شركة seror

[toulay]

سلام عليكم

مالا قدمتي la démission تاعك الف مبروك

يا اخي في احد المواضيع قلتي بلي الخاص لتخدم عندو مشي جيد مالا اخطيك منو و en plus راك تخدم في domaine بعيد كل البعد على التخصص الجامعي تاعك

مالا اقبل بالخدمة الجديدة هاذي

يا اخي خمم فالمستقبل خمم لبعيد متخممش فاللحظة بمعنى اخر درك تخدم عند الدولة وراك assuré ومرة خلاف تولي عندك retraite مشي كيما الخاص حتى يشيطك باش يديرلك l'assurance ونظن مع الوقت الخلاص راح يزيد يطلع

وفي قضية تعس على الخدامين وكاين منهم ليسرقوا العتاد نقولك اخدم خدمتك وفهمهم في كل شيء dès le debut وبلي مراحش تكون متسامح في امور تاع خدمة وكون تشوف اي حركة هكذا ولا هكذا directement un rapport وديرها صح هكذا باش ياخذو العبرة وميزيدوش يسرقوا حاجة خاطيهم

بصح اذا عاجبك تشنشيف تاع le privé هاذيك حاجة خلاف

على كل خمم مليح وكيما قتلك خمم لبعيد مشي تخمم برك فالدقيقة هاذيك

بالتوفيق وربي يسهلك ان شاء الله