السلام عليكم
عساكن طيبات جميييييييعا
يعطيكم الصحة على كل لي حطيتو مانيش نشارك لكن اتتبع وراء الكواليس
بارك الله فيكن و ادام لمتنا
الغائبات عازفة و زينب 83 و زينب 66 و ام انس و ام اسمهان و ام سهام و ام ساجد و ساجدة و صدفات و .....القائمة طويلة .عسى المانع خير و يرجعولنا بالسلامة
الاخت لوتيس لي تسال على الكرانتيكا نقولك انا من سكان الغرب تبعي خطواتي و باذن الله راح تنجحي من اول مرة باذن الله من اول تجربة
الحمص المرحي كاين نتاع الساشي و كاين نتاع الميزان
نتاع الساشي لون الكرانتيكا يجي اصفر لكن نتاع الميزان يجي حلو و بنة الحمص رائعة ادن ننصحك بنتاع الميزان
205 غ حمص مطحون
ملح
رشة كمون
1 حبة بيض
3 ملاعق كبار زيت
1.25لتر ماء دافئ (1لتر ماء و كاس ماء)
فنجان حليب
و خلطي مليح بالمضرب
و خليها ترتاح شوية لانو قد ما ترتاح تجي مليحة
و فرغي الخليط في صنية مدهونة بالزيت
و شعلي عليها من التحت و السر باش ماتجيكش ناشفة هو الحليب لي فيها و طريقة الطياب
ما طيبيهاش من التحت حتى تنشف ..لا ...طيبيها غير شوية نصف نشاف عاد تبان سائلة
و من بعد شعلي من الفوق و خليها يرجع لونها بني ناصع و القشرة لونها قريب للسواد
و قدميها مع رشات كمون و الهريسة و بصحتكم رح تكون احلى كرانتيكا جربتيها
( تقرير عن مشاركة سيئة )، و الموجودة أسفل كل مشاركة .
2015-12-09, 18:56
العرض الشجري