الجزء 171 من واش طيبتي اليوم�� كوزينة اللمة والمحبة والبساطة ����

[oum ibrahim]

صباحكم ورد وهنا وسعادة
فطرتو ولا مازال تفضلو قاتو اسبانيول لفلة فعلا رهييب يعطيها ما تتمنى
بسم الله







غدا يا رايحة نعاند أم جوجو والا من بعد تسخفني هههه صراحة غير نشوف الرز نتاعها نسخف آمالا نديرو للغدا يا قالك عاند وماتحسدش فقط انا نديرو بالأرز الأبيض العادي يجي بنين مزربع حبة بحبة كما يقولو ناس العاصمة

[رزيقة16]

المشاركة الأصلية كتبت بواسطة oum ibrahim

صباحكم ورد وهنا وسعادة
فطرتو ولا مازال تفضلو قاتو اسبانيول لفلة فعلا رهييب يعطيها ما تتمنى
بسم الله







غدا يا رايحة نعاند أم جوجو والا من بعد تسخفني هههه صراحة غير نشوف الرز نتاعها نسخف آمالا نديرو للغدا يا قالك عاند وماتحسدش فقط انا نديرو بالأرز الأبيض العادي يجي بنين مزربع حبة بحبة كما يقولو ناس العاصمة

وا و مشاء الله حببتي حطيلي الوصفة يا حنونتي راني نتوحم بالكي طولي عليا و شكر

[um alaa]

المشاركة الأصلية كتبت بواسطة رزيقة16

وا و مشاء الله حببتي حطيلي الوصفة يا حنونتي راني نتوحم بالكي طولي عليا و شكر

https://www.djelfa.info/vb/showthread.php?t=1123985

[lyzzabel]

[lyzzabel]

صحة قهوتكم حبيباتي و مطرح ما يسري يمريي

رزييييقة يا عمريي راكي تتوحمي الف الف مبروووك ربي يثبتلك حملك و يكملك بالخيير و يرزقك مولود سليم معافى و العقوبا لقاااع لي متزالو يااارب
القاتو ايسبانيوول ما فيهش حاجة واعرة كي تشكلي العجينة اقسميها على ربعة ،، 3 كرات متساوية و وحدة صغيرة شوية هي لي تطحنيها باش تزيني بيها من فوق ،، و البلا ديري في تاع الكوشة تاع الكويزينيااغ هداك لكحل خخخ و اقلبيه علة فمه يعني العجينة حليها على ظهر البلا و طيبيها مباشرة بلا ما تنحيها و من الأحسن فرشي عليه ورق الزبدة و كلما تطيبي عجينة خليها تبرد و اقلبيها في بلا كبير و واسع باش ما تتهرسش و كملي هاكا مع البقية و كي تديري الكريمة بين الطبقاات خليه يبات طبعاا فالثلاجة غادي يطرا و يجي تحححححححفة ،، انا كنت معولة نعاودة مي الفرصة ما جااتش مع العلم انه يدي الوقت فالتحضيير و ربي يعاونك حنووونة


ام كاامي نسيت قبيلا باش نقولك ربي يشفي الامووورة ما تستهزييش بيها سيغت كي عندها الحمى انا تاني صفصووفي حبي مرضلي بالريح كان عنده سيمانتين ملي زاد بصح ما جاتهش الحمى و الحمد لله ديته لطبيب الأطفال و دروك راه مليح ،، ما تكتريلهاش الكسوة و الغطا باش ما يزيدوهاش الحمى و ربي يخليلك وردااتك ،، و تسلمي على الوصفات المصورة لي راكي تحطي فيهم

شكراا للي عجبهم طياابي عيوونكم الحلويين ربي يخليكم ،، و زقزووقتي هديك لوبيا طايبة فالفرن مع اللحم بعدما فورته غلطت كي حطيتها و كتبت صووتيي خخخخ ،، دك نكتبلك الوصفة قدام لا ينوض انووسي و يبدا الجهاد .

[lyzzabel]

لوبيا خضرا مع لحم مفور

اولاا تبلت اللحم كل وحدة تدير التوابل لي تبغي حتى انا مشي دايما ندير نفس التواابل من غير الملح و الفلفل الأسود و الثوووم خخخ ،، زدت معاهم شوييية كمون و سكنجبير و عود قرفة و قطرات من الخل ،، مداري ندير تاني البصل رابي ولا مقطع رقيق سا ديبون يديا كيفاش يتمشو و ورقات رند ولا زعتر و لا موتااغد........
حطيت اللحم في كيس الشواء و حزمته و ثقبته و خليته يفور على مهله حتى يبقى يخصه شوية طيااب ،، قلعته
من جهة اخرى نقيت اللوبيا الخضرا و غسلتها و قطرتها خخخ و درت معاها بصلة صغيرة مقطعة رقيقة و تنجمي تديري الثوم انا ما درتهش خاطش كاين في لا صوص تاع اللحم ،، و ملح و فلفل اسود و ورقات رند و ضفت عليها اللحم المفور مع لا صوص تاعه في بلا زجاجي و غطيتهم بالألمنيوم ،، تنجمي تضيفي طريفات تاع زبدة ولا شوية زيت الزيتون من فوق ،، و خليت اللحم يكمل الطياب مع اللوبيا و يتحمر و الصلصة تعقد ،، البنة رهييييبة تققققتلللل يمييي

تنجمي تفوري اللوبيا مع اللحم انا ما قدنيش البلاص فالكسكاس امالا درتها هاكا و الف صحة و هنااا

[lyzzabel]

يا عمريييي شكون جاااات ميمتي الغااالية الحمد لله على سلاامتك و سلاامة لمييمة ربي يشفيها و يعافيها و يطول في عمرها ياااارب ،، الحمد لله رانا لاباس و انا تاني توحششششتك و حتى انا كنت غايبة على الكوزينة هبلتنا النت مخلصينها و قاطعينهالنا ،، وليداتك راهم يبوسو يديك في زوج منا و منا ،، ربي يحفظك و يخليك لينا يالحنييينة

ام الوووءة ياااي جبتيلي طنجي هداك ما نبغي و المشوك تحححفة يعطيك الصحة

كوثر يسال عليك الخيير حبيبتي الحمد لله رانا لاباس و نتيا يعطيك الصحة كلشي حطيتيه روووعة روووعة تسلم ايديييك