ما رايكم

[زبدة ذايبة]

شوفي يالحبيبة

درتي غلطات بزاف في هذ الخطوبة

مايغركش انت رزينة وشجاعة ومتربية وبنت عايلة أن الأمور راح تمشي معاك تمام التمام

غلطتي كي عطيتيلوا المجال للتفكير وياخذ راحتو في الأفكار

كاين حاجات في هذ الدنيا ماتتحملش المجال الواسع

كي تكوني حابة تكسبي عصفور وتكوني ميتة عليه

ديريه في قفص وتغلقي عليه باش مايروحش

ماشي تخرجيه من القفص وتخليه يفرفر في الدار كيما يحب

يجي نهار يتفتحلوا الباب يروح ويطير ويخليك

انت

هذا الشخص نهار ماجا يخطبك كان مقتنع بيك بيك بنسبة كبيرة

وانت دخلتيلوا الشك على أنك ماتصلحيش تكوني ليه زوجة

بالتالي

خليتيه يعاود يفكر في الارتباط بيك بطريقة مختلفة

هذيك 20% اللي بقات هي اللي راهي رايحة تقرر مصير خطبتك ماشي هاذيك 80%

مايغركش النسبة الكبيرة اللي قالك راه مقتنع بيك فيها

النسبة الصغيرة هي اللي تحكم وهي اللي راه تخدم في عقلو

الدليل قراره الأخير باش ماتزيديش تهدري معاه حتى يقرر فيك القرار النهائي

وين راهي حيلة النساء عندك ؟؟؟؟؟؟؟؟؟؟؟؟؟؟؟

ماكاين حتى وحدة عاقلة دير لروحها هكذا

تخليه يشك بلي ممكن يكون اختياره وقراره في الزواج منك خاطئ

وشجعتيه على التفكير مرة ثانية

انت جاك للدار وهو مقتنع بنسبة 100%

بقيتي مراه حتى ولات 80%

مشى الوقت وقالك اخطيني ماتربطينيش عاطفيا ؟؟؟؟؟

مانعرف شحال ولات النسبة في هذ الفترة؟؟؟؟؟

زادت 20% ونقصت 80% ؟؟؟؟؟؟؟؟

انت وين راكي في هذ النسب المئوية ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

الله أعلم

ونزيدلك غلطة ثانية :

انت هو 20% دايرة في عقلو حالة وزدتي قلتيلو حتى أنا ماقررتش

عوض ماتقوليلوا أنا راني مقتنعة بيك ونشوف أنك الزوج المثالي

وأنك الرجل ذو الدين والخلق

هكذا تهدري معاه ماشي تقوليلو حتى أنا مارانيش مقتنعة

يعني النتيجة هذا الخطبة وهذا الزواج مايشقاش

ماكالاه تتزوجي بيه وخلاص

يعني وش فايدة الشيء اللي درتيه ؟؟؟؟؟؟؟؟؟؟؟؟؟؟؟

حاجة ماتحصلتي عليها ؟؟؟؟؟؟؟؟؟؟؟

الغلطة الثالثة:

هذا رجل ماعطالك الشرع حتى حق باش تهدري معاه

هو رجل أجنبي عنك

الخطبة وعد بالزواج فقط

وانت حللتي لروحك تهدري معاه بكل الوسائل

العدد مايهمش شحال هدرتي معاه

المهم هدرتي معاه وغلطتي من جيهة رب العالمين على هذا الضمير تاعك ماخلاكش مرتاحة

عاودي راجعي تصرفاتك والطريقة اللي تفكري بيها

على خاطر راني نشوف فيك غالطة من هذا الجانب


أنا هذا رأيي في مشكلتك

نتمنالك كل التوفيق