بمناسبة الدخول المدرسي كلمة لاشبال بكالوريا 2017

[abir3552]

السلام اختي انا هذا العام نجوز الباك شعبة علوم تجريبية و نشالله حابة نديه بمعدل مليح باغية تفيديني بمجموعة من النصائح عن طريقة المراجعة و و هل انت بديتي من النهار الاول تقراي و تحفظي للباك و لو ممكن تعطيني المواقع الي كنت تدخليلهم على الانترنات و فادوك في لقرايا في جميع المواد تعيشي عاونيني الله يحفظك

[samalg]

المشاركة الأصلية كتبت بواسطة abir3552

السلام اختي انا هذا العام نجوز الباك شعبة علوم تجريبية و نشالله حابة نديه بمعدل مليح باغية تفيديني بمجموعة من النصائح عن طريقة المراجعة و و هل انت بديتي من النهار الاول تقراي و تحفظي للباك و لو ممكن تعطيني المواقع الي كنت تدخليلهم على الانترنات و فادوك في لقرايا في جميع المواد تعيشي عاونيني الله يحفظك

شكرا على المرور
انا ما بديتش المرجعة من النهار الاول هاذي حاجة باينة وراني حاصية بلي ما بديتش نجتهد حتى فات العيد الكبير بصح الاساتذة كانوا يعطولنا تمارين كنت نحلهم ووظائف الخ
نتي فالبدية ماراكيش تحفظي للباك الباك مازال ركزي جيبي مليح فالفصول عادي لانو كون ديري في بالك جيبي مليح فالفصل معناها تقراي الدروس ملييييح وما تنسايهمش هكا يبقاولك حتى للباك مشي فالفصل ما تقراوش قاع قال قال انا راني نقرا للباك لالا لازم كل مرة تختبروا المستوى
ورايحين تشوفو بعض الوحدات الجديدة لي ممكن تكون صعيبة وتيأسوا مع الاول كيما صرالي انا بصح ماعليش مهما يكن سقسي الاساتذة والتلاميذ لي يعرفو يقراو باش يعاونوك ونتي تاني ما تبخليش بالمعلومات
المواقع لي كنت نروح ليهم بزاف
https://3as.ency-education.com/
https://www.eddirasa.com/ens-sec/3as/
https://www.dzbac.net/
https://www.bacalg.com/a/e/3/comp/
هاذو هوما لي نعرفهم وكنت نروح ليهم والطبع كنت عضو نشيط في منتدى الجلفة قسم التحضير للبكالوريا

تاني حاجة هاذوك الليالي البيضاء غي خطيك منهم باسكو تعياي بزاف انا ما درتهمش حتى السمانة التالية قبل الباك الاول هاذا ماكان
اصلا ما كنتش نديرهم وكنت لاحقة للقراية وكل شي لانو الانسان يرجع لدار مالقراية ميت بالعيا وزيدي تلقاي التمارين يستناو من بعد المراجعة على هكا ارقدوا قد لي تقدروا ولحفظة كل سمانة ديرو مادة والمواضيع باش تحلوهم وتفهموهم ديرو دروس خصوصية فالمؤسسة نتعكم ولا كيما تبغو
ربي يوفقكم وصح عيدكم