الجزء163من كوزينة واش طيبتي اليوم ؟؟.؟؟؟.؟؟ - الصفحة 31

oum islem · 2016-04-23, 08:37

علقت النعناع باه ييبس نحتاجو للتيزان وللشوربة وللتاي
وعصرت شوية ليمون للعصائر
وغدانا سردين وفريت والحمد لله
لبنات الفحلات طياب السمكة الكبيرة عليكم عاونوني بوصفة الزعيم يحبس راسو فيها وما تشدش اليد بزاف والطلب موجه خاصة ليك ليزاتي خبيرة البحريات
اذا قدرت ندخل من بعد صحا واذا ما دخلتش اعرفوني خرجت عندي زيارة مريضة

واقيلا نزيدلكم فنجال قهوة ثقيلة باه تفطنو

الى وقت لاحق
مع السلامة

أم لجين هيثم · 2016-04-23, 09:02

السلام عليكم
صباح النور مفحفح بالورد والياسمين

أم لجين هيثم · 2016-04-23, 09:04

اقتباس:

المشاركة الأصلية كتبت بواسطة oum islem

مرحبا بأم لجين الفحلة وببربوشتها اللذيذة غير سقيلي شوية
كنت في دار شيخي وكنت حابة نخليلكم رد قبل ما نخرج والله ما لحقت حممت وليداتي وغديتهم وانطلقنا

صباح الخير ام اسلام اهلا وسهلا بحبيبتي نفرشلك الارض ورد نموت على الضياف لانو معنديش لي يجي عندي بزاف

أم لجين هيثم · 2016-04-23, 09:07

اقتباس:

المشاركة الأصلية كتبت بواسطة oum islem

يعطيك الصحة ام لجين خرجولك المملحات يهبلو وطالعين وخفاف وراني نحسهم مقرمشين وطايبين من داخل كما نحبهم
درتيهم بعجينة أم وليد ؟؟؟

الله يسلمك نعم استعملت العجين المورق السحري لام وليد هما اول تجربا ليا لي فلفو كنت نشريهم واجدين ضك وداعا لمشريين والله جاو خفاف ويقرمشو روعة

oum ibrahim · 2016-04-23, 09:14

صباح الورد على الوردات يومكن موفق ومبارك
كنت نراجع الخيرات الي حطيتوها يا الفحلات ماشاء الله عليكم كل وحدة و لمستها ام جوجو و الشخشوخة الي رايحة تنطق و الشربة و الطعام نتاع حياة اممممممممم بصحتكم و الكسرة نتاع الفحلة ام هدول و ضيافة الغالية ام اسلام ماشاء الله عليك وطيابات الفحلة ام محمد5 خاصة الباتيسري نقطة ضعفي حتى و لو مشري هههههه و الي بقا ماشفتوش صور ام لجين و هيثم و ريمة و ايمان واع النت ثقيلة
ام محمد 5 و باقي الاخوات تفضلو شوية معجنات درتهم بعجينة خبز الساندويت الي تصلح حلو و مالح كما رايحين تلاحظو كين الحلو و المالح ندير عجينة وحدة و نقسمها نصفين نص ندير بيه حاجة للعشا و النص الثاني ندير بيه بريوش او نتي بان للفطور الصباح و لما نخرجو ندهنو بالجولي او نرشو بالسكر الناعم باه يجيني حلو اختكم تحب الحلاوة و الي ما يحبش مايديرش عادي و تاني ندير بيها بيتزا ام رهيبة
بسم الله
هذي خبزة بالسلق كنت رايحة نديرها شكل مظفور من فوق كي جيت نهزها وااع فسد الشكل

وهذا بريوش رولي حليت العجينة دهنتها بالمعجون و رشيت حبيبات الشكولا و روليت قطعت قطع بعرض 2 سم و حطيتها في مول الكاب كيك و طيبتهم

وهذي ظفيرة بالخضار و الدجاج

وهذا بتي بان قسمت نصف العجينة الى 4 كرات حللتهم شوية و دهنت بينهم بزبدة التوريق ذايبة وحللتهم على شكل مربع ودرت في الحافة فرميسال شكولا او نوتيلا او حبيبات شكولا او شكولا رابي و لفيت مرة و نص و نقطع و نغلق مليح و الفتحة تكون من تحت و ندهن بالبيض و نطيبو

وهذي تاني ظفيرة بالسلق و النص الثاني بريوش بالشكولا

و الحمد لله حمدا كثيرا طيبا مباركا فيه

أم لجين هيثم · 2016-04-23, 09:26

ام اسلام هكي هذي الوصفة ممكن تساعدك

ربي شفيي عجوزت
وهاذو درتهم عندهم مدة

أم لجين هيثم · 2016-04-23, 09:29

اقتباس:

