الجزء163من كوزينة واش طيبتي اليوم ؟؟.؟؟؟.؟؟ - الصفحة 40

oum islem · 2016-04-24, 20:17

اقتباس:

المشاركة الأصلية كتبت بواسطة أم سدرة

مساء الخير عليكم دخلت على كل هاد الخيرات ماشاء الله عليكم كل وحدة باسمها اختي ام هدول ممكن تحطيلي وصفة الكاشير من فضلك
هادا غدايا اليوم تليتلي وكفتة السردين
[img]

[/img]

ام سدرة ماكلتك بنينة تهبل سوا التليتلي ولا كفتة السردين يعطيك الصحة اختي وربي يعينكم على الغربة دوك نحطلك الوصفة مصورة

oum islem · 2016-04-24, 20:22

اقتباس:

المشاركة الأصلية كتبت بواسطة جازيا ام البنات

ليزاسبارج هو السكوم نبدالك بالسكوم نغسله من بعد نقصص غير الطري نبدا من الراس كي نوصل للشارف نحبس يعني نعمل غير الطري من بعد نعملو يفور يعني يبخر حتى يطيب من بعد في مقلا نحط شوية زيت زيتون+ثوم حسب الذوق نتي تتحكمي في الكمية +شوية فلفل اسود كي تتقلى الثوم نفرغ السكوم ونقلي شوية برك نعمل الملح ثم نطرب حبة بيض او اكثر حسب كمية السكوم +كمون حوالي ملعقة كبيرة (يحب الثوم والكمون) نفرغ البيض وننقص للنار ينشف غير شوية ونقدمه مع رشة زيت زيتون
ممكن ادا كان عندي الترفاس نقيه ونقصه كيما الفطر المعلب ونبخره ونخلطه مع السكوم بنفس الطريقة عند التقديم نقصص معدنوس ونزين بيه

نضن تعرفي التشيشه وادا ماتعرفيهاش قوليلي المهم نحط في قدر مقدار من الماء حوالي 1.5 لتر ماء نقسم حبة بصل على 4 نزيد اربع او خمس سنينات ثوم ممكن اكثر ممكن اقل حسب الرغبة نصف حبة طماطم صغيرة نحط شوية فلفل اسود ومقدار 4 ملاعق كبار زعتر بري مطحون من الاحسن يكون مطحون جديد +ملح نخلي الماء يغلي كي يبدا يغلي نفرغ مقدار 2غرافي نتع التشيشة ونحرك نقص للنار ونخليها تطيب ومرة على مرة نحرك حتى تطيب عند التقديم نحط من الفوق الزعتر وهي تصلح خصوصا للزكام بصح ماتشربيش مراها الماء
هذه هي الغرفية لي عبرت بيها

ربي يحفظك جازيا ويعطيك ما تتمني على التوضيح والطريقة
والتشيشة نعرف الدقيق الاحرش لي نديرو بيه قلب اللوز ممكن تختلف التسمية عندكم ؟؟؟

oum islem · 2016-04-24, 20:24

اقتباس:

المشاركة الأصلية كتبت بواسطة حياة نور الدين

اختي ام نور الهدى تفضلي

شكرا حيوتة ربي يهني قلبك

أم سدرة · 2016-04-24, 20:25

يعطيك الصحة ام إسلام ربي يخليك

أم سدرة · 2016-04-24, 20:30

اليوم درت الجيلي ذوق مانجو أو مانجا
[IMG][/IMG]

oum islem · 2016-04-24, 20:34

كنت مشغولة جدا ما قدرتش ندخل العفو منكم غالياتي
نحطلكم صور لغدا والعشا على التوالي للامانة لعشا أرشيف عشانا الحقيقي بواقي من الغدا

سمكة في الفرن بطريقة الغالية ليزاتي ولا أروع وفعلا بدون بصل يختلف الذوق وتبلتها بتوابل خاصة بالسمك جابوهملي من المروك واحد الريحة واحد البنة هايلة هايلة هايلة

oum islem · 2016-04-24, 20:37

اقتباس:

المشاركة الأصلية كتبت بواسطة أم سدرة

اليوم درت الجيلي ذوق مانجو أو مانجا
[img]

[/img]

بصحتكم ام سدرة الغالية باين ذوقها لذيذ طعم المانجو وريحته اممممم

oum islem · 2016-04-24, 20:43

برانية ليزا وخبز ام ساجد الرائعتين

وشوصون الحبيبة الغالية ام سهام

oum islem · 2016-04-24, 20:45

تصبحن على كل الخير غالياتي
الى الغد بحول الله أحلام لذيذة وكوابيس بعيدة

في امان الرحمن وحفظه

جازيا ام البنات · 2016-04-24, 20:58

اقتباس:

المشاركة الأصلية كتبت بواسطة oum islem

ربي يحفظك جازيا ويعطيك ما تتمني على التوضيح والطريقة
والتشيشة نعرف الدقيق الاحرش لي نديرو بيه قلب اللوز ممكن تختلف التسمية عندكم ؟؟؟

لالا ماشي الدقيق لي نديرو بيه قلب اللوز هداك نقولولو السميد الخشين او الغليض التشيشة هديك لي فالصورة صورتلك الصاشي وصورتهالك برقي مليح بلاك عندها تسمية اخرى عندكم هي دايرة كيما الفريك الاختلاف فقط في اللون
بالنسبة للطعام لي تكلمت عليه ليزا نعطيك طريقتي
1- طراف لحم اما غنمي ولا جاج نحط بصلة على4 نزيد ملعقة سمن شوية زعفران من الاحسن نتع الشعرة ملح رند وقرفة عود وحمص نمرق ونخليه يطيب نبخر الطعام عادي ندهنه ونعمره في الاواني الخاصة بيه
2-ناخذ بصلة كبيرة نقطعها طويلة ورهيفة نبخرها لما تطيب ننزعها ونعاود نبخر الزبيب
3-في كاسرول نحط البصل وقرصة ملح نحط عليه الزبيب ونحط ملعقة كبيرة سكر وشوية من المرق تع اللحم غير شوية نخلي البصل يتعسل
4-ممكن نبخر الخضركابويا الجزر نعمللهم شوية ملح
5-عند التقديم فوق الطعام نسدف الخضروفي الوسط نحط البصل والزبيب ونسقي بالمرق مع الحمص وطبعا اللحم من الفوق
ملاحظة كاين لي مايديروش البصل يبخروا الزبيب ويحطوه من الفوق فقط لكن التفاية هي البصل معسل مع الزبيب