تارت بالفراز تهبل ساهلة ماهلة

marwa81 · 2016-05-29, 16:03

اقتباس:

المشاركة الأصلية كتبت بواسطة marwa81

السلام عليكم باسم الله هدي أول مشاركة لأي المهم ج بتلكم وصفة ساهلة تاع تارت بالفراز تخرج تهبل فيها ثلاث طبقات الأولى : جينواز ساهل فيه 2حبات بيض نصف كأس سكر نصف كأس زيت 1خمارة كيميائية و الاغاني + كأس فرينة بعدما طيب بها خليها تبرد و ساقيها بسيرو باش جيك خفيفة
الطبقة 2 كريم باتيسيار انا ندير نصف لتر حليب+2حبات بيض+4مفارف سكر +2 معارف مايزينة و عطرها بقشور القارس انا نديرها في حمام مريم باش طبلي مليح و تحبي اشريها واجدة
الطبقة 3 200غ فراولة كأس عصير الليمون 3مغارف مايزينة 5مغارف سكر كيس فلان نوارة ذوق فراز و لا 5مغارف فلان فراز تاع الكيس الكبير خلطي هاد المقادير في الميكسور و حطهم في كسرونة على نار هادئة و حركي مليح حتى تتحصلي على كريمة خطبها فوق الكريم باتيسيار إلي تكوني حطيتيها على جينواز و بردت و تماسكت بعدما تفرغي كريمة الفراز حطيها تبرد في الثلاجة مليح وقدميها ديسار و لا مع عصير او مشروب انشاء الله تكونو فهمتو الوصفة ونفيدكم شكرا و الصور راهي تعبر عن الوصفة

اريج 07 · 2016-05-29, 16:10

وااااع تهبل بارك الله فيك يم يم

marwa81 · 2016-05-29, 16:13

اقتباس:

المشاركة الأصلية كتبت بواسطة marwa81

معذرة عن التأخير في وضع الصور راني زينتها بالشانتي

اريج 07 · 2016-05-29, 16:16

اختييري تعديل في الوصفة و حطي معاها الصور برك

marwa81 · 2016-05-29, 20:04

شكرا جزيلا اللي ردولي مزالني جديدة محتاجة تشجيع منكم حتى الصور مازال متعرفش مليح كيفاش نحملهم أرجو المساعدة شكرا