وضك نجو لخدمتنا
اولا جيبي ثلاثة امتار قماش ساتان روايال مبعد قسميها
عرض متر وخمسة سنتيمترات وطول مترين
هاذ لي راح تخدمي بيه السموكس
والباقي نتاع القماش تخدمي بيه المخدة والتبطين نتاع البساط من الخلف
تهزي القطعة لي قلتلك عليها تعملي فيها السموكس
ترسمي فيها كادر نتاع خمسة سنتيمتر من كل جيهة ونعتبروه حق الخياطة
ثم ترسمي في اوسط غرزة لخترتيها
بعدين تخدمي غرزة حتى تكملي كل قطعة القماش
تتحصلي على قطعة
طولها حوالي متر
وعرضها حوالي 60سنتم
تجي قد البيبي ممتازة
بعدين تقصيلها قطعة قدها من القماش لي بقا وتخيطيها فيها من ثلاثة جهات وتخلي جيهة
باه تدخلي فيها البونج
كيما نديرو البساط بالبونج عادي
وبعدين تغلقي
وتنظميها وتديري الدونتال على الحواشي الاربع
والقماش الباقي ديري بيه مخدة
ابعادها خمسين سنتيمتر على اربعين
وانقلي عليها نفس الباترون وطبقي عليها نفس الخدمة تخرجلك باذن الله هايلة
وماتنسايش التزيين بالدونتال
نتمنى شرحي يكون واضح
واي استفسار راني هنا
( تقرير عن مشاركة سيئة )، و الموجودة أسفل كل مشاركة .
2015-12-05, 16:18
العرض المتطور
