جزء 174 من واش طيبتي اليوم كوزينة احلى رفقة طيبة

*زهرة اللوتس* · 2016-12-06, 13:56

مساء الانوار لاغلى اخوات ان شاء الله تكونو لباس
يعطيكم الصحة كامل كل وحدة باسمها وربي يباركلكم في ارزاقكم وفي صحتكم واوقاتكم
غدايا اليوم عيش حار في هاذ البرد، درتو بالخليع والكليلة والفول والحار طبعا موالفة نزيد طماطم يابسة يجي يهبل بيها اليوم مادرتش خلصتلي

وهاذي غريبية بالكاوكاو درتها ليام اللي فاتو جات تذوب في الفم

حبيت نشكر كل وحدة حطت اطباقها وحلوياتها وخدمت الوصفات ام ابراهيم وام الاء وحياة وكل البنات ربي يجعلها في ميزان الحسنات، وربي يكون في عون كل الامهات اللي راهم مع الامتحانات تاع ولادهم ربي ينجح الجميع