مترشحة حرة.....مشكلتي انصحوني

[oussama walid]

أنا خلصت مراجعة الدارة rc الآن و في الظهيرة لغة عربية كل مرة أركز على نمط معين و أحلل نص بذلك النمط . في المساء الدارة rl و في الليل درس تاريخ
أحفظ 5 تواريخ يوميا في الطريق الى المكتبة و القاعة الرياضية
في التاريخ أطرح أسئلة قبل الاطلاع على الدرس ما يساعدني على التركيز عند قراءة الدرس و تجنب الملل أثناء الحفظ . ما زال الوقت مبكرا على الحفظ عن ظهر قلب في رأيي

[ماريا للنجاح]

المشاركة الأصلية كتبت بواسطة blanca

شكراااا اختي بارك الله فيك

كيف هو برنامجكم لليوم؟

انا الان مع المواد الادبية وبعدها نرجع للفيزياء وانت؟؟؟

[***ريهام***]

المشاركة الأصلية كتبت بواسطة oussama walid

1- في السؤال الأول التركيز في الحجم 10 ملل هو نفسه تركيز الحجم الكلي للعينة أي ال 250 ملل
2- نحسب كمية المادة في 250 ملل : C * V
نجدها = 0.07 مول من المركب ككل
3- لايجاد كتلة N عملية ثلاثية : بما أن 1 مول من المركب بها 28 g ==> فان 0.07 مول بها كتلة N المطلوبة: 1.96g

السؤال ب :
تقسمي الكتلة 1.96 و هي الجزء على الكل و هي معطاة 6 g = 0
تلقاي 0.326 بالتقريب 0.33 و هدا يعني أنك تحققت أن النسبة لي مدوهالك في بداية التمرين صحيحة و هو الاستنتاج
حذاري ما تقدريش تخدمي بها لأنك تريدين اثبات أنها صحيحة
صحيح أنها مربكة قليلا و لكن يكفي أن تكتبي خطوات الحل خطوة خطوة و لا تحللي اجابتك كثيرا
أرجو ان تكون الاجابة أزالت الغموض
تصبحين على خير فقد غلبني النعاس لم أنم سوى 4 ساعات اليوم
and don't be a stranger

عذرا اخي لم استطع الرد البارحة لانقطاع الكهرباء على 23:40 كنت جد متحمسة ف... المهم الا علينا
والله اخي فهمت ولم افهم الشطر الاول فهمته الثاني محبش يدخل اوكي حسبنا كمية مادة العينة0.07 والتي تقصد هذه nh4no3 وبعدين ايجاد كتلة N عملية ثلاثية : بما أن 1 مول من المركب بها 28 g ==> فان 0.07 مول بها كتلة N المطلوبة: 1.96gبما ن 0.07 تمثل عدد مولات العينة ككل فاءن ما يقلبها من كتلة m فهي للعينة ككل وليست للعنصر الازوت فقط ؟؟؟والسؤال يقول كتلة m للازوت فقط
ما تعليقك

[Blanca]

انا اليوم ان شاء الله اكمل الدوال و افتح تمارين الواجب
و احفز نفسي قبل الذهاب للمدرسة هههههه بمشاهدة فيديوات خصوصا فيديو رائع ما شاء الله
حفزني كثيرا انصحكم به تجيدونه في اليوتوب اسمه :
إنني أشعر بك - رسالة من القلب الى كل مترشح لشهادة البكالوريا

ربي يوفقنا

[ماريا للنجاح]

المشاركة الأصلية كتبت بواسطة Blanca

انا اليوم ان شاء الله اكمل الدوال و افتح تمارين الواجب
و احفز نفسي قبل الذهاب للمدرسة هههههه بمشاهدة فيديوات خصوصا فيديو رائع ما شاء الله
حفزني كثيرا انصحكم به تجيدونه في اليوتوب اسمه :
إنني أشعر بك - رسالة من القلب الى كل مترشح لشهادة البكالوريا

ربي يوفقنا

هههه سبقتك وشوفتو مكانش فيديو تحفيزي فاليوتيوب مشفتوش ....واليوم بدات راني مقلقة مع روحي ...ساعة ساعة تجيني حالة نكره كلش نقعد حزينة مع روحي وخلاص نبكي 2 سوايع ولا 3 بش نرتاح والله ماعلابالي علاش تصرى معايا هكدا...استغفر....ربي يكون في عوننا ان شاء الله

[Blanca]

