الجزء 169 من واش طيبتي اليوم

omelbanin · 2016-09-20, 16:03

لي راكم ديرو الرفيس ولا ازرير، اعطوني الوصفة تاعو، انا امي توفاة.وانا صغيرة، سما ماكانش لي يوريلي هادو الطيابات التقليدية، غير لي تعلمتها مالنت وساعات a peu près.

طالبة رياضيات · 2016-09-20, 16:14

اقتباس:

المشاركة الأصلية كتبت بواسطة omelbanin

لي راكم ديرو الرفيس ولا ازرير، اعطوني الوصفة تاعو، انا امي توفاة.وانا صغيرة، سما ماكانش لي يوريلي هادو الطيابات التقليدية، غير لي تعلمتها مالنت وساعات a peu près.

أختي هذي وصفة من النت أسفة في بيتنا لا نجيد طبخ الزرير بالنسبة للرفيس إذا استطعت ستكتب لكي أمي الوصفة
الزريــــــــــــــــــر البسكري

طبق حلو يحضر خصيصا للمرأة عند الولادة لما فيه من فوائد صحية أهمها إدرار الحليب.
فضلا عن تقديمه للمهنئين والضيوف.

المكونات:

- 3 كيلات حمص
- 2 كيلات قمح
- اللبلابي ( اختياري)
- الجلجانية( اختيارية)
- التوابل والاعشاب ( قرفة، رند، الطيب" القرنفل"، نعناع، الزعتر بنوعيه، الكليل)

التحضير:

نبدأ اولا بتنقية القمح والحمص
وبعد غسل القمح والحمص وتصفيتهما ، نشرع بتحميصهما في طاجين طين أملس كل على حدى.
كما لا ننسى تحميص كمية الجلجلانية المراد إضافتها
القيام بخلط المكونات ومن ثم إضافة التوابل و الأعشاب .
إرسالها إلى محل الطحن على أن يطلب منه أن بين بين ( لا خشن ولا دقيق)
التقديم :
تخلط كمية من المارغارين أو السمن مع كمية من العسل وتذوب على النار ثم إضافة مسحوق الزرير مع التحريك إلى أن يتماسك المزيج ( لا سائل ولا ثخن)
والتزيين يكون حسب الرغبة ( زقوقو، كاوكاو، جلجلانية.......)

omelbanin · 2016-09-20, 16:33

يعطيك الصحة اختي الصغيرة امونة، باينة عليك طيبة وشطوورة.
بصح انا تلفتلي عمبالي الرفيس هو الزرير ؟؟انا حبيت، لي يجي بالفطير ويفتتوه،..... اومباعد يديرولو الغرس.....
ريمة حبيبتي، باينة عليك صبورة، اقتبستي كامل الردود ورديتي عليهم، شكراً لك.

طالبة رياضيات · 2016-09-20, 16:49

اقتباس:

المشاركة الأصلية كتبت بواسطة omelbanin

يعطيك الصحة اختي الصغيرة امونة، باينة عليك طيبة وشطوورة.
بصح انا تلفتلي عمبالي الرفيس هو الزرير ؟؟انا حبيت، لي يجي بالفطير ويفتتوه،..... اومباعد يديرولو الغرس.....
ريمة حبيبتي، باينة عليك صبورة، اقتبستي كامل الردود ورديتي عليهم، شكراً لك.

مليح امالا هاهي الوصفة :
اخبزي مثقبة وطيبيها في الطاجين
جيبي الغرس نقيه مليح من الاعظام كاين ليفوروه بصح من الاحس تدلكيه بيديك بشوية زيت
وديريه في قصعة
كي تطيب المثقبة هرسيها بالمهراز (فتيه يعني ) وضيفيها على الغرس و ديري معاهم الزبدة وادلكيها
اذا حبيتي من الاحسن ذوبي الزبدة
بالنسبة لمقدار المثقبة زيدي عينك هي ميزانك كي يحكم الرفيس روحو متزيديلوش المثقبة
طريقة التزيين ترجع ليك
هذي طريقة ناس المدية اذا كان طرق أخرى راح يفيدوك الاخوات
في انتظار تطبيقك

طالبة رياضيات · 2016-09-20, 16:17

اقتباس:

المشاركة الأصلية كتبت بواسطة omelbanin

لي راكم ديرو الرفيس ولا ازرير، اعطوني الوصفة تاعو، انا امي توفاة.وانا صغيرة، سما ماكانش لي يوريلي هادو الطيابات التقليدية، غير لي تعلمتها مالنت وساعات a peu près.

أختي انتي قصدك الرفيس التونسي او الطمينة لان في اماكن عدة الرفيس عندهم هو الطمينة انتي قوليلي وماما تكتبلك الوصفة