احترت في شراء العجان

[nadiem]

السلام عليكم
شفت في محل عجان مركة clatronic

شكون عندا مثلو تنصحني
هاذي صورتو


وكاين مركة بومان بدون الة فرم اللحم


ايهما احسن

[القناعة كنز]

انا عندي كلاترونيك لكن مش مثل اللي فالصورة و الحمد لله هذه الساعة مريحني لكن لازم محافظة عليه فالعجين ما تفوتيش الرقم الاول و ان شاء الله يفيدوك باقي الاعضاء

[nadiem]

اين انتم ..........

[Oum Habouba]

اختي اشري واحد تكون الماركة نتاعه باينة وماشي صيني لانو بلخف يخسرو انا تاني شريت واحد بزوج ملايين وخسرلي مهما كان السومة مرتفعة بصح تاكدي من الاصلي وربي يوفقك

[nadiem]

ام حبوبة هاذو في زوج مركة المانية
ويناه احسن

[nadiem]

وين راكم علاش تبخلو بالردود

[ام ضياء01]

يا اختي شفت كلاترونيك مثل لي في الصورة خفيف حتى اذا نحيتي الغطاء الزجاجي يتشق لانه مش متين بلاستيك يعني لازم يكون راكب معاه كي تخدمي و تسايسيه قد ماتقدري و امابومان نفسه ايضا عند عائلتي بدون آلة فرم اللحم ولكن عنده صوت مزعج ننصحك قبل ما تشري تاكدي من الهيكل متين

[منال100]

اختي العزيزة بالنسبة للعجان احسن ماركة هي كيتشن ايد فهو امريكي الصنع ولكن استطاعته قليلة 400واط فقط هناك كنوود ايضا هي علامة جيدة وانا عندي واحد كنوود وانت ودراهمك لانه حسب الاستطاعة التي يملكها فمثلا هناك 400واط و800واط و1200واط و1500 واط وهو اغلاهم واكثر قدرة وتستطيعين العجن فيه بدون خوف ولكن فيه عيب واحد هو انه عندما تريدين صنع حلوى مثلا ب2حبات بيض لا يخلطها معنى هذا ان الذي استطاعته 400واط يستطيع ان يضرب بيضة واحدة لهذا انا فضلته لأنني استعمله لصنع الحلويات والمايوناز وكل الكيك والبينيي وايضا العجين ولكن هذا الاخير بكميات قليلة
اما بالنسبة لرحيوة اللحم هذه يمكن ان تشتريها وحدها وتركبينها يعني القطع التي تباع معه يمكن ان تجديها حتى التي تصنع العجائن مثل الرشتة واللزانيا هي تباع بمفردها كنت اود ان اضع لك صورة عجانتي ولكن النت ضعيفة ربما غدا ان شاء الله

[hiba hajer]

انا عندي بومان الحمد لله راهي في 4_سنين هااايلة لكن عندي فيها ترحي اللحم

[nadiem]

شكرا ام ضياء على التنبيه انا في الحانوت متولهتش لانو مش حاطلو الغطاء البلاستيكي .اما الهيكل بانلي سوليد والله اعلم

منال كينوود جاني غالي بزاف منقدرلوش شكرا اختي


هيبة ياريت اختي تقوليلي قداش الواط تاعو 1000 او 1200
وهل تاع اللحم ترحي مليح .وبقداش شريتيه من فضلك

[ام ضياء01]

يا اختي كلاترونيك لي شفته نفسه ولما نحاولو الغطاء تشقق و الان زاد حبس واصل الجهازين تركيب صيني وتقدري تحوسي هنا مواضيع كثيرة عليهم نفس استفساراتك
https://www.djelfa.info/vb/showthread...C8%E6%E3%C7%E4

https://www.djelfa.info/vb/showthread...C8%E6%E3%C7%E4

https://www.djelfa.info/vb/showthread...C8%E6%E3%C7%E4

[nadiem]

بارك الله فيك ام ضياء

[djazia87holi]

سلام البنات اختي ننصحك نصيحة عليك وعلى ماركو كونوود والله غير رووووووووووووووووووووعة انا صراحة عندي بيترا ماركة بومان ومليحة مي ماركة كونوود هي الميور غالية شوية مي تعيشلك حنونة

[nadiem]

المشاركة الأصلية كتبت بواسطة djazia87holi

سلام البنات اختي ننصحك نصيحة عليك وعلى ماركو كونوود والله غير رووووووووووووووووووووعة انا صراحة عندي بيترا ماركة بومان ومليحة مي ماركة كونوود هي الميور غالية شوية مي تعيشلك حنونة

اختي كنوود جاني غالي
بومان لي عندك قداش فيه الواط وهل فيه رحاية اللحم

[djazia87holi]

سلام اختي انا نتاعي ماركة بومان والله غير فيها رحاية لحم وفوي نتاع بيض ووحدة سبيسيال للقاطو وبياسة خاصة بالعجن وعنها 5 سنين وهي عندي نتاع 3 كيلو مي الفولت نتاعها تناحالي من المسيح معلاباليش اذا 220 او 240 مي بين هادو الزوج مي ننصحك اشري بومان وتهلاي فيها ادا للعجن متزيديش من الرقم 2 وادا للقاطو نتي والعجينة نتاعو كيفاه وصدقيني غير العجين نتاعها رووووووووووووووووووووعة مي تهلاي فيها برك تشدلك والصورة نتاعها هدي