دورة خطواتي الواثقة لأصبح ربّة بيت متألّقة

[mariamalak]

السلام عليكم كيف حالكم ان شاء الله تكونو على احسن حال
اليوم حبيت نشاركم ببعض النصاءح من خبيرة فالتنظيف كنت استعنت بيها في فترة حملي وولادتي بما اني عايشة في فرنسا الدولة توفرنا معينة منزلية في حالة المرض و اغتنمت الفرصة باش نتعلم منها بزاف صوالح
انا كنت كي نحب نسيق نخمل شوي شوي نرفد كلش و مبعد نرجع نسيق و راكم عارفين التسياق تاع الما الفيلضانات فالدار و ريحة لاجافال ما نجي نكمل حتى نكون عييت ما تجي تنشف الدار نكون انا لهيت فالفطور و لا كاش حاجة و النتيجة الدار نظيفة بصح التخمال شوي شوي
بصح لما جات هي ولات تبدا غرفة بغرفة ترفد الفراش تبدلو تفتح النافذة و تسقم المطرح باتقان تهتم بالتفاصيل تدخل الدراوات مليح تحت المطرح و توقف المخايد و فالاخير تدير لمسة ديكورية بوضع السادات الصغار و مبعد ترجع تمسح الغبرة كانل تفوت على ليموبل و مبعد تمسح النافذة و المرايا و كي تكمل تفوت لاسبيراتور و مبعد بالنشاف ما تقويش قاع الما تمسحها مليح و تخليها تنشف و تفوت للغرفة الاخرى و هذا كلو بوحد السرعة ما تفوتش ربع ساعة فالغرفة
منها تعلمت اني لما نخدم حاجة لازم لافينيسيو هي لي تعطيك نتيجة مرضية مثلا ايلا غسلتي الماعين لازم تنشفيهم و ترجعيهم لبلاستهم و تلمعي الحوض و ترجعي كل حاجة لبلاصتها باش تبان الكوزينة مرتبة
الاتقان ثم الاتقان

[ام شمسو محمد]

المشاركة الأصلية كتبت بواسطة mariamalak

السلام عليكم كيف حالكم ان شاء الله تكونو على احسن حال
اليوم حبيت نشاركم ببعض النصاءح من خبيرة فالتنظيف كنت استعنت بيها في فترة حملي وولادتي بما اني عايشة في فرنسا الدولة توفرنا معينة منزلية في حالة المرض و اغتنمت الفرصة باش نتعلم منها بزاف صوالح
انا كنت كي نحب نسيق نخمل شوي شوي نرفد كلش و مبعد نرجع نسيق و راكم عارفين التسياق تاع الما الفيلضانات فالدار و ريحة لاجافال ما نجي نكمل حتى نكون عييت ما تجي تنشف الدار نكون انا لهيت فالفطور و لا كاش حاجة و النتيجة الدار نظيفة بصح التخمال شوي شوي
بصح لما جات هي ولات تبدا غرفة بغرفة ترفد الفراش تبدلو تفتح النافذة و تسقم المطرح باتقان تهتم بالتفاصيل تدخل الدراوات مليح تحت المطرح و توقف المخايد و فالاخير تدير لمسة ديكورية بوضع السادات الصغار و مبعد ترجع تمسح الغبرة كانل تفوت على ليموبل و مبعد تمسح النافذة و المرايا و كي تكمل تفوت لاسبيراتور و مبعد بالنشاف ما تقويش قاع الما تمسحها مليح و تخليها تنشف و تفوت للغرفة الاخرى و هذا كلو بوحد السرعة ما تفوتش ربع ساعة فالغرفة
منها تعلمت اني لما نخدم حاجة لازم لافينيسيو هي لي تعطيك نتيجة مرضية مثلا ايلا غسلتي الماعين لازم تنشفيهم و ترجعيهم لبلاستهم و تلمعي الحوض و ترجعي كل حاجة لبلاصتها باش تبان الكوزينة مرتبة
الاتقان ثم الاتقان

والله غير عندك الحق يا مارياملك والهدف من انضمامنا لهذي الدورات هو الحصول عل هذي اللفتات .تنوضي من 5.00 وانت تدوري حتى للعشرة تاع الليل وماهو باين عليك والو وتلقاي روحك ضيعت زوجك واولادك وشبابك و كي يحمك الاحباط ترمي كل شي
انا نحوس على حيل des astuces تخلي العمل المنزلي متعة تضاف لحياتي السعيدة اللي نبنيها مع اسرتي مش اعمال شاقة

[~اسيل ريحانتي~]

ام متين لا شكر على واجب نحن في الخدمة ههههه

غزالة حتى انا ماعلاباليش لا كاين علب كبار تاع بيكربونات على خاطر انا نشري غير ساشيات صغار نشري كمية كبيرة ونعمرهم في علبة زجاجية انا قلت بلاك كاين في لي سوربرات لكبار حتى نروح نضرب طلة ونشوف مادابيا نلقا كمية كبيرة