الجزء 162 من الكوزينة كوزينة الفرح والهنا عليكم ان شاء الله

[أم لجين هيثم]

مساء الخير على الجميع صح غداكم وصح قهوتكم ولي متقهواش يتفضل

[رزيقة16]

المشاركة الأصلية كتبت بواسطة أم لجين هيثم

مساء الخير على الجميع صح غداكم وصح قهوتكم ولي متقهواش يتفضل

قهيوتك با الصحة و لهنا

[أم لجين هيثم]

المشاركة الأصلية كتبت بواسطة رزيقة16

قهيوتك با الصحة و لهنا

الله يسلمك رزيقة 16
حبيت نطلب وصفتك في الكوكا خرجتلك 44444 وعشاك تاع البارح يشهي بصحتكم

[ام هدول]

بصحتك القهوة لبنات
ام لجين اممممممممممممممم على التارت والمقروض يعطيك الصحة
حبيت نشارك في قهوة العشية اتفضلو معيا قاطو الفلسطينية للاخت اسمهان روووعةفي المداق ...يهبل

[اسمهان79]

السلام عليكم ورحمة الله وبركاته
اكيد ومن كل قلبي توحشتكم وربي عالم واش في القلوب
الف الف شكر على كل تحيرة عليا وسقسات ربي عالم بمعزتكم وربي الوحيد اللي عالم بالشدة اللي جوزتها وحجم الآلام اللي كنت نعاني منها مش سهل أنو ما بين عشية وضحاها وبدون سابق إنذار تلاقي نفسك راقدة على حطبة و( خشب)وآلام لا تبارحكي لا ليل ولا نهار
عذاب كآبة حزن آلام ما نتمنهاش للعدو
ربي هو المبتلي وهو رافع البلاء والحمد لله
اليوم راني في تحسن ورجعتلي عافيتي ولوحتى 70 بالمئة لكن نحمد ربي ونشكرو كي راني رجعت نتفتل في داري وفي كوزينتي وبنياتي دايرين بيا ويفرحو اللي هوما وزوجي كانو أكثر الناس تألمت وعانات معايا اليوم رجعتلهم الفرحة لقلوبهم والابتسامة لوجوههم ورجع الأمل والبهجة لبيتي بعد معاناة طويلة وربي شاهد على كلامي
تحية لكل وحدة دعاتلي من قلبها وأكبر تحية لاختي الوحيدة ليلى اللي هملت دارها وناسها على جالي وأكبر شكر للاخت زينب لأنو خبرتني اختي أنها حطت موضوع عليا ربي يجازيها كل خير
ما قدرتش ندخل من قبل لأنو نفسيتي كانت تعبانة حتى أني كرهت النت والضياف والتلفزيون جل وقتي كان بكاءا أو في قراءة القرآن
واليوم الف شكر وحمد لله رب العالمين
رح نرجع من بعد حبيباتي ولكم مني الف سلام وتحية
عذرا أيتها المشرفات فقط هنا أجد راحتي
فلا تزعلو من ردي الطويل

[ام سارة18]

السلام عليكم
اهلا برجوع الغالية اسمهان ونحمد الله انك تحسنت ورجعت البسمة لاهلك ولنا وللمنتدى كله ربي يشفيك ان شاء الله

[أم محمد تاج]

والله دموووعي نزلووو وربي شاهد شفت اسمك ماصدقتش والله والله والله صليت اليوووم الظهر ودعيتلك وعاودت وعاودت وعاودت وربي شاهد دعيتلك انت وكاووكا وميمة ام ياسوووو والله ماني مصدقة راسلت اختك ليلى وترجيتها طمننا عليك بصح لا خبر قوليلها تحكمك ام تاجووو تعضك وتقطشك ههههه الف حمد وشكر لله استجاب لدعائنا وربي يشافيك مئة بالمئة باش تفرحي حبايبك وبنياتك وزوجك والله نكتب ودموعي ينزلوووو مهما مانعرفوش بعضانا مليح بصح اي وحدة تحط روحها في بلاصتك الله لا يبتلي اي وحدة فينا يارب ويشفيك ويعافيك وبزايد تحيرو عليك كامل ودعاولك كامل من طيبتك حنوونة والله ماني مصدقة عييت واش نكتب المهم الف حمد وشكر لله رب العالمين

[ام لجين و فيصل]

المشاركة الأصلية كتبت بواسطة اسمهان79

السلام عليكم ورحمة الله وبركاته
اكيد ومن كل قلبي توحشتكم وربي عالم واش في القلوب
الف الف شكر على كل تحيرة عليا وسقسات ربي عالم بمعزتكم وربي الوحيد اللي عالم بالشدة اللي جوزتها وحجم الآلام اللي كنت نعاني منها مش سهل أنو ما بين عشية وضحاها وبدون سابق إنذار تلاقي نفسك راقدة على حطبة و( خشب)وآلام لا تبارحكي لا ليل ولا نهار
عذاب كآبة حزن آلام ما نتمنهاش للعدو
ربي هو المبتلي وهو رافع البلاء والحمد لله
اليوم راني في تحسن ورجعتلي عافيتي ولوحتى 70 بالمئة لكن نحمد ربي ونشكرو كي راني رجعت نتفتل في داري وفي كوزينتي وبنياتي دايرين بيا ويفرحو اللي هوما وزوجي كانو أكثر الناس تألمت وعانات معايا اليوم رجعتلهم الفرحة لقلوبهم والابتسامة لوجوههم ورجع الأمل والبهجة لبيتي بعد معاناة طويلة وربي شاهد على كلامي
تحية لكل وحدة دعاتلي من قلبها وأكبر تحية لاختي الوحيدة ليلى اللي هملت دارها وناسها على جالي وأكبر شكر للاخت زينب لأنو خبرتني اختي أنها حطت موضوع عليا ربي يجازيها كل خير
ما قدرتش ندخل من قبل لأنو نفسيتي كانت تعبانة حتى أني كرهت النت والضياف والتلفزيون جل وقتي كان بكاءا أو في قراءة القرآن
واليوم الف شكر وحمد لله رب العالمين
رح نرجع من بعد حبيباتي ولكم مني الف سلام وتحية
عذرا أيتها المشرفات فقط هنا أجد راحتي
فلا تزعلو من ردي الطويل

