اقتباس:
المشاركة الأصلية كتبت بواسطة أم عبد الرحيم يوسف
ربي يحفظها ويطول في عمرها بوسيهالي راني نموت على البنات حابة نسقسيك انت لي خدمتي لاتارت حابة نستشيرك عيد ميلاد ابني الصغير قرب وتعرفي ولدي الكبير مريض ومانيش قادرة نخمم ولا نخدم بصح في نفس الوقت حابة نديرلهم الحفلة باش نخرجهم من جو المرض وحابة أفكار جاهزة لاخاطر راسي صح حابس هاذ اليومين
|
تسلمي حبيبتي ربي يعيشلك وليداتك و يحفضهم من كل شر و يشافيلك وليدك الكبير و يعافيه و يرزقك أنت ثاني الصحة و العافية ..البوسة اللي بعثتيها لبنوتتي راهي وصلت وهي بدورها ردتلك بوسة كبيرة..
أما في خصوص التحضيرات نقترح عليك تعملي 2 جينواز ديري بيهم شكل الأرنوب واحدة ديري بيها الرأس وواحدة قصيها و ديري بيها الأذنين و الغرافات إذا كنت ما تعرفيش الطريقة قوليلي نبعثلك صورة توضيحية ..طريقة سهلة جداااا و تفرح الأولاد أما بالنسبة للكريمة اللي تزيني بيها إستعملي بودرة الشونتيي طلعيها بعلبة ياغورت بالخف تطلع و جي ثقيلة تزيني بيها كيما تحبي ما تغلبكش أما العينين و الفم ديريهم بعجينة السكر أشريها واجدة ديريلها ملون غذائي و شكلي.
أما بالنسبة للتحضيرات الأخرى أنا عملت للأولاد ساشيات صغار درت فيهم أشكال و أنواع من الحلويات و الشوكولا و بالونات و هدايا صغيرة ..ونفخت البالونات و زينت بيهم و عملت لجميع الأولاد لي شابو و ما تنسايش تزيني التارتة نتاعك بالسينيال و الشموع ..هذا ما عندي أي سؤال راني في الخدمة سلام
( تقرير عن مشاركة سيئة )، و الموجودة أسفل كل مشاركة .
2016-01-27, 13:53
العرض المتطور
