهات الضمان
خصوصا مع شخص مايعرفوش
نهدر على روحي انا كون جا عندي مبلغ مليار مانسلفكش منها و لو 10 ملايين
راني نقلك في صراحة أخي
....
سما الحل كيفاه ؟
انت على حساب وش قلت راه عندك كل المقومات باه نسلف و ترجع دينك
اي واحد يمر بضائقة مالية و الدراهم هاذون يروحو و يجو
عندي فكرة وحدة نقدر نقولهالك و كون نكون في بلاصتك انا نديرها
...
احسن من اني نقصد الناس باه نسلف و كل واحد يبدا يدر في قالب و كل واحد يتحجج + يحسو رواحهم دارو فيك مزية و يبقاو شادينهالك طول عمرك
نفضل اني نخرج سلعة بالتقسيط و نبيعها و ندي وش راني محتاج
على ذيك وش نقلك انا خويا
انت انسان شهار كيما راك تقول روح اقصد الناس لي يبيعو الاجهزة الكهرومنزلية بالتقسيط
خرج سلعة بحيث كي تبيعها تجيبلك 40 مليون
و تولي تخلص الرجل لي هزيت عليه السلعة كل شهر بمبلغ 15000 ولا 2 ملاين شهريا
وهو راح يدي نسبة التقسيط لي هيا تكون في حدود 25% الى 35 %
معناها راح تولي ترجع 50 مليون
...
انا نظن نزيد نخسر 10 ملاين زيادة افضل من التمسخير و التحراش نتع لعرب
و راهي حاجة حلال لأنك تخرج في سلعة و تبيعها
...
تبقى قضية السلعة لمن تبيعها ... راه الشخص صاحب المحل لي دير عليه التقسيط يدلك على ناس يشرو عليك
...
توكل على ربي سبحانو و اقضي صوالحك بشهريتك ودراهمك و ما يمزي عليك حتى واحد
( تقرير عن مشاركة سيئة )، و الموجودة أسفل كل مشاركة .
2017-02-08, 18:22
العرض المتطور