الحمد لله الشافي المعافي اللي شاف ليك و بعثلك الراحة من عندو
الف حمد و شكر يا رب

[رزيقة16]

المشاركة الأصلية كتبت بواسطة أم لجين هيثم

الله يسلمك رزيقة 16
حبيت نطلب وصفتك في الكوكا خرجتلك 44444 وعشاك تاع البارح يشهي بصحتكم

من عيوني تفضلي و صفة كوكا مورقة
500 غ فرينة شوية ملح
300 غ زبدة توريق
ملعقة سكر
حبة بيض
ماء بارد مليح مهم جدا
ديري الفرينة و الملح و السكر خلطيهم من بعد اسكرفجي زبدة التوريق ا بسسي الفرينة حتي تدخل الزبدة
من بعد اخبطي حبة بيض مع شوية ماء بارد ا فرغيها للفرينة من بعد طمي العجينة

الحشو ديري طماطم بصل شكشكوكة المعروفة الجبن و قطعي الحار يعطيها دوق رائع

[رزيقة16]

مرحبا بيك الاخت اسمهان الحمد لله علي سلامتك الف حمد و شكر ربي يحفضك ا يسترك

[اسمهان79]

أم سارة أم تاجو والأخت والله ما عرفت نقرى اسمك سامحيني راهي تالفتلي خلاص الف شكر حبيباتي
أم تاجو حبيبتي قلبي واللي هي السبب اني عرفت هاذ الكوزينة اللي مليانة بالطيبات امثالك
اعذري اختي راهي ما نحبش دور هنا بزاف هي راهي من أصحاب الفايسبوك راهي تجي غير كي تحب تدي كاش روسات حرامية تسرق وتهرب ههههه
حبيبت قلبي توحشتها

[اسمهان79]

المشاركة الأصلية كتبت بواسطة رزيقة16

مرحبا بيك الاخت اسمهان الحمد لله علي سلامتك الف حمد و شكر ربي يحفضك ا يسترك

الله يحفظك حبيبتي رزيقة
ترحب بيك الجنة حنونة

[ام محمدْ ومريمْ]

الحمد الله على سلامتك يا استذتنا اسمهان ربي يشافيك ويعافيك والحمد الله انك بخير ودخلتي وطمنتينا عليك

[رحمة2016]

المشاركة الأصلية كتبت بواسطة اسمهان79

السلام عليكم ورحمة الله وبركاته
اكيد ومن كل قلبي توحشتكم وربي عالم واش في القلوب
الف الف شكر على كل تحيرة عليا وسقسات ربي عالم بمعزتكم وربي الوحيد اللي عالم بالشدة اللي جوزتها وحجم الآلام اللي كنت نعاني منها مش سهل أنو ما بين عشية وضحاها وبدون سابق إنذار تلاقي نفسك راقدة على حطبة و( خشب)وآلام لا تبارحكي لا ليل ولا نهار
عذاب كآبة حزن آلام ما نتمنهاش للعدو
ربي هو المبتلي وهو رافع البلاء والحمد لله
اليوم راني في تحسن ورجعتلي عافيتي ولوحتى 70 بالمئة لكن نحمد ربي ونشكرو كي راني رجعت نتفتل في داري وفي كوزينتي وبنياتي دايرين بيا ويفرحو اللي هوما وزوجي كانو أكثر الناس تألمت وعانات معايا اليوم رجعتلهم الفرحة لقلوبهم والابتسامة لوجوههم ورجع الأمل والبهجة لبيتي بعد معاناة طويلة وربي شاهد على كلامي
تحية لكل وحدة دعاتلي من قلبها وأكبر تحية لاختي الوحيدة ليلى اللي هملت دارها وناسها على جالي وأكبر شكر للاخت زينب لأنو خبرتني اختي أنها حطت موضوع عليا ربي يجازيها كل خير
ما قدرتش ندخل من قبل لأنو نفسيتي كانت تعبانة حتى أني كرهت النت والضياف والتلفزيون جل وقتي كان بكاءا أو في قراءة القرآن
واليوم الف شكر وحمد لله رب العالمين
رح نرجع من بعد حبيباتي ولكم مني الف سلام وتحية
عذرا أيتها المشرفات فقط هنا أجد راحتي
فلا تزعلو من ردي الطويل

السلااام عليكم حبوبة والله فرحتلك من قلبي صح صح ان شاء الله ربي يحفظك لبنياتك و راجلك وكامل احباءك
صدقيني بزاف وصفاتك معتمدتهم ومنين نجي نديرهم ندعيلك الحمد لله على سلامتك اختي ربي يرفع عليك الظر ان شاء الله
موااااااااااح كبيرة ليك



حراير الكوزينة دخلت لا احم لا دستور بصح كي لقيت اسمها قلت نجي نطل عليها ونتوما تاني بارك الله فييكم على الخيرات اللي راكم تحطو فيها بالوحدة
جزاكم الله خيرا

[أم محمد تاج]

ياخرابي اسمهان وزيد حرامية?????? ههههههههه سلمي عليها وربي يفرحكم يارب الحمد لله كي راكي بيناتنا بزايد