اهلا بيك اختي
الشعبة علوم تجريبية
معدلاتي كانت كالتالي
16 في الفصل الاول
15 في الفصل الثاني و 15 في الفصل الثالث
لم اكن اهتم بالمعدل اساسا حتى انها لم تؤثر على دراستي و على نفسيتي
في الفصل الاول كانت نتائجي في المواد الادبية ضعيفة 13 .. 14 ,, 15
اما المواد العلمية كانت ممتازة , العلوم متوسطة 15 , 16
راكي بلا ما تحسي بروحك تهتمي بالمواد العلمية اكثر في الفصل الاول
بالنسبة للفصل الثاني تحسنت في المواد الادبية الا الفلسفة كانت غلطة مني لكن استدركتها في الفصل الثالث كنت نقراها بكثرة كملتها في اواخر افريل تقريبا
الفصل الثالث كانت دروس العلوم اسهل و الرياضيات الحمد لله
صح اتخلغت كي دخلو الاحتمالات و الاهتزازات و الجيولوجيا خطراه تعبت هداك الوقت في افريل و ماي لكن قريتها و حليت عليها تمارين و جابولنا الاهتزازات و جاوبت فيها الحمد لله
_ نعم بديت الدراسة من الصيف كنت متحمسة و في نفس الوقت كانو يقولولي تتعبي في نهاية العام لكني استفدت كثيرا من الصيف
حبسي نقلك واش قريت فيه :
الانجليزية حفظث الفقرات كامل و ترجمتهم حتى المفردات لي كاينين فيهم عاونوني باش نكتب فقرات اخرين و بالمناسبة الفقرات هادوك هوما الي يجوك منهم في الباك
بالنسة للرياضيات درست في الصيف من عند الاستاذ نور الدين في الانترنت خطراه الدروس لولين تاع الرياضيات من السنة الثانية ثانوي و انا كنت ضعيفة في الرياضيات و هذا عاوني بزااف بزاااف حبست عند درس الدالة الاسية الانو درس جديد ملقدرتش عليه و حدي
حفظت الوحدة الاولى تاع الاجتماعيات بمصطلحاتها تاريخ و جغرافيا و ثاني هكذا عاوني بزاف خطراه الوحدات الاولى هي الاصعب و الاطول في الاجتماعيات يعني لقيت روحي متفكرة و زيد في الاجتماعيات كنت نحفظ وحدي ما نراعيش للاستاذ و قدرت نكملها في مارس تقريبا
قريت في الصيف ثاني الوحدة الاولى من الشريعة و راجعت علوم و راجعت الفزياء ( الفزيا ثاني الدروس تاع السنة الثانية ثانوي لازمك تكوني فاهمة فيها )
و في الخير نقدر نقلك القراية في الصيف مفيدة جدا و لي يقلك تتعبي صح لكن التعب راهو ديما كاين مالا نقصي على روحك في الصيف مادام الضغط ما يكونش عليك كيما في العام
__ العقبات الي واجهتني هو انو الاساتذة الي حكمونا ما يفهموش بكل صراحة غير تاع العلو و الفيزيا فقط فقط هذا الامر قلقني بزاف لكن الباك تقدري تقولي الي تقريه وحدك هاداك هو الي راح يفيدك -- انا كنت نحفظ وحدي درك نقلك على المراجع
و ساعات كي تكون الحصة ما نستفادش منها ما نروحش خلاص
__ نعم درت دروس خصوصية و غير هي الي عاونتني لانو قتلك الاساتذة ماكانوش يفهمو
وتقدري تقولي بفضلها تحصلت على هاد المعدل لكن
كنت دايرة دروس خاصة يجيني الاستاد للدار و يقريني فيزيا و رياضيات و كنت نفتح تمارين و نعطيلو يفهمني و نعرف اخرين قراو عند نفس الاستاذ لكن ماجابوش مليح يعني لازمك تزيدي تعاودي لقراية و حدك
و درت دروس خصوصية عند احسن اساتدة في ولاية بسكرة في العلوم و الرياضيات و كنت نستفيد منها صح و كنت نقول لروحي الا راهي مضيعة للوقت لكن بالعكس الحمد لله
__ المراجع كانت كالتالي : (y)
__ المغني في الرياضيات ( فتحت التمارين تاعو كامل كامل ما خليت حتى تمرين ) و ساعات الكتاب المدرسي و حليت البكالوريات كامل في كل وحدة نفتح التماريت تاعها
__ الفيزيا ( حليت تمارين كتاب المراجعة النهائية اسمو صح المراجعة النهائية لكن ابدي افتحي منو من الفصل الاول ) و كاين تمارين في الكتاب المدرسي و تماريت البكالوريات ( الاساس انك تفتحي تمارين تاع الباك الي فاتو و تعاوديهم ) تمارين الباك حتى من شعبة الرياضيات و تقني ,,
__ في العلوم احمد امين خليفة مليح لكن فيه تمارين معاودين راكي تعرفي نتي وش تقري منهم و المراجعة النهائية ركزي عليه حلي التمارين و ابقي عاوديهم
__ في الادب و الانجليزية و الفرنسية ملخصات و افتحي بكالوريات ابدي فيهم من الفصل الثاني على الاقل
__ الاجتماعيات محمودي عادل حفظت منو الدروس كامل حتى التقويم و في الباك جابولنا منهم و التواريخ ايضا لكن الشخصيات من ملخصات خطراه طوال بزاف و الشخصية الي منلقهاش في الملخص نحفظها من الكتاب محمودي عادل
__ الفلسفة كتاب السامي نقرى الدرس و نكتبو على شكل نقاط و نحفظهم هوما و الاقوال
__ الشريعة كتاب الميسر طبعتو من الانترنت و الكتاب المدرسي و كاين حوايج زايدة في كتاب " مرسلي " حفظتها
رايحة تلقي صعوبة في الفرنسية و الادب كيفاش ترجعيهم لكن ما تخليهمش حتى الفصل الا خير حاولي تفهميهم برك
بالنسبة لمواد الحفظ ابداي من الفصل الاول
__ الانترنت في عام الباك لم اعتمد عليها لاني كلشي حضرتو في الصيف كنت ندخل غير منتدى الجلفة نشوف كاش تمارين يحطوهم حتى الفايس بوك بلوكيتو (y) راهو عام صعيب صح هذا مش راح يخليك تخافي لكن راح يزيد من الارادة تاعك
و من الاحسن تبعدي على الانترنت في وسط العام و على التلفاز هههه راهو عام و فايت تضحي بكل حاجة عندك غير باش تقري
__ لا ما فتحتش كامل تمارين الكتاب المدرسي البعض فقط قلت لاستاذي للدروس الخصوصية على التمارين المهمة فيه و انا نحلهم
بالتوفيق اختي
ديري في بالك القراية ماشي ساهلة بزاف باش ما تتهاونيش و ماشي صعيبة الي تخليك تحبسي ما تقريش و تكملي
برك لازمك تعتمدي على روحك في هاد العام و القراية الي تقريها في الدار وحدك هي الاساس و هي الي راح تجيبلك الامتياز انشاء الله
عفوا اختي :* :*
( تقرير عن مشاركة سيئة )، و الموجودة أسفل كل مشاركة .
2016-07-15, 11:38
العرض المتطور
