الجزء 171 من واش طيبتي اليوم�� كوزينة اللمة والمحبة والبساطة ��

صدق العطاء · 2016-10-23, 12:48

شكرا للبنات اللي ساعدوني
احنا لبارح درنا عشانا مقارونة
وفطورنا ليوم طعام بالسلق الاخضر
الله غالب مصورتش كي تصحلي الفرصة نصور ونحطلكم الفوطوات
قوليلي كيفاه طلعوا صور من برطابل الى منتدى ؟؟؟

حياة نور الدين · 2016-10-23, 13:20

اقتباس:

المشاركة الأصلية كتبت بواسطة ام هدول

[b]¨جبتلكم غدايا عدس بالخضرة بما انو بناتي مايحبوش الخضرة ميكسيتو جا علكيف ..درك كي يجو نشوف واش يوقولو

اهلااا ام هدول صح فطوركم حنونة وشهيتيني في العدس

اقتباس:

المشاركة الأصلية كتبت بواسطة مسلمة بالفطرة

ام جوجو حطيتيلنا عصير التفاح شهيتينا فيه وهربتي لازم تعطيني الوصفة هههه واشي هي الطريقة اللي درتي بيها العصير من فضلك

اختي الوصفة راه في الصفحات السابقة واهلاا بك

اقتباس:

المشاركة الأصلية كتبت بواسطة صدق العطاء

شكرا للبنات اللي ساعدوني
احنا لبارح درنا عشانا مقارونة
وفطورنا ليوم طعام بالسلق الاخضر
الله غالب مصورتش كي تصحلي الفرصة نصور ونحطلكم الفوطوات
قوليلي كيفاه طلعوا صور من برطابل الى منتدى ؟؟؟

بصحتكم حنونة وان شاء الله نشوفوا اطباقك

تفضلي الرابط لتحميل الصور https://www.djelfa.info/vb/showthread.php?t=1706044

nanoua7 · 2016-10-23, 13:52

سلام البنات هادي طريقة الرب أو دبس التمر حبيت نفيدكم بيها وتاني لأختي حياة و حهينة اليقين لي سالت عليه و طريقة الأكل هي تاكليه وحده و هاكداك بارد و الا دفيه شويا والا تحكمي السمن إحنا نديرو مرجان وتخلطيه مع الرب تضربيهم مع بعضاهم وتزيدي لو سمن طبيعي تاع غنمي ولا بقري يمدلو بنة هايلة وطريقة تجيبي التمر كيما لي نخدمو بيه المقروض و ادا لقيتي هاداك الاحمر افضل اغسليه غسلة خفيفة من الغبرة و ديريه في كوكوت وديري عليه الماء بزيادة و خليه يطيب راه يدي وقت حتى زوج سوايع او اكتر كي تفتحي عليه تلقايه تحرحر خلاص تحكمي قدرة بالكسكاس وتحطي سربيتة في الكسكاس و فرغي فيها كل مرة قيس بول من داك التمر و اعصريه مليح و لازم و هو سخون شويا حتان تكملي تم داك الرب لي عصرتيه فالقدرة راه يكون خفيف رجعيه فوق النار حتى يعقد مليح و تقدري تحتفظي بيه فالتلاجة ولا كونجيلاتور في قارورات ان شاءالله نكون شرحتلكم مليح و اي سوال راني هنا حقا و نسيت نقولكم بلي التمر في الأول نحطوه بالنواة تاعو مانفصوهش