الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 41

زينب 83 · 2015-10-21, 19:11

اقتباس:

المشاركة الأصلية كتبت بواسطة ام رويدة

ام حبوبة صح عشاك اختي
وهادوك الخبيزات يشهو نظن ماشي بالسميد العادي

زينب يا زينب اطباقك فن ماشاء الله
وكانها جعلت للنظر وليس للتخريب بالملعقة والشوكة هههه
تسلم الايادي حبيبتي
وياليت توريلنا طريقة المندرينات هبلوني
وانا لا علاقة مع جميع صنوف الشلايظ

تسلمي حبيبتي ام رويدة ، لكن راك تبعدي في العين يا حبيبتي اطباقك تشهد عليك حنونة

حبيبتي هاذيك ماسيدوان عادية و ديريلها مايونيز و تشكيلها على شكل كرات و تغليفها بالجزر مرابي رقييييييق ، ممكن الجزر طيبيه شوي يجيك اسهل ، انا ماطيبتوش و ممكن تشكيلها على شكل جزرات جي تحفة

ام رويدة · 2015-10-21, 19:21

اقتباس:

المشاركة الأصلية كتبت بواسطة زينب 83

تسلمي حبيبتي ام رويدة ، لكن راك تبعدي في العين يا حبيبتي اطباقك تشهد عليك حنونة

حبيبتي هاذيك ماسيدوان عادية و ديريلها مايونيز و تشكيلها على شكل كرات و تغليفها بالجزر مرابي رقييييييق ، ممكن الجزر طيبيه شوي يجيك اسهل ، انا ماطيبتوش و ممكن تشكيلها على شكل جزرات جي تحفة

شكرا غاليتي والله شهادة اعتز بها لكني اعتبرك استاذتي
لانك ماشاء الله تبارك الله عندك عقل كبير
وتفيدي في كل شيء
ربي يجازيك خير....ويبارك في صحتك ورزقك
وعلى فكرة استفدت كثيرا من موضوعك تاع الغسالة
لاني شريت وحدة تقريبا كماهي
وهاد الاختراع تاع الماسيدوان باذن الله نجربو
والله تحفة ويليق بزاف للعرضات والمناسبات في تزيين السلطة
وفي انتظار ابداعاتك دوما.....

سرور2 · 2015-10-21, 19:23

مساء الخير

زينب راكي مشاء الله اطباقك روعة ممكن مقادير الرولي والخبز جاوك هايلين

الرجاء الاماني المجد · 2015-10-21, 19:25

ام حبوبة رولي روعة حطيلنا الطريقة
زينب اطباقك روعة
وريدة مساء النور
عائشة بصحتك الميونز

soussou_saida · 2015-10-21, 19:34

االسلام عليكن الله يخليكم ادعولي ربي يشفيني عندي الام الضرس فاضعة و انا حامل في الشهر السابع رحت اليوم عند طبيبين قالولي مانديرو والو لازم صبر
و اللي عندها وصفة تخفف الاللم ما تبخلش عليا
سمحولي علل طلبي هدا و ضعتو هنا مش الركن المناسب لكن املي فيكم كبير ببسسبب توافد الاخوات في هده الكوزينة

Simassim · 2015-10-21, 19:39

اقتباس:

المشاركة الأصلية كتبت بواسطة soussou_saida

االسلام عليكن الله يخليكم ادعولي ربي يشفيني عندي الام الضرس فاضعة و انا حامل في الشهر السابع رحت اليوم عند طبيبين قالولي مانديرو والو لازم صبر
و اللي عندها وصفة تخفف الاللم ما تبخلش عليا
سمحولي علل طلبي هدا و ضعتو هنا مش الركن المناسب لكن املي فيكم كبير ببسسبب توافد الاخوات في هده الكوزينة

اذا ضرس العقل راه منتفخ. دير حبوب لاتاي عليها راه ينفع ان شاء الله

صاحبة الكوزينة. الف مبااااارك افتتاح. اسمحلي جيت يديا فارغين راني نعجز. والمورال تحت الزيرو ماراني نصور واليوم عاد لبزت شوي بريوش

البنات كامل راني مرة على مرة نطل توحشتكم. دعواااتكم

om wassim · 2015-10-21, 19:28

عشايا خفيف بطاطا سوتي و بيض

زينب 83 · 2015-10-21, 19:39

ام حبوبة اممممممم يعطيك الصحة ، هاذاك يخي غراتان في ساشي تاع السباغيتي ، على الفكرة انت عسل و كلامك عسل و عندك خفة دم خياااال تذكرت عضوة معانا توتة ربي يرجعها على خير عندها نفس خفة دمك

ام وسيم عشاك ممكن يبانلك بسيط لكن مغريييييي و اكيