حقاا ام رويييدة واه البورااك نطيبه فالفرن عمري ما نقلييه و بالعكس يجيي بنيييين و مشي شاارب الزييت لاكاان تبغي نكتبلك طرييقتي مع اني حطييتها عندها مدة راهي في وصفاات الحرااير بصح ويييين خخخخخ ،، ما علييش نعاودهاالك حبييبتيي
في طاجيين نحط شوييييية برك زييت و نرابي علييه بصلة متوسطة و نقلييها على نار هاادية نزيد 3 فصوص ثووم كباار رابي ولا مكرازيين بالبراس آي خخخخخ و نقلي و نضييف رطل كفتة و نصف ملعقة صغيرة ملح و رشة فلفل أسود و نصف م ص كمووون يعطييه بنة رهييييبة و نطيب كلشي على ناار قلييلة مع التقلييب حتى تنشف الكفتة مامااء تمااااماااا ،، نطفي و ضييف 8 حباات فرمااج لا فااش كيري و تنجمي تزييدي فرمااج رووج رابي يمييييي و خلطيي ملييييييح حتى يدوب الفرمااج و تتشكل عجيينة ادا صح التعبيير و نكون فيضت 3 حبات بيض يعني مشرشميين كيما تقوولو و نرابييهم على الكفتة و نحط معدنووس مقطع رقييق و نخلط بالملعقة ،، نقسم الورقة تاع الديوول على نصفين و نحط الحشو و نغلق من الجانبين و نرولي و نستف في بلا تاع فرن مدهوون بالمارعريين طرية ضرووووووريييي ،، و نكمل غير هاك حتى نكمل قااع الكمية و نطلييهم مالفووق بالزييت باستعماال البانسو و نطيبهم في فرن سااخن على 180 درجة ما يدييش الوقت بزااف غي قدما يتحمر شوية من تحت نطفي و نشعل من فووق و نحمره ،، و لاكان عندك الفرن لي يشعل من فووق و من تحت في نفس الوقت أحسن ،، درك نحوسلك على الصوورة نحطهاا ،، صدقييني البنة رهيييييبة و الفرمااج كي ندوبه فييه يمنع التمرمييد فالمااكلة يعني يقعد شااد رووحه خااصة مع الأطفاال ،، و ادا بغييتي يخرجلك كمية كبييرة اقسمي الورقة تااع الديوول على 4 و نقصيي شوية من كمية الحشو و الف صحة و هناااا
( تقرير عن مشاركة سيئة )، و الموجودة أسفل كل مشاركة .
2015-12-05, 11:08
العرض الشجري