الجزء161 من كوزينة واش طيبتي اليوم .....فعلا يا حراير الكوزينة اثبتن محبتكن واخوتكن الخالصة - الصفحة 8

انا هي رزيقة · 2016-03-14, 12:58

اقتباس:

المشاركة الأصلية كتبت بواسطة oum habouba

لبنات والله ايلا راكم خالعيني بانواع الكسكس انا نعرفه يا باللبن يا بالمرقة واللحم الله يعطيكم الصحة ام كامي وزقزوقة بوختون زوجي قبايلي بصح ايميتاسيون ههههه ومن فضلكم كل ماتديرو نوع حطوهملنا ممكن نعاندكم

يعطيك الربح ام حبوبة قتلتيني بالضحك على الايميتاسيون .... خخخخخ ان شاء االله نحطلك هذاك لي قالت عليه ام كامي بالبيض و اللحم كي نديرو لانو فعلا امممممممممم تع الصح

om kamilia · 2016-03-14, 13:05

على العين والراس ام حبوبة كل انواع الكسكي لي حنا نتاولوه في منطقة القبائل مش غير طعام بالمرقة او طعام مسفوف باللبن , كاين بزاف انواع حسب المناخ والفصل والخضروات الموجودة حتى الحشائش البرية طبعا بالفائدة
بما انو القبائل معروفين بحبهم للكسكس يتناولوه وينوعو فيه , شفيت في صغري كيت من عند جدتي طعام بازهار الاقحوان لذة مزال البنة في فمي وكاين خطرة كليت طعام بالحميس يعني فلفلة مشوية وطماطم مشوية مقطعين مع زيت زيتون وملح طبعا هذو اللذات مزالهم في فمي وكسكس نقطعولو الدلاع في فصل الصيف او العنب , بزاف انواع كي نتفكرهم وكسكس مسفوف باللفت واوراقة وخاصة كي يكون اللفت صغير وبنين

Oum Habouba · 2016-03-14, 13:07

لبنات جبتلكم بعض الصور نتاع قاطو من الفايس ممكن تدو منهم افكار

om kamilia · 2016-03-14, 13:08

[color="rgb(75, 0, 130)"]زقزوقة فكرتك في اللذات لي ببيض واللحم تديرهو لنا يمى بعد العيد يكون اللحم بزاف ويفضل طعام لي نطيبوه في ثاني يوم بالمرقة ممممم و آممممم يعني اكل صحي بيض والكسكس وزيت زيتون , جربتو سمانة لي فاتت كليتو بصح ريحة البيض ماحملتهاش
بصح كي يجي من يديك ممممممم بصحتك نسنى زقزوقة[/color]

انا هي رزيقة · 2016-03-14, 13:09

حقا حيوتة شفتك راكي زهيتي الكوزينة بالاطايب و الحليوات تسلم الايادي باينة تعزي ام حبوبة .....خخخخ
ام سدرة مبارك تعلمك للسيكنولوجيا على قول ام تاجو و القواطو روعة اختي
ام برهوم و ام سهام يا ختي حرت فيكم منين راكو جيبو هذا الابداع و الخاطر على تطبيق ذاك الابداع .ماعندي منقول غير انو ربي يباركلكم في دوك الانامل الذهبية و يعطيكم القوة باه تزيدو تمعتعونا بمزيد من روائعكن المطبخية
اختي ام اسيل طيابك و االله جميل جميل دون مجاملة وين كنتي مخبية كامل هذ الخير
ام ياسو طلتك علينا بالدنيا و االله نفرح كثير كي تدخلي علينا

Oum Habouba · 2016-03-14, 13:13

ااااااااه يا ام كامي راكي تهدري على زمان النية والصحة صدقيني نتي تحكي على الطعم وانا نستبن والله صح ماكلة الجدود هي الصح ماشي باتيسغي والباغبيكيو خخخخخ اكدولي على حرف ال غ
شوفو هملا ندير تحدي لنفسي ولعايلتي نولي كل مرة ندير واحد من اللي دكرتوهم وندوق عايلتي منهم ونقولهم تفكرو اصولكم راهي كلاتكم الغبرة وكي نجرب واحد فيهم نصوره ونحطه فقط نحوس نفهم هملا الطعام نفوره عادي وفي الاخير عند التقديم نخلطه مع المكونات اللي قلتو عليهم هكا باش مانديرش لعمري سليما ونتبهدل قدامهم لازم نديرهم وكرامتي تكون محفوظة

om kamilia · 2016-03-14, 13:18

ام هدول بصحتك الحمص القسنطيني
ام اسيل يعطيك الصة وربي يعطيك وقفة ساهلة
قمورة ماشاء الله وبصحتك الحلو وقطيف عصافيري مممم
ام هبوبة مممم يا حلو شكرا على الحلو قاطواتك يشهوا

