الجزء 162 من الكوزينة كوزينة الفرح والهنا عليكم ان شاء الله - الصفحة 44

omhadil · 2016-04-09, 14:22

ام ياسين ربى يشفى امك ويلبسها لباس العافية ويخفف عليها امين يارب
لهونة امممم يعطيك الصحة كلشى يسخف
وبصحتها سرينو
والكيكة تهبل عجبنى داك المول
زيكا مرحبا اختى وصح فطورك
والبيزا تسهى تارت التفاح وكلسى حطيته روووعة
سلامى للجميع

x ام رحاب x · 2016-04-09, 14:23

ام وابنة فطورك ايشهي بصحتك والنوتيلا هايلة

omhadil · 2016-04-09, 14:25

مسفوف بالبسيبسة
شكون تعرفها بعثتهولى عجوزتى

x ام رحاب x · 2016-04-09, 14:34

ام هديل ماعرفتوش يادرا بنين ولا لالا بصحتك انا نعرف المسفوف بالفول ولا الجلبانة والطعام بالزبيب فقط
لهنة بصحتها سيرين الماكلة ربي يشدهالك

lahna moka · 2016-04-09, 14:34

أم هدول و أم رحاب غاليتي مممممم قتلتوني بالكوكا تهبل تهبل سلمت الأيادي
أم رحاب ميمتي الغالية يسال عليك الخير راني الحمد لله و سيرين راهي تبوس يديك يا الغالية نبتت زوج سنينات راهي تعض بيهم و عاجبتها روحها فوق لابوسات تتمختر ههههههههه
أم و ابنة حبيبتي مرحبا كلشي مممممم خليلي برك شوية لابيري نحبها , بصح هاذاك الاخير واش هو؟؟؟حللي و ناقشي هههه
أم هديل حبوبة صح الكيكة بهاذاك المول تجي شابة و بوبونة و المسفوف ممممم ربي يحفظلك عجوزتك يا رب

x ام رحاب x · 2016-04-09, 15:00

لهنة ربي يشدهالك ولوكان جات قدامي كون شبعتها بوسات انموت على البيبي سورتو ايلا كانت ملبزة وسمينة انعود غير انبوس وانعض ربي يخليهالك وتفرحي بيها وقيلا راكي دايرة حالة بالعض وعلاه ماجيش للصالون تاع ام جوجو اتقصري الهيه لبنات كامل مجمولين

omhadil · 2016-04-09, 15:14

ام رحاب هو بنين طبعا وصحى
وكاين بزاف لى مايعرفوهش
ناس القبايل لى ياكلوه بزاف
ام سرين ياعمرى على سرينو انا تانى نموت عل. الاطفال فى عذا لعمر وخلبها تتمختر على روحا وقيلا راكى غيرانة منها ههه
ربى يحفضها ان شاء الله
ام رحاب حطينا الرتبط تاع الصالون لو سمحتى

oum islem · 2016-04-09, 15:15

السلام عليكم ورحمة الله
مساء الخير عليكم حراير
لهونة بصحتها سيرينا السنينات والماكلة والتمختيرة الله الله راني نتخيل فيها بصح علاه ما طيبيلهاش الكومبوت في الدار احسن لي يتباع فيه مواد حافظة و... وهي المعدة تاعها صغيرونة تؤبشني الامورة
ام هديل تصغير للبسباس :d واكيد كل ماهو طبيعي لذيذ وصحي بصحتكم
بنونة طلتك تزهي الكوزينة وخيراتك ما شاء الله ربي يحفظ وليداتك
زقزوقة الفحلة تاغت التفاح تقتتتتل كل ما نشوفها نموت 7 موتات نجربها بطريقتك ونبرد قلبي
الغالية اسمهان الحمد لله على سلامتك يا طيبة وربي يتممم شفاءك ويخليلك زوجك ووليداتك ويفرحك بيهم وشكرا لانك طمنتينا عليك حبيبتي
ليزا العزيزة شكرا شكرا على الوصفة المشهية قيد التجريب هدا الاسبوع بحول الله
ام ياسو ربي يشفي الغالية ويخفف عليها
ام رحاب وام تاجو وحيوتة وكل لبنات خاصة لي حطو الكوكا شهيتوني و عطيتوني فكرة للعشا يعطيكم الصحة
نحمل شوية صور ونكمل المراجعة

x ام رحاب x · 2016-04-09, 15:19

https://www.djelfa.info/vb/showthread...5798&page=2252
ام هديل هاكي الرابط حنونة واهلا وسهلا بيك

أم محمد تاج · 2016-04-09, 15:21

سلامي حبيبات قلبي وصح غداواتكم وقهيواتكم
روووعة واش حطيتوووو تسلمن
ياعيني على سيرينا ربي يحفظها وتفرغلكم جيوبكم على الهم هم ههههه وانا رايي من راي ام اسلام الغالية ديريلها لي كومبوت في الدار احسن حنووونة
نضرب طلة للصالون نفاجي شوي

omhadil · 2016-04-09, 15:24

مرحبا ان تاجو وين راهى وصفة الكيك
ومريوكة واش راهى مواااح ليها

omhadil · 2016-04-09, 15:25

هههه قصدى مريومة

lahna moka · 2016-04-09, 16:04

أم اسلام و ام تاجو سكرتي راني نديرلها الكومبوت فالدار برك حبيت نجرب هاذي لاخاترش تعرفو حالة المرا الخدامة يعني الوقت ضيق و خطرات نوصل روطار قلت كي ما يكونش عندي وقت نعطي هاذي للمرا الي تشدلي سيرين عوض ما نعطيلها فواكه و الله أعلم اذا تطيبلهم لها و لا لالا , نتمنى فهمتوني
حقا ام اسلام واش من وصفة حطت ليزاتي العسلاية حطيها بالاك نعاند ههه

جازيا ام البنات · 2016-04-09, 16:50

مساء الانوار بصحتكم واش طيبتو وفرحتو ازواجكم واولادكم جبتلكم عشاتي البارح دجاج مشوي فوق الفحم +حريرة+سلاطة+بطاطا مقلية+مشروبات غازية

جازيا ام البنات · 2016-04-09, 16:57

فطوري اليوم جلبان بالقرنوع والباطاطا