اقتباس:
المشاركة الأصلية كتبت بواسطة hanane ite
شوفي ختي العزيزة ان شاء الله برك تقراي ردي في اقرب وقت باش تستفادي
ربي يعزك ومشكورة عزيزتي
هاد الطريقة مجربتها و صدقيني كنت تالمو السطر و الالم عينيا مانقدرش نفتحهم حالة كارثية الحمد لله شفاني منها
والله مصدقاتك حتى انا هك
شوفي, تبعي معايا مليح
هزي مهراس و حطي حبة بصل كبيرة او متوسطة و راس فلفل حار---ادا ماكانش اليوم استغناي عليه بصح مرة اخرى ديريه__
زيدي الزعتر حوالي زوج ملاعق و زيدي زوج ملاعق سينوج __يسموه حبة البركة __وزيدي اكليل الجبل __ادا عندكم زوج ملاعق واي اعشاب عندكم تفيدك متلا مريمية حبق
وهرسيهم مليح مع بعضهم و ظيفيلهم شوي زيت الزيتون وديريهم يدفاو فوق المدفئة
و هزي كومبراس ___شاش __ او خمار رقيق قديم و ديري فيه الخلطة هاديك كامل و حطيه فوق راسك و غطيه بساشي نيلو و شدي راسك بخمار و روحي ارقدي
ان شاء الله رح نجربها ونردلك الخبر ومشكورة على مجهودك
والصباح بربي ان شاء الله تصبحي كي الغزالة
صدقيني اختي كنت كتر منك خسرت دراهمي في الدواوات و الراديوات وحاجة ماتفيد تم تم يولي السطر وهادي الخلطة تاع جدودنا فادتني بزاف بزاااااااااااااااااااااااف
انا كنت درتها مرة و بعد يومين او تلات ايام عاودتها
مرين تلاتة ماتزيديش تشكي من راسك نهائيا
دعوة خير في الغيب تكفيني و اي استفسار راني هنا
|
ربي يعزك ويخليك ومشكوووووووووووورة
( تقرير عن مشاركة سيئة )، و الموجودة أسفل كل مشاركة .
2016-03-08, 20:50
العرض الشجري