انا هي رزيقة · 2016-03-14, 13:27

اقتباس:

المشاركة الأصلية كتبت بواسطة Oum Habouba

ااااااااه يا ام كامي راكي تهدري على زمان النية والصحة صدقيني نتي تحكي على الطعم وانا نستبن والله صح ماكلة الجدود هي الصح ماشي باتيسغي والباغبيكيو خخخخخ اكدولي على حرف ال غ
شوفو هملا ندير تحدي لنفسي ولعايلتي نولي كل مرة ندير واحد من اللي دكرتوهم وندوق عايلتي منهم ونقولهم تفكرو اصولكم راهي كلاتكم الغبرة وكي نجرب واحد فيهم نصوره ونحطه فقط نحوس نفهم هملا الطعام نفوره عادي وفي الاخير عند التقديم نخلطه مع المكونات اللي قلتو عليهم هكا باش مانديرش لعمري سليما ونتبهدل قدامهم لازم نديرهم وكرامتي تكون محفوظة

;و االله عجبتيني موت اختي ام حبوبة باينة بنت اصل و اصول و اكديلي على اصول .
تقدري تبدايلهم بالمقفول راهو ساهل و بنين و صحي تفوري الطعام تاعك عادي و تفوري من جهة اخرى كل انواع الخضار لي تحبيهم (بصل زروديا لفت بطاطا جلبانة لوبيا خضراء كورجيت) مقطعين مكعبات ثم تخلطي الاثنين و زيدي عليهم زيت زيتون بسخاء و اكدي على هذيك سخاء ...خخخخخ يجيك امممممم هو يشبه لهذا

om kamilia · 2016-03-14, 13:28

ام حبوبة والله في الحقيقة مكاش كما اكلاتنا التقليدية في كل ربوع الوطن بنة اقتصادية و صحية ولذيذة عكس حنا ما نتناولوه تقريبا ما نعرفوش المصدر الحقيقي للمواد الغذائية معظم السلع مغشوشة حتى التوابل تلقاي فيهم الحجر والخضر تخافي تاكلي في الخضر المعدلة جينيا وكل شيء تقريبا يخوف في زماننا لولا لطف الله حتى الاجبان مشبعة بالدهون والمواد الحافظة
, مش كما تشربي حليب طازج وتاكلي فاكهة الجنينة وتنحي خضار لي غرستيهم وتخدمي بزاف صوالح في الدار , لكن حنا نتماشاو مع الزمن وناكلوا دون تمييز دون وقت محدد للفطور وغدا تلقاي الناس تتغدى في الماعم في كل وقت
عودة للطعام يكون مفور 2 خطرات ولآ3 كما موالفين غير نخلطوه بواش حبينا وشهية طيبة ولآ اي استفسار رانا هنا

أم محمد تاج · 2016-03-14, 13:32

صح غداكم يا سمينات ياحلوات
روووعة طيابكم رووعة الله يعطيكم الصحة
غدايا فوطو كوبي على ام حبووبة المحبوووبة وانا السلاطة خضرا ولله الحمد والمنة
ضحكت على زيكا مصيبة يعطيك الربح ههههه كللش تموتي عليه لي تشوفيها تقولي نموت عليها الظاهرة هاربتلك لاطاي ولا يهمك هههههه
ام حبوووووبة وزيكا ضرك نحطلكم رابط الزيتون اذا لقيتو ولا مالقيتوش نعاود لعيونكم
صماطلي الحال كيعاد الغالية اسمهان مريضة والله
نروح نلبز الحلو للحلوات ونجي
سلامي

انا هي رزيقة · 2016-03-14, 13:37

و الله كلامك حكم ام كامي راكي كل صباع بصنعة وزدتي عليهم الكلام الزين و الرزين . انا دوك نخليكم لبنات الواجب يدعوني ام جوجو مدخلتش عسى المانع خير . ام رحاب نهارك سعيد اختي هذ مدة متلاقيناش

om kamilia · 2016-03-14, 13:38

[color="rgb(75, 0, 130)"]وبالنسبة مسفوف اللفت او امقفول مممممم
يستحسن اللفت لي حبة تاعو صغيرة او متوسطة شادة روحها مش مكمشة وتقدري تذوقي حلاوتها هكاك خضرا ربطة و لآ زوج بالاوراق تاعها نغسلو الاوراق وننحو الاوراق الصفراء نغسلهم مليح ن التربة ونقطع الاوراق صغار نفورهم مليح كي قريب يطيبو نملحهم بشوية ونحيهم بجهة ونزيدو نفورو هدوك الحبات تاع اللفت يكونو مقطعين صغار وللآ صغار خليهم هكاك فوريهم ما يطولوش
من جهة تكوني فورتي الكسكس تاعك وطاب
عصري اوراق اللفت من الماء تاعو , ضيفي لو زيت الزيتون بسخاء هههه وخلطيهم طبعا مع اللفت المفور وشهية طيبة
وانا تعمدت نفور الاوراق وحدهم لانهم يجو شوية مرين في بعض الاحيان هكا اللفت يحافظ علىى حلاوة و صحتين وهنا بصح انا سخفت على الدلاع[/color]

انا هي رزيقة · 2016-03-14, 13:41

اقتباس:

المشاركة الأصلية كتبت بواسطة أم محمد تاج

صح غداكم يا سمينات ياحلوات
روووعة طيابكم رووعة الله يعطيكم الصحة
غدايا فوطو كوبي على ام حبووبة المحبوووبة وانا السلاطة خضرا ولله الحمد والمنة
ضحكت على زيكا مصيبة يعطيك الربح ههههه كللش تموتي عليه لي تشوفيها تقولي نموت عليها الظاهرة هاربتلك لاطاي ولا يهمك هههههه
ام حبوووووبة وزيكا ضرك نحطلكم رابط الزيتون اذا لقيتو ولا مالقيتوش نعاود لعيونكم
صماطلي الحال كيعاد الغالية اسمهان مريضة والله
نروح نلبز الحلو للحلوات ونجي
سلامي

عاودت وليت غير علاجالك يا احلى مصيبة .... خخخخ لالا مراكيش مراجعة مليح انا نموت على صوالح زمان و المقارونة و السباغيتي و الخفوفي الظريف كي يكون ظريف تع الصح ......كيما هذاك الزيتون تاعك مثلا خخخخخخ على اقل من مهلك يا جميل رانا في الانتظار و احلى مواحة لمريومة .ايه تفكرت نموت تان على الطعام يا مامي بكل انواعه و اكديلي عليها و على البركوكس و... اشنو تاني و االله حشمت نكمل وقيلا صح يا ام تاجو راني نموت على كلشي ما تولهتش لهذي ..... خخخخ و الا على لاطاي راهي الحمد لله مزالها في بلاصتها الا حد الان ....ههههه

om kamilia · 2016-03-14, 13:43

[color="rgb(75, 0, 130)"]بصحتك ام مريومة بقاتلي للقهوة عندي مسمن , وكنت ناوية ندير مسكوتة تاعك مادلان برك اضفت للوصفة 2 مغارف ياووورت منكه , و لآ لامونة
وعشاء زوجي لاني الحمد لله ندير بسباس بطريقة ام رحاب باذن الله[/color]

x ام رحاب x · 2016-03-14, 13:46

صحة فطوركم لبنات ربي يخليكم ماشاء الله عليكم تسلم الايادي كلش فوووووووووووووووووووووووور
زينب ربي يحفضك ايلا عندك كاش اخبار على اسمهان طمنينا الله يشفيها يارب
انا هي رزيقة بصحتك المحشي ايشهي
ام هدول بصحتك الحميصة اتشهي
الصابرة بصحتك المحشي طماطم وفلفل امممممممممممممممممممممممم