||¬ سلسلة صحة العيون الحلـــ _03_ ـــــقـة ¬|| العدسات اللاصقة نعمة ام نقمة على مستخدمها؟

[سطايفية بكل فخر]

المشاركة الأصلية كتبت بواسطة moulmoul

والله ما لقيت واش نقولك ....بارك الله فيك اختي على ردودك واهتمامك بأسئلتنا وخصوصا انو موضوع حساس هههه وهو العينين ...
ماعليش نزيد نصمت عليك .... بأسئلتي
فيما يخص الليزك الوالد تاعي كل ما نحكيلوا عليه يرفض الفكرة ويقولي المضعفات والعينين حاجة غالية الخ فخفت
الان نجوااا للعدسات قلتي بلي كاين اليومية ماركة بوش اندلمب يعني الي تندار في نهار وتترمى في الليل هل هي موجودة حقاااا عندنا هنا في الجزائر لانو هي الي راني نبحث عليها وقوليلي شحال السعر تاعها ... في حالة اني لقيتها ودرتها هل نقدر ندير بيها القيلولة يعني ساعة مثلا
وياريت تزيطي تعطيني معلومات على هادوك العدسات الي قلتي تندار في الليل وتتنحى فنهار ... ياك يقولوا النوم بالعدسات في الليل ماشي مليح وهل اثبتت فعاليتها وهل هي متوفرة في الجزائر وسعرها
شكرااا لكي جزيلا وربي يعطيك ما تتمناي يارب
رربي يعطيك ما تتمناي

ماتقولي والو هذا واجبي
دعيولي بدعوة خير برك هذاك وشا نحتاج
+
صمطي كيما تحبي هههه فوفار
+
هههه باباك مزال شاد في العهد لقديم
ياختي راهو الليزر طور وعاد يخدمو الفامتو والسمايل ميتلاحوش بالموس خلاص
مي تولهي مش كامل العيادات يديرو بيه
هذا الفامتو والساميل يديرو بالليزر مش بالمشرح
وعيادات تعد على الاصابع لي يخدمو بيه
+
وي كاينة اختي ومن زمان وليزيميقري يجيو يديوها من عدنا ويروحو
بخصوص السعار وكيفية الاستعمال من بعد نرد عليك لانو حسب كل ماركة مش متوفرة حاليا المعلومة عندي نسقسيلك ونرجعلك لخبر
+
بخصوص تاع الليل هي جديدة اسمها orthokératologie وتجي غير ليبويسونس الصغار كيما حالتك
هي دورها انو ترقدي بيها فليل تعمل على التاثير في الكولاجين تاع العين الصبح نحيها وروحي وين تحبي بلا نارات ولا عدسات تبقاي نهار كامل تشوفي مليح بلا والو وفليل عاودي ركبيها وارقدي
مجربة وشخصيا شفت اشخاص مدايرينها وعاجبتهم بزاف ومتواجدة في الجزائر ايضا
نقسيلك وشحال دير غاليتي ونرد عليك
+
المركز لي حكيتلك عليه عندو كل انواع العدسات ومتخفا عليه حتى عدسة هاربين بزاف
انا نهار هدرولي عليك قتلهم مكانش منها وين يلحقو التوانسة لكن كي رحت وشفتو تخلعت راهم مديين جوائز عالمية
ويخدمو كيما القور
عندهم العين هي الصح وميهمهمش واش خرب طبيب اخر
غير روحي ليه وثما سقسي واش حبيتي عندهم ايكيب تخدم في العدسات يوريولك كيفاش تلبسيها وكل الشروط تاعها ويمدولك حتى سيدي يعاونك
مكانش واحد دخل عندهم ومخرجش راضي بعدستو

اي سال اخر انا بالخدمة غاليتي