رياضيات وإعلام آلي - باب الزوار - خاص بأصحاب السنة الأولى للرد على إستفساراتهم

[algerien 100]

السلام عليكم
اود ان اعرف كيف هو مستوى السنة الاولى خاصة انني سمعت ان جامعة هواري بومدين بها نظام صارم
ارجو توضيح هذه النقطة
و ماذا عن اقامة البنات هل هي بعيدة ام لا و احوالها
و ماهي الصعوبات التي واجهتها خلال هاته السنة
بانتظار اجاباتك

[safahdz]

المشاركة الأصلية كتبت بواسطة algerien 100

السلام عليكم
اود ان اعرف كيف هو مستوى السنة الاولى خاصة انني سمعت ان جامعة هواري بومدين بها نظام صارم
ارجو توضيح هذه النقطة
و ماذا عن اقامة البنات هل هي بعيدة ام لا و احوالها
و ماهي الصعوبات التي واجهتها خلال هاته السنة
بانتظار اجاباتك

وعليكم السلام

صراحة السنة الأولى كانت جيدة بالنسبة لي ، بالفعل النظام صارم لكن ليس لدرجة تخليك تكره من القراية .. بالعكس يخليك تحرص عليها

لكن هذا في المصلحة تاعنا .. في نهاية السنة تروح تحكي معا جماعة من جامعات اخرى رح تحس بالفرق الكبير بين المستوى تاعك وتاعهم

إقامة البنات حسب ماعلمته من بعض البنات يدرسون معي .. يوجد إقامتين واحدة جديدة بعيدة شوي على الجامعة لكن تقدر تروح منها للجامعة تمشي ماشي بعيدة

وكاين وحدا جاية بجنب الجامعة ( عندهم سور مشترك ) يعني تخرج من إقامة تدخل للجامعة مباشرة

الغرف زوجية ( 2 بالغرفة ) .. قالوا انها جيدة باستثناء الطعام شوي ناقص >> كلنا نعاني من هذا المشكل

فيما يخص الصعوبات كانت في البداية عدم فهمي للدروس بسبب ضعفي الكبير الفرنسية ( اخذت 9 في الباك فرنسية واحسها زايدة على وش خدمت )

لذا كنت نواجه صعوبة في فهم الدروس بالقسم .. لكن كلها ايام حتى نحيت الحشمة وبديت نسقسي اللي يقراو معايا على معاني الجمل والحمد الله كاين ناس الخير يقولولك

فيما يخص المواد التي لقيت فيها صعوبة

- بالنسبة للسومستر الأول : مادة analyse ، ليس لأنها صعبة لكن انا بديت القراية روطار وسمحت فيها ، مادة TCE هي المفروض تحسن لغتك الفرنسية لكني انا كنت اصلا ضعيف فيها لذا كانت تجيني صعيبة
- بالنسبة للسوستر الثاني : إعتدت على الفرنسية ومنهجية الدراسة ، كل شيء جا ساهل الحمد الله