المشاركة الأصلية كتبت بواسطة oum ibrahim

صباح الورد على الوردات يومكن موفق ومبارك
كنت نراجع الخيرات الي حطيتوها يا الفحلات ماشاء الله عليكم كل وحدة و لمستها ام جوجو و الشخشوخة الي رايحة تنطق و الشربة و الطعام نتاع حياة اممممممممم بصحتكم و الكسرة نتاع الفحلة ام هدول و ضيافة الغالية ام اسلام ماشاء الله عليك وطيابات الفحلة ام محمد5 خاصة الباتيسري نقطة ضعفي حتى و لو مشري هههههه و الي بقا ماشفتوش صور ام لجين و هيثم و ريمة و ايمان واع النت ثقيلة
ام محمد 5 و باقي الاخوات تفضلو شوية معجنات درتهم بعجينة خبز الساندويت الي تصلح حلو و مالح كما رايحين تلاحظو كين الحلو و المالح ندير عجينة وحدة و نقسمها نصفين نص ندير بيه حاجة للعشا و النص الثاني ندير بيه بريوش او نتي بان للفطور الصباح و لما نخرجو ندهنو بالجولي او نرشو بالسكر الناعم باه يجيني حلو اختكم تحب الحلاوة و الي ما يحبش مايديرش عادي و تاني ندير بيها بيتزا ام رهيبة
بسم الله
هذي خبزة بالسلق كنت رايحة نديرها شكل مظفور من فوق كي جيت نهزها وااع فسد الشكل

وهذا بريوش رولي حليت العجينة دهنتها بالمعجون و رشيت حبيبات الشكولا و روليت قطعت قطع بعرض 2 سم و حطيتها في مول الكاب كيك و طيبتهم

وهذي ظفيرة بالخضار و الدجاج

وهذا بتي بان قسمت نصف العجينة الى 4 كرات حللتهم شوية و دهنت بينهم بزبدة التوريق ذايبة وحللتهم على شكل مربع ودرت في الحافة فرميسال شكولا او نوتيلا او حبيبات شكولا او شكولا رابي و لفيت مرة و نص و نقطع و نغلق مليح و الفتحة تكون من تحت و ندهن بالبيض و نطيبو

وهذي تاني ظفيرة بالسلق و النص الثاني بريوش بالشكولا

و الحمد لله حمدا كثيرا طيبا مباركا فيه

ووووووووووواو ام ابراهيم كلشي من يديك روائع ومن عجينة وحدة درت قداه من جاجة فريمو يعطيك الصحة

oum ibrahim · 2016-04-23, 09:33

تحريفاتي في وصفة خبز الباغيت لام وليد
علمت نفش مقادير الوصفة زدت شوية في كمية السكر و زدت مغرف حليب بودرة وزدت شوية في خميرة الخبز
درت كاس حليب دافئ +3ملاعق سكر +ملعقة و شوية خميرة الخبز + ملعقة حليب بودرة + بيضة +كاس فرينة خلتطهم خليتهم يخمرو حتى يديرو فقاعات ممكن ربع ساعة الى 20 دقيقة ثم اضفت ربع كاس زيت +خميرة الحلوى +ملح + لفاني + كاس ونص الى 2 كيسان فرينة وعجنتها مليح نحصل على عجينة طرية تتلاصق نخليها تخمر
نقسمها على 8 كراات نحل الكرية و نلفها مثل الباغيت و ندهنهم و نخليهم يخمرو مليح ثم نطيبهم و نحشيهم بالكريمة
الكريمة استعلت الجاهزة فانواز شكولا +ملعقة كبيرة نشا +سكر حسب الذوق +2كؤوس ونص حليب نحرك بارد في بارد و نحطهاا فوق النار تعقد نفرغها في اناء نزيدلها مغرف مرغرين +2ملاعق نوتيلا و نخليها تبرد مليح ثم نضربها بالباتور حتى تولي خفيفة و مافيهاش تكتلات ونحشي بيها البريوش و الف صحة و هناء
على فكرة استعملت فرينة سيم خاصة بالبريوش روووووووووووعة و تاني في عجينة التوريق نستعمل فرينة التوريق تعطي نتيجة مبهرة
هذه وصفة ام وليد