المشاركة الأصلية كتبت بواسطة ماريا للنجاح

هههه سبقتك وشوفتو مكانش فيديو تحفيزي فاليوتيوب مشفتوش ....واليوم بدات راني مقلقة مع روحي ...ساعة ساعة تجيني حالة نكره كلش نقعد حزينة مع روحي وخلاص نبكي 2 سوايع ولا 3 بش نرتاح والله ماعلابالي علاش تصرى معايا هكدا...استغفر....ربي يكون في عوننا ان شاء الله

اميين
هههههههه تقولي راكي تحكي عليا
و ساعات من نسمع بلي الباك قرب و مزال منيش محضرة مليح نفشل
و ضرك ولات تجيني افكار بلي لواش نقرا ، منيش رح نحقق هدفي ،،،،،،،،،

بصح رجعت شفت ذاك الفيديو بكيت شوي معاك و تحفزت هههههه
ربي يقدرنا

بالتوووفيق

[Blanca]

لازم منيأسوش ،
و الله كاين بزااف ناس حضرت الشهر الاخير ،،،، و حقت معدلات عالية
و لازم اهم شي نوثقوا في نفوسنا

ديما حطي في بالك هدفك و معدل لحاباتيه ، و حطي كلمات تحفيزية رح تنشطي
و انا نقلك زوج عجبوني ههه
(كرهت كل لحظة من التدريب و لكني كنت اقول : لا تستسلم ، اتعب الان ثم عش بطلا بقية حياتك ). " وجدته في توقيع الاخت ريهام "
صوب نحو القمر ، حتى لو اخطأت ، ستكون ضمن النجوم (نظن معناه حطي المعدل لتحوسي عنو مثلا 17 اذا متجيبيهش تجيبي 16 او 17 بفاصلة صغيرة ،، و الله اعلم )

لازم نتفائلوا
المهم اول شي نتوكلوا على ربي ، و نقروا

اختي ماريا ان شاء الله تدي المعدل لحاباتيه نتي و كل الاعضاء

[Blanca]

حابة نسقسيكم عن المغني في الرياضيات مليح ؟! ، حابة نستخدم مرجع في المواد الاساسية يوصلني لعلامة فوق 17
لحد الان لم افتح تمرين من احمد امين خليفة العلوم هاملتها بزااف

[oussama walid]

المشاركة الأصلية كتبت بواسطة ***ريهام***

عذرا اخي لم استطع الرد البارحة لانقطاع الكهرباء على 23:40 كنت جد متحمسة ف... المهم الا علينا
والله اخي فهمت ولم افهم الشطر الاول فهمته الثاني محبش يدخل اوكي حسبنا كمية مادة العينة0.07 والتي تقصد هذه nh4no3 وبعدين ايجاد كتلة N عملية ثلاثية : بما أن 1 مول من المركب بها 28 g ==> فان 0.07 مول بها كتلة N المطلوبة: 1.96gبما ن 0.07 تمثل عدد مولات العينة ككل فاءن ما يقلبها من كتلة m فهي للعينة ككل وليست للعنصر الازوت فقط ؟؟؟والسؤال يقول كتلة m للازوت فقط
ما تعليقك

لا عليك أختي حدث معي نفس الشيء البارحة
كتلة العينة ككل لو خدمنا بكتلة 1 مول من العينة بصح حنا خدمنا بكتلة الآزوت برك في 1 مول من المركب (28 g) يعني الكتلة لي نلقاوها = كتلة الآزوت فقط
و الدليل أنها أقل من الكتلة المعطاة 6 g
على فكرة هل هذا تمرين بكالوريا؟

[***ريهام***]

المشاركة الأصلية كتبت بواسطة oussama walid

لا عليك أختي حدث معي نفس الشيء البارحة
كتلة العينة ككل لو خدمنا بكتلة 1 مول من العينة بصح حنا خدمنا بكتلة الآزوت برك في 1 مول من المركب (28 g) يعني الكتلة لي نلقاوها = كتلة الآزوت فقط
و الدليل أنها أقل من الكتلة المعطاة 6 g
على فكرة هل هذا تمرين بكالوريا؟

حسنا سافكر مليا فيها اظن بديت نستوعبها شوي واي حصلة اعود اليك :d:d
هذا تاعنا بكالوريا شعبة رياضي2015 والمصيبة كاين لي جاب 20/20 آآآخ راسي
بارك الله فيك اخي على مساعدتك الطيبة

[oussama walid]

