الجزء163من كوزينة واش طيبتي اليوم ؟؟.؟؟؟.؟؟

[اسماء47]

السلام عليكم
واش راكم يا اهل الكوزينة يعطيكم الصحة على واش حطيتو

[اسماء47]

يا لهوي هادا وين شفت في التوقيع باللي اليوم عيد زواجنا و مافقتش وعععععععع ماوجدت والووووووووووووووو

[ام هدول]

ههههههههههههههههه ه دخلت على الخلعة تاع اسماء عيد زواج سعيد مازال النهار طويل وجديلو لعقوبة ل100سنة
جبتلكم غدايا اليوم

[ام هدول]

[b]سماح رووعة الباتسري والتحليت تاوعك الله يبارك وربي يزقك واش متمنية سيرتو الضفيرة تاع باربي ماشاء الله ..
ام ابراهيم عملتي مليح كي درتي موضع تاع االعجينة يستفاد منها الجميع
ليزا ربي يتمم حملك وبصحتك التشهانية في الماكلة خخخخخخخخ[
ام جوجو بصحتك المقرونة تشهي امممممم/b]

[جازيا ام البنات]

عشاتي البارح تشيشة و سكوم و بطاطا اكسبرس

[أم ياسين الزهراء]

بسبوستي بطريقة ليزا العسل

اسماء ههههههههههههههه ربي يحفظكم وعيد زواج سعيد

[جازيا ام البنات]

المشاركة الأصلية كتبت بواسطة جازيا ام البنات

عشاتي البارح تشيشة و سكوم و بطاطا اكسبرس

و هدا فطوري نتع اليوم لوبيا باللحم مرحي

[حبيبة سطيف]

الف مبروك رجعة الكوزينة
وصراحة وصفاتك رووووووووعة نتمنالك كل التالق حبيبتي

[lyzzabel]

بصحتكم حبيباتي و مأكول الهناا
تلاقيت مع البسبوسة بصحتكم يا أحلى داية في للوجوووود و شكراا على التقة ،، بيني و بينك واش معنتها داية نعيطلك بيها بلا ما نعرفها خخخخ

ام هدول بصحتكم الجواز حنووونة

ام جووجوو يعطيك الصحة الماقارون راه يسخف مالغري ما عندي حاجة فيه بصحتكم حبيبتي

جازيا فطورك يشهي حبيبتي بصحتكم و السكوم كيفاش درتيله و زعما جا طري ؟؟

ام إسلاام ماعليش نجاوبك في بلاصة جازيا الحبوبة وي السكوم هوما لي زاسباغج خخخ يعني ماراكيش غالطة و مشكووورة على التوضيح بالنسبة لعصير الليمون على بالي بلي بغيتي تجمديه فقط كي شفتك درتي فيه النعناع سقسيتك و راني ديت الفكرة ممم ،، انا تاني جمدته الموسم لي فات و مازال باقيلي يعني هاد العام ما نجمدش يا فرحتيي

أسماء وين كنتي خازنة كي راكي حبيبتي هادي غيبة .. عيدكم سعييييد و كل عام و نتي و زوجك بخيير و صحة و سعاادة و هنااااء يااارب و هاتيلنا شوية من طياباتك المشهية

انا ما فطرتش ما نجمتش و الأولاد كان باقي الطعام بالمرقة حميتهلهم و فطرو بيه و ن ع مازال ما يجي

كاين وحدة تفكرتها دروك نسيت نعلق عليها بصح شكون هي

[الجمان]

مساء الخير عليكم يا حراير
ما شاء الله على خيراتكم ىربي يبارك فيهم ويزيدكم من نعيمو
تفضلوا غدايا

وهادو غرايف باش تتقهواو


اللهم ادمها نعم واحفظها من الزوال
ام ياسو ما شاء الله علي هاديك اليسبوسة ممكن الوصفة

لا اله الا انت سبحانك اني كنت من الظالمين

[انا هي رزيقة]

السلام عليكم فتحت على طيابات ام هدول و ام ياسو و جازيا ام البنات ربي يدومها عليكم و علينا يا رب ثلاث فحلات كل وحدة تقول لاختها شوفيني ..... خخخخخ الف صحة و عافية عليكن حبيباتي
ليزا العسل نهارك فل و ياسمين اختي تسلميلي على تعليقاتك الزينة و االله كل يوم نرتقب في جرنانك الشيق و اطباقك الروعة و النهار لي منلقاكش نحس تخصني حاجة ربي يحفظك يا احلى ليزا
اختي اسماء ضحكتيني عيد سعيد حبيبتي
اختي حبيبة سطيف يهلا بيك معانا
شفت البنات يهدرو على المقارونة استناو نروح نشوف وين راهي

[انا هي رزيقة]

المشاركة الأصلية كتبت بواسطة omjoujou

زقزوقتي وينك راني جبتلك معشوقتك تفضلي مقارونة

يا لهوي على ام جوجو شفت لبنات يهدرو على المقارونة جيت نحوس حتى لقيتها عندك تسلميلي يا احلى فحلة صدقيني راهي تبان لي كيما يحب خاطري نحبها هكا فيها شوية صوص و زاد درتي فيها هبرة يامي يامي ربي يبارك في دوك اليدين و يعطيك متتمناي حبيبتي

[انا هي رزيقة]

يا لهوي حتى الجمان جابت لي معشوقي الثاني ياي ثم ياي ثم ياي سباغيتي جميلة جميلة يا جمان اليوم نهاري مبارك و سعيد بيكم انتي و ام جوجو ربي يبعد عليكم العين حبيباتي و االله اطباق تحفة رغم بساطتها . و يسلمو على داك االبغرير يا جمان

[انا هي رزيقة]

اختي ام برهوم واشنو هذ الفن يا فنانة حوالو عينيا من اصناف البريوش و المونة و البتي بان و اخواتها ربي يبعد عليك العين اختي و يحفظلك تلك اليدين المبدعتين و االله قد منشكروك منوافوكش حقك حبيبتي دمتي دائما مبدعة
اختي حياة بصحتكم الخفوفي تع البارح عجبتني السلاطة المفورة مشهية موووت
جازيا ام البنات يسلمو على داك المعجون الزين ممكن الوصفة حبيبتي و اظم صوتي لام اسلام نطلب منك وصفة هذيك الكيكة المبطبطة
ام اسلام بصحتكم السردينة و الفغيت على قول ليزا العسل تع البارح مطرح ميسري يمري بصح معقلتش على هذيك الحية الاخيرة لي تشبه الطعام ممكن تحللي حبيبتي
ام هدول المقروط روعة اختي تسلم الايدي لي درتو و يحفظ مولاتها من العين
حبيبتي سماح حتى لدوك لبديت نتفكرك اخصصصص على مخي العصافيري بصح طولتي الغيبة بزاف يهلا بعودتك يا حلوة يا ام الحلو الف شكر على الوصفات عجبتني ساهلة كيما نحب ان شاء االله كاش نهار نطبق هذيك تاع القاطو رولي و نجيبلك تطبيقي

[القناعة كنز]

المشاركة الأصلية كتبت بواسطة الجمان

مساء الخير عليكم يا حراير
ما شاء الله على خيراتكم ىربي يبارك فيهم ويزيدكم من نعيمو
تفضلوا غدايا

وهادو غرايف باش تتقهواو


اللهم ادمها نعم واحفظها من الزوال
ام ياسو ما شاء الله علي هاديك اليسبوسة ممكن الوصفة

لا اله الا انت سبحانك اني كنت من الظالمين

الله الله على هدوك لغرايف من شكلهم عرفتك جيجلية