اقتباس:
المشاركة الأصلية كتبت بواسطة omjoujou
ام سدرة المعلمة جازيا وكل لبنات تفضلوا لمحاجب سخونين وحاااارين لي يحب لمسمنات ولا البرنوس اليكم الاختيار وراه كاين الخير
نروح نكمل يديا راهم بالزيت مزال مكملتش خخخخخخ |
الله الله الل يا ام جوجو محاجب وعليها الكلام راني هزيت حبة باينة بنينة
اقتباس:
المشاركة الأصلية كتبت بواسطة انا هي رزيقة
السلام عليكم نهاركم سعيد يا احلى فحلات اممم راني مزهرة اليوم دخلت على فطور الفحلة جازيا ام البنات بوركتي على هذاك االفطور الزين حبيبتي واالله قتلتينا بالسخفة بصح راكي سماح كي عاد راهو للخدامات و شفت ثان اطايب سماسم روائع حبيبتي يسلمو دوك اليدين
ام عبدو و لبنات لي طلبو مني وصفة القاطو غريك(grec) هيليك غالياتي
في إناء عميق( انا استعملت مرميطة لأنو الخليط راح يتضاعف حجمه) نحط كاس مشي معمر سكر و كاس عسل و 200 غ مرغارين و نحط المرميطة فوق حمام مريم و نبدا نخلط بملعقة خشبية حتي يذوب السكر تماما مع المرغارين و يتجانسو مع العسل. من جهة اخرى تكوني حضرتي 4 صفار بيض خلطيهم مليح مع ملعقة كبيرة بيكاربونات . كي يذوب خليط المرميطة تماما ارمي عليه صفار البيض و كملي خلطي بالملعقة الخشبية و هو دائما على حمام مريم رايحة تلاحظي انو الخليط تضاعف حجمو حوالي 3 مرات .
نحي الخليط من على النار و ارميه في قصعة تكون كبيرة شوية عينك ميزانك و غربلي عليه الفرينة و خلطي بييدك حتى تتحصلي على عجينة طرية مثل الصابلي حذاري متيبسيهاش. و قسميها الى 3 بولات. حضري بلا رايح الى الفرن و رشيه بشوية فرينة او فرشيله ورق الطهي . تكوني شاعلة الفور تاعك. حلي العجينة الاولى بالحلال عوني روحك بشوية فرينة الا لقيتيها تلصق بصح هي سهلة جدا في الخدمة . حليها على حساب البلا و حطيها فيه و سقميها . البلا هو من الحجم الكبير لي يجبي مع الفور العادي .ثم الى الفرن . متروحيش بعيد لان القاطو يطيب ثم ثم . في هذ الاثناء تحلي العجينة الثانية . كي تشوفي العجينة الاولى ولات ذهبية نحيها استناي حوالي دقيقتين ثم قلبيها برفق على طرشونة كبيرة. و عاودي فرشي ورق الطهي او شوية فرينة و حطي العجينة الثانية و هكذا حتي تكملي . نعاود و نقولك متروحيش بعيد القاطو يطيب ثم ثم . كي تبرد الطبقات الثلاث نحيلها الحواشي بالموس برفق رايحة تستعمليهم للطبقة الفوقانة. لصقي الطبقات الثلاث بطبقة رقيقة من الكونفيتور اي نوع متوفر عندك المهم متكونش ثقيلة بزاف يعني تمشيها بسهولة فوق طبقة القاطو . و زيدي طبقة من الكونفيتور فوق الطبقة الاخيرة و غربلي فوقها هذوك الحواشي بعد متكوني فتتيهم ما بين يديك . و استمتعي باحلى قاطو. على حساب صاحبة اختي هما يقدموه بزاف مع العصائر و القازوز في المناسبات . حنا رافقناه مع لحليب و جا امممم و هو طري جدا و هشوش و كل ميقدام يولي هشوش اكثر و زيد يقطع بزاف . مثلا هذ الكمية قطعت حوالي 50 قطعة    |
بارك الله فيك رزيقة ان شاء الله نجربو عجبني بزاف
اقتباس:
المشاركة الأصلية كتبت بواسطة ام سارة18
|
ام سرسورة الله يبارك على هاديك الشخشوخة تشهي
اقتباس:
المشاركة الأصلية كتبت بواسطة ام سارة18
|
ااااممممم ام سارة اكلك يشهي بصحتكم
اقتباس:
المشاركة الأصلية كتبت بواسطة انا هي رزيقة
لبنات المتواجدات صحا فطوركم و هاكو هذي حلو بيها و سلامي للملتحقات باي حبيباتي 
|
الحلو جاب الحلو بارك الله فيك وربي يعينك لى الخدمة ويرزقك ان شاء الله
( تقرير عن مشاركة سيئة )، و الموجودة أسفل كل مشاركة .
2016-04-07, 11:27
العرض العادي
