شطيطحة سردين ..... على طريقة زٌخْرٌفَةُُ

[انا هي رزيقة]

اختي كراكو مشي كل شيئ يقلى يولي مسموم لانه العبرة ليس في القلي بل في طريقة القلي و في جودة زيت القلي اذا كانت جديدة او قديمة مثلا . كما ان العبرة ايضا في كم من مرة في الاسبوع ناكلو قليان و ثاني وش رانا نقليو مثلا حينما اضع البصل و الثوم و الحشاوش في السردين فهذا الشيء يرفع من قيمته الغذائية و من مناعته ضد سموم الزيت ان كانت هناك سموم.
اما فيما يخص كسرة الشحمة اكيد اذا قدرت نفيدك بلا مزيتي اختي انا اصلا من المدافعين الشرشين على الاكلات الصحية و البنينة تع اجدادنا .
فممكن تقوليلي اختي هل الكسرة لي راكي تحوسي عليها فيها حشاوش لانو لي ديرها يما فيها حشاوش مثل النعناع وبصل اخضر من النوع الصغير صغير مع شوية شحمة تع الغنمي نيبسوها من العيد و زيت زيتون .
شوفي حبيبتي تاخذي سميد من النوع المتوسط و زيديلو ملح حسب الكمية و شوةي شحمة تفتيها مليح مليح بين صبعتيك و تبسيسه بزيت زيتون شغل رايحة ديرى كسرة رخسيس . و من جهة اخرى تميكسي في الروبو نعناع و بصل اخضر به و باوراقو او اي نوع حشيش متوفر عندك مثل البورو او وحد العشبة حنا نقولولها بيبراس و الله عييت نحوس ملقيتش مرادفها بالعربية هما بكري كانو يدقو هذ لحشاوش في المهراز و تعجني بهذ الخليط الكسرة تاعك عوض الماء حتى تتحصلي على قوام الكسرة رخسيس و تقسميها مربعات اذا خفتي متتحكميش فيها و تطيبيها في الطاجين بالصحة و الهنا .