وهذا تطبيقي

و الحمد لله حمدا كثيرا طيبا مباركا فيه

حياة نور الدين · 2016-04-23, 09:34

صباح النور عليكن

تفضلوا تتقهواو اللي شربوا يعاودوا واللي مازالوا يتفضلوا

lyzzabel · 2016-04-23, 09:50

السلااام عليكم و رحمة الله ،، صباح الأنوااار و البركات حبيباتي الغاليات و نهاركم طيب

حبيبتي ام إسلاام قتلتيني بخيراتك شا نقولك ربي يسعدك و يهنيك و يشفيك و يعافيك و من كل خيراته يعطيك كلشي من يديك توووووب الله يبارك و وصفة السمكة فالفرن درك نكتبهالك يا الحبيبة بصح ماني لا خبيرة بحريات لا والو هدا من تجاربي البسييييطة مع الأسمااااك ،، من بعد فهميني عصير الليمون مع النعناع فاش تستعمليه بغيت نسقسيك نهار لي قلتيلنا عليه و نسيت خخخخ

ام عموووودي يا بن عمي شاولا هدا راكي معولة علينا تهرديلنا لاطاي ديجا بدات تروح هههه يعطيك الصحة يا ام الأفكار الجهنمية ،، حقا حتى من بعد تفكرت بلي سقسيتيني شا حطولنا نهار العرضة تاع العمرة خخخخ ،، فالأول قدمو الطعام بالتفاية ياك قلتلكم عليه و حطيته وحد الخطرة ولا زوج ما عقلتش ،، هو يتقدم مرصووووص بالزبيب و الحمص من فوق مشي مخلطين معاه كيما نديرو في العادة و طرف لحم مهبر الله الله و المرق تاعه أصفر و البنة ما نحكييييييييش يهبل يهبل راه يعرفها غي لي داقه ،، و زادو الرقاق بالجاج محمر و التعمير بنين يققققتللل و طبعاا الليموناد و المرفقات خخخ ،، و كي ديباراسو جابولنا القهوة مع الحليب و لاتاي منعنع مممم و قدمو معاهم 4 أنواع تاع حلويات تشاراك قلاصي و صابلي بطابع الخامسة رووووعة و دي تاغتولات محشيين بالكابريس و النيسلي كاراميليزي و و النوع الرابع نسيته و معاهم معشووووق الكل المقروض محشي باللوز مممم و القريوش و المسمن بالعسل بصح المخيرة خرجت متغاشية من عندهم و الحمد لله ربي يدوم النعمة على كل المسلمين

أمووولة منك صح سميتيها ليزا هههه ربي يخليهالك و يحفظها و يصونها و تكون من حفظة الكتاب يااارب و سامحيني حبيبتي كنت نشهيك ،، اما الوصفة راهي الغالية ام إسلاام حطتلك الرابط و شكرااا على الإطراء حبيبتي

ام جووجوو و حيوووتة و ام لجين و قاع لي دخلو للكوزينة بصحتكم الطعامات و الشخاشخ و الخيرات و ربي يباركلكم في رزقكم يا رب

فطورنا طاجين الزيتون بالجاج محمر و سلطة و الحمد لله على نعمه

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر

أم لجين هيثم · 2016-04-23, 09:51

اقتباس:

المشاركة الأصلية كتبت بواسطة حياة نور الدين

صباح النور عليكن

تفضلوا تتقهواو اللي شربوا يعاودوا واللي مازالوا يتفضلوا

صباح النور حياة فطورك هايل راني زدت فطرت يعطيك الصحة

lyzzabel · 2016-04-23, 10:04

وصفة السمك في الفرن
على حساب الصورة لي حطيتيها راهي تبان سمكة البونيييط حنا هاكا نقولوله ،، على كل اتفضلي
بعد ما تنقي السمكة تاعك مليح و تغسليها و تقطريها شرحيها بالموس من الجوانب و مادابيك يكونو الفتحات عميقة شوية بلا ما توصلي للعمود الفقري ،، و وجدي التتبيلة لي هي ثوم مقطع رقيييق و معدنوس تاني مقطع و ملح و فلفل أسود و كمون و فلفل أحمر و عصير ليمووونة و زيت الزيتون ،، خلطيهم و اطلي السمكة من دال و خاارج و ما تنسيييش الفتحات و كتري فيهم الحشو هوما بالذات ،، في بلا تاع الفرن من الأحسن تاع الزجاج فرشي الطماطم مقطعة دوائر ولا رابي كل خطرة و كيفاش نديرها و تبليها بشوييية ملح و فلفل ،، تنجمي تزيدي معاها بطاطا مقطعة دوائر ،، و حطي السمكة تاعك فوقها و زيديلها شوية زيت الزيتون من فوق و غطيها و خليها تتشرب و لاكان كنتي عجلانة ما عليش ،، و دخليها لفرن ساااااخن ،، بعد حوالي 10 دقائق نقصي النار شوية و خليها تطيب بدون ما تنشف الصلصة بزاف ،، لأن الطماطم غادي تطلق العصير تاعها و تخيلي البنة مع زيت الزيتون و عصير الليمون و التتبيلة يميي يميييي
ملاحظة : انا نفضل أني ما نستعملش البصل مع الأسماك تبانلي ما يماشاش مع الذوق تاعه و تاني شرائح الليمون ما نطيبهمش مع السمك خاطرش يطلق المرورية و انا ما تعجبنيييش خاصة مع هدا النوع من الأسماك فيه مناطق اللون تاعهم داااكن و يجي الذوق فيهم مررر ،، نفضل نزين بيهم الطبق عند التقديم ،، و التتبيلة كتري منها باش تكفيك و تجي السمكة بنييييينة و بصحتكم مسبقااا

oum ibrahim · 2016-04-23, 10:05

وهذا كروكي ام وليد درتو مرات و مرات رهييييييييييييييب و بريوش ام رامي تفطرو علبالي روطار الله غالب النت و عمايلها
بسم الله

ليزا العزية انت تحكي و ريوقي سالو من صابني معاك اممممممممم بصحتكم و الطعام بالتفاية فعلا كنت حطيتيه و يشهييييييييييييي بصحتك العرضة و لعقوبة لينا نهار نروحو من العمرة يااااااااااااارب و على لطاي ماعليش المهم الصحة و العافية و الحمد لله
ام لجين الله يسلمك حبيبتي تسلملي عيونك
ام اسلام شاااطرة تبارك الله ربي يعينك و يعينا
ام نور الهدى راني مينسيتكش و الميلفاي باذن الله نعاودو و نحطهولكم بالتفصيل الممل اصبرو عليا شوية برك و قاتو الطبقات من بعد نحطلك التحريفات سلامي للي تدخل من بعدي
اللهم لك الحمد حتى ترضى و لك الحمد اذا رضيت و لك الحمد بعد الرضى

lyzzabel · 2016-04-23, 11:13

تسلم ايدييييك يا أحلى ام عموووودي روووعة روووعة ،، و صححح والله هديك القعدة تحلى اكتر و اكتر لوكان كنتو معايا حبيبات قلبي و الله لا يحرم حتى مومن من زيارة الكعبة يااارب

حيووتة بصحتنا الزلابية و الشامية جبتيلنا ريحة رمضان ممممم اللهم بلغنا يااارب

تفكرت ام اسلاام طلبتي مني وصفة الكارانتيكا :d تفضلي حبيبتي
حطي في وعاء واسع و عميق 3 كيسان فرينة الحمص مغربلة و م ص معمرة ملح و 8 كيسان ماء يعني 2 لتر و خلطي بالباتور حتى تختفي الكويرات ،، و من جهة أخرى ضربي حبة بيض مع نص كاس زيت و ضيفيهم لخليط فرينة الحمص ،، و ادهني البلا تاع الفرن بالزيت ،، القطر 28 سم و الإرتفاع 5 سم ،، و فرغي الخليط و دخليه لفرن سااااخن تكوني شعلتيه من تحت و من فوق مع بعض و لاكان ما عندكش اشعلي من تحت وحد 20 دقيقة و طفي و اشعلي من فوق و خليها تتحمر مليح
كي تخرجيها مالفرن تكون جارية من فوق خليها ترتاح حوالي ربع ساعة غادي تتماسك الطبقة الفوقانية ،، قطعيها و قدميها مع الكمون و الهريسة بسخااااء يمييييي و ألف صحة و هنا
اما على القوام ما عرفتش كيفاش نقولك ما عرفتش الحاجة لي تشبهله خخخ هي تجي متماسكة و في نفس الوقت طرية من تحت و المالفوق تبقى شويييييية برك خفيفة مشي جارية ،، يعني لازم تاكليها باش تحكمي بنفسك [/b]

ام لجين و فيصل · 2016-04-23, 11:25

اقتباس:

المشاركة الأصلية كتبت بواسطة oum islem

هلت الأنوار أم لجين وبالربح عليك نتي تان وطبعا أنا ناكل مع البنوتة
خخخخخ عجبني ردك لازم نطبعو ونديرو كادر خخخخخ

الله ينورك و يعلي شانك اختي ام اسلام