انا قليلة ادب ومجرمة

[كاميلا]

المشاركة الأصلية كتبت بواسطة دمع الليل

عزيزتي لو تكرمتي وأعطيتنا نموذجا عن هذا المجتمع الذي يعتقد ان من واجبات الزوجة طاعة ام الزوج واخته وابيه وجدته وتقديسهم والغاء قاموس اهلها من حياتها

تسما هدرتي مكانش منها معليش راني نتبهلل هنا عليكم ومجتمعنا خالي من هاد الظواهر المتخلفة خاطر عايشين كي اوروبا ههههه يخي انا قليلة ادب فوتي واغفلي

[كاميلا]

المشاركة الأصلية كتبت بواسطة سحابة مسافرة

للاسف يا اختي هذه نظرة العديد من الاهالي
و كي تلحق لبناتهم يحبو يديروهم فوق الروس ...اييييييييييه
ربي يكون في عونك و عوننا جميعا

ايه هاديك اي بنتهم و الاخرى بنت الناس

[كاميلا]

المشاركة الأصلية كتبت بواسطة azzam 01

موضوع يحتاج إلى كثير من النقاش والعمل ’’’’ لعل الذهنيات تتغير

هم ينتقون ما يعجبهم كون جاو صح يتبعوا الدين كون رانا مناش هكا للاسف احنا مجتمع يحكم فيه العادات مش الدين

[كاميلا]

المشاركة الأصلية كتبت بواسطة toulay

وعليكم السلام ورحمة الله تعالى وبركاته
مع الاسف يا اختي شفتي الجهل وين واصل مدابيهم البنت تكون esclave ونساو بلي هي انسان
مدابيهم البنت تنفذ برك الاوامر وتسكت كون تريكلامي على حقها يضربوها ولا يعايروها
مجتمع متخلف بكل ماتحمل كلمة متخلف من معنى
اختي عندك قناعاتك وعندك المبادىء تاعك jamais تتنازل عليهم لانو التنازلات بزاف مشي ملاح
بالتوفيق

منتنازلش خاطر قانعة باللي مظلمت حتى انسان راني غير نمارس في حقوقي وادا كانت حقوقي جريمة فلتكن كدلك

[اياد حياتي]

واش نقدر نقولك اختي غير ربي يصبرك انتي اموا امو وانا الي اختو دايرة حالة الله يجيب ساعة الفرج

[فايزة1207]

ربي يجيب ساعة الخير وخلاص تعبنا من المجتمع
الكل يتدخل والكل يفرض رايه والزوج يقولك طاعة والدين وصلة رحم

[ام احمد و ميسم]

يااااااااااااااااااااااااااااااختي لما تصفين نفسك بهذا احتسبي اجرك لله وحده سوف يعوضك خيرا على صبرك ثم يااختي اذا كان زوجك حابك و راضي عليك لا تسالي عن احد اللي عجبتيه ما يبنيلك قصر وللي كرهك ما يدخلك للقبر ديري بالك على وليداتك و زوجك و بس كان الله في عونك حبيبتي

[أم عبد الكريم]

انا نقولك حاجة ولي متيقنة بيها دوام الحال من المحال

[محمد جديدي التبسي]

الاف يتمناو الزواج ويكونو في بيت العائلة معليش
نصيحة لكل من تعاني من حماتها ..كوني ذكية ولا تخربي بيتك واعيني زوجك على بر والديه تربحي دنيا واخرة
زعمة انتم قريتو وشفتو لازم تكونو اذكياء في التعامل مع الغير ولو كانوا شياطين!
ربي يصلح الاحوال.

[المهاجرة لربها]

و الله يا اختي هناك العديد من الامثلة التي لا تكتمل عند عرضها او وصفها على حالات الزوجات و الحماة
لكن انا انصحك كأخت ليس الا و بتجارب الحياة جعلت بنودا اسير بها حتى لا اصطدم او ارتطم
يا اختي ضعي دائما انك كما انت زوجة سيحن في وقت ان تلعبي دور الحماة فلا مفر من ذلك
اي ان كل تصرف من حماتك كان ليس في مقامه وانت عاندتها و فعلت بالمقابل تصرفا سيئا ردا على ما نتج منها
سيعيده الزمن مهما كنت ناسية لما فعلته او فعلته حماتك

انصحك اختي ان تكون رزينة راكزة و ذكية فقط لاجل راحتك و راحة زوجك و بالمقابل كسب محبة من يحيط بك
لا تكوني عنيدة و اتصفي باللا مبالاة عندما يكون هناك موقف حساس سيندم كل من تجرأعلى ايداءك
ادفعي بالتي هي احسن و لا تكوني مثل احدا فقط كوني مثالا لمن لم يتعلم الاخلاق
اجعلي تصرفاتك درسا لكل من اراد ان يتعلم مبادئ الحياة و الود

حاولي ان تتقربي من حماتك و ان تريها و لزوجك انك بنت عائلة و محترمة
اشتري لها كذا هدايا تجعل لقلبها يرق و يحن و يهدأ

تصرفي كأنها ام لك
فبالمقابل لا ترغبين ان تتصرف زوجة اخيك بمعاملة سيئة ضد امك
صفي نيتك مع نفسك و مع الله و كوني واثقة بالله
و لا تصنعي شيئا الا لوجه الله

و الله اعلم بك و بنياتك و باعمالك سيوفقك
فتعيشين اميرة من دون مشكل و تكسبين ود زوجك و امه و كل الافراد
و من ثم ستكوني ملكة اذا حلت الايام و كانت لابنك زوجة
فكما تدين تدان
تصرفي جيدا بحسنة كي تجدي ما كنت فعلته سابقا

و لا تكترثي لكل امر من اي شخص اراد ان يؤديك
لان الله سيكون حاميك و حافظك اينما كنت

حفظك الرحمان اختي و حماك و وفقك

[habhouba88]

الاستقلالية في حياتي حلم كبير.حتى فيما يخص تربية ابنتي لا استطيع اتخاد قرار لوحدي.و لكن الحمد لله على كل شيء.

[تيجان]

كاين لي يحسب العروسة كي تجي للدار تجي خديمة لكل العائلة بصح لالالالالالالا لانوا جات باش تخدم راجلها اولا و ترعى شؤونه اما خدمة والديه تبقى من باب الاحسان و ارضاء راجلها عليها .... لانها محاسبة على خدمة الزوج وفقط
وانت يا حبيبة لا تصفي نفسك هكذا.............. وانما هو حقك في الاستقلالية

[امونة14]

لا حاشا اختي لكن للاسف هاذا واقع نعيشوه لكن سؤال نقول للاخ اسلام فاروق لو ان ام زوجتك تتدخل في خصوصياتك واش راح يكون ولا ديما غلط في الزوجة

[mohess]

اصبري برك يا اختاااه سبحان الله ديري ربي في قلبك قستيلي قلبي انت ما تاديش و ما تخليهومش ياديوك و كي ديري حاجة انويها لربي سبحانو

[كاميلا]

المشاركة الأصلية كتبت بواسطة اياد حياتي

واش نقدر نقولك اختي غير ربي يصبرك انتي اموا امو وانا الي اختو دايرة حالة الله يجيب ساعة الفرج

المشاركة الأصلية كتبت بواسطة فايزة1207

ربي يجيب ساعة الخير وخلاص تعبنا من المجتمع
الكل يتدخل والكل يفرض رايه والزوج يقولك طاعة والدين وصلة رحم

شكرا جزيلا للمرور الكريم