المشاركة الأصلية كتبت بواسطة ***ريهام***

حسنا سافكر مليا فيها اظن بديت نستوعبها شوي واي حصلة اعود اليك :d:d
هذا تاعنا بكالوريا شعبة رياضي2015 والمصيبة كاين لي جاب 20/20 آآآخ راسي
بارك الله فيك اخي على مساعدتك الطيبة

ألقيت نظرة على الحل النموذجي و وجدت نفس الخطوات التي استعملتها
هل رأيت الحل الرسمي؟
تبانلي درت غلطة كي خيرت علوم تجريبية

[ماريا للنجاح]

المشاركة الأصلية كتبت بواسطة blanca

حابة نسقسيكم عن المغني في الرياضيات مليح ؟! ، حابة نستخدم مرجع في المواد الاساسية يوصلني لعلامة فوق 17
لحد الان لم افتح تمرين من احمد امين خليفة العلوم هاملتها بزااف

صراحة اختي المغني انا شريتو العام لي فات بصح قعد ديكور برك....كنت العام لي فات ساعات نستعين بيه لكن افكاره بسيطة وتتكرر على هديك فضلت مواضيع الرياضيات شعبة رياضيات تمرين امين خليفة متحليهمش كامل خيري لي تشوفي فيهم افكار تصفحي الاوراق ولي تشوفي فيه فكرة جديدة اختاريه اجمعي عدد معين واختاري نهار تحليهم فيه لانو هو بالنسبة ليا هو يحتوي افكار جديدة عنا تساعد فالتوسع اما المنهجية اعتممدي البكالوريات بالتوفيق اختي

[ماريا للنجاح]

المشاركة الأصلية كتبت بواسطة blanca

لازم منيأسوش ،
و الله كاين بزااف ناس حضرت الشهر الاخير ،،،، و حقت معدلات عالية
و لازم اهم شي نوثقوا في نفوسنا

ديما حطي في بالك هدفك و معدل لحاباتيه ، و حطي كلمات تحفيزية رح تنشطي
و انا نقلك زوج عجبوني ههه
(كرهت كل لحظة من التدريب و لكني كنت اقول : لا تستسلم ، اتعب الان ثم عش بطلا بقية حياتك ). " وجدته في توقيع الاخت ريهام "
صوب نحو القمر ، حتى لو اخطأت ، ستكون ضمن النجوم (نظن معناه حطي المعدل لتحوسي عنو مثلا 17 اذا متجيبيهش تجيبي 16 او 17 بفاصلة صغيرة ،، و الله اعلم )

لازم نتفائلوا
المهم اول شي نتوكلوا على ربي ، و نقروا

اختي ماريا ان شاء الله تدي المعدل لحاباتيه نتي و كل الاعضاء

اختي والله صح ....ايه ساعات كي متقدرش وتلقى روحك مزال بعيد على البلاصة لي راك حابها.تصاب باحباط ياس الم حزن وتولي تفكر غير فالسلبي.......انا لوكان متصراليش مرة كل سمانة سما انا ماشي انا ههههه......عندك الحق شهر حتى بزيادة وبالتوفيق حبيبتي

[***ريهام***]

المشاركة الأصلية كتبت بواسطة oussama walid

ألقيت نظرة على الحل النموذجي و وجدت نفس الخطوات التي استعملتها
هل رأيت الحل الرسمي؟
تبانلي درت غلطة كي خيرت علوم تجريبية

نعم القيت نظرةعليه لاقارن حلك بحله فوجدته مطابق
لماذا ندمت في اختيارك ديجا انت بيولوجيا معناه علوم راك مليح فيها اما رياضيات والفيزياء ليست بالسهلة بالنسبة للعلوم تجريبية بالعكس اظنك احسنت الخيار

[ماريا للنجاح]

المشاركة الأصلية كتبت بواسطة oussama walid

ألقيت نظرة على الحل النموذجي و وجدت نفس الخطوات التي استعملتها
هل رأيت الحل الرسمي؟
تبانلي درت غلطة كي خيرت علوم تجريبية

علاش العكس انا نشوف شعبة علوم افضل الشعب فيها 3 معاملات علوم فيزيا رياضيات سما يساعدوك لوكان تطيح في وحدة اما شعبة رياضيات لكان مخدمتش فالفيزياء او الرياضيات مليح متقدرش تعوض الخسارة هديك ولكن بماانو نتا باين الله يبارك فالرياضيات بماانك ماشاء الله فالفيزياء لوكان هي خير ليك...لكن متندمش شعبة علوم تاني هايلة وجد روووحك مليح برك واخطيك من لوكان رانا في راح يكوووون .....بالتوفيق اخي اسامة