استفسار بخصوص استفادة من اعفاء(كفالة)

[islofouiny]

المشاركة الأصلية كتبت بواسطة ouss89

الاخ بالنسبة للكفالة لازم تكون عندك شهادة عمل وكشف الراتب
يعني تقدر تخدمهم عند اي واحد او يخدمك هو مباشرة كاجراء مؤقت فقط ولكن حط في بالك بلي راهم يطلبو عليك شهادات طبية للوالدين ولازم تثبت فيها نسبة العجز
بالاضافة لشهادات مدرسية لاخوتك وفوق كل هذا ماتقدرش تحط الملف تاعك حتى ينتهي السورسي تاعك
اذا انت ماكش حاب تفوت حوس على عمل ولو مؤقت كيما قتلك المهم تقدر تدفع بيه الملف لكن اذا شايف روحك راح تضيع وقتك وخاصة في خالة ما تطول دراسة الملف
وممبعد يرفضوه فهنا نقولك شوف بعض المواضيع هنا في المنتدى حول الثكنات لي يكثر فيها الفائض و شوف وش يساعدك
الثكنات كين من المدرسة العليا لللبحرية والنقل والمرور بتلمسان الهندسة ببجاية العتاد الحراش المدرسة التطبيقية للمدرعات بباتنة المدرسة العليا للطيران بطفراوي وهران
مدرسة إطارات المشاة ببلعباس المدرسة التطبيقية للمشاة بشرشال المدرسة التطبيقية لمدفعية الميدان ببوسعادة المدرسة التطبيقية للدفاع المضاد للطيران بالأغواط مدرسة القوات الخاصة ببسكرة
حط في بالك اخي الكريم بلي كل مدرسة راهي تخير المجندين على اسس مختلفة يعني العمر والشهادة ....الخ نتا زيد اطلع على المواضيع لي هنا فيها ناس حكاو على التجارب تاعهم وتعرف اكثر وش يساعدك
بالتوفيق

يا اخ الكريم شرط اثبات عجز الوالدين و هل يمكن دفع الملف بدون اثبات العجز ,??