راح نسميها تارت تؤبشوني هههههههه
تارت تؤبشوني
افصلي صفار 3 بيضات على البياض
طلعي البياض بجيهة مع رشة ملح
خبطي البياض مع كاس قازوز سكر واذا البيض تاع صغير كيما تاعي ديري زوج صفار وبيضة كاملة وخبطي مليح وزيدي باطة ياؤورت ذوق شوكولاطة انا استعملت دانات ونفس الكاس حليب ونص كاس زيت وخبطي مليح حتان يطلع الخليط ويبياض مع رشة فاني وزوج مغارف كبار كاكاو اسود ولي تحب تنقص تنقص ونضيف باكي خميرة وكاس ونص فرينة
راح يثقال الخليط زيدي البياض ودخلي الهواء وخلطي من فوق لتحت اازم مايهبطش وحطيها طيب صدقوني راه تتنفخ وترجع كأنك خدمتي زوج عجينات
خليها تبرد مليح كي طيب وتقسميها على زوج اسقيها بعصير رامي ذوق كوكتال هايل هايل
الكريمة: كاس كرام فراش اوبلا المخيرة نطلعها مليح حتان تثقال مع زوج مغارف كبار سكر قلاصي
من جيهة نذوب باطة شوكولاطة اومباسادور نوار كي تذوب نضيفلها باطة ياؤورت دانات شوكولاطة ونخليها تدفا و نضيفها للكريمة ونخلط بالباتور ونحشي التارت ونزين من فوق كيما تحبوو
صدقوني ذوقها رووووعة وهاذيك الكريمة نخدمها موووس الشوكولاطة رووووعة
تؤبشوني وسامحوني على التأخير
ضرك نجيب الصورة باش ماتتعبش الغالية ايدورنو في البحث عليها
( تقرير عن مشاركة سيئة )، و الموجودة أسفل كل مشاركة .
2015-12-03, 19:37
العرض المتطور
