سقسيو و انا نجاوبكم تفضلو

[ملكة القمر]

المشاركة الأصلية كتبت بواسطة jë suîs comçà

أنا بديت نراجع في الرياضيات الي نحتاجها عام الجاي(الدوال، الهندسة في الفضاء، العمليات على الاشتقاقية......_) علاخطرش قالنا الاستاذ في الباك يعتمد على المنهجية و انا حابة نحسن منهجيتي باه يمدولي نقطة مليحة ان شاء الله
أما العلوم رايحة نلم الاوراق الي نحتاجهم (النقل المشبكي ، المشابگ، الطفرة ، الخلية الحيوانية و النباتية مكوناتهما ) ياك عنبالك يجيو في الباك كل عام
الإنجليزية لازم نراجع قواعدreport h ، قريتوهم ياك؟؟؟؟؟؟؟؟؟ و syllable بزاف حوايج نحتاجوهم في الباك
الفيزياء منكذبش عليك انا ضعيفة شوية في الفيزياء و المعامل تاعها كبير 5 اذا عندك نصائح ممكن تنصحيني؟
اما الفلسفة مزال مقريتهاش كامل
غير نكمل هذو هههههههههههه
سلام و صح فطورك

انا هاذو كامل راح نخليهم بعد رمضان و زيد عليهم الفرنسية خطراش مكانش عندنا أستاذ
و الله يا اختي انا كذلك عندي مشكل عويص مع الفيزيا و مدرتش دروس خصوصية منحبهمش و اللي يقراو معايا كامل يفوتوني فيها وليت دورتها نحل تمارين بزاف خاصة في هذا الفصل الثالث ركزت عليها مليح و حليت كامل تمارين الكتاب المدرسي و الزاد و السبيل و مواضيع بزاف صبت روحي بهاذ الطريقة فيها شوي باه نعوض النقص و كنت نسجل ارقام التمارين الصعيبة و اللي فيها افكار مليحة و قبل الاختبار نعاودهم
و الله انا تحسنت بزاف فيهاو ديت 19.5 في الاختبار
و راني ناوية نعاود الكيمياء العام الجاي كامل داخلة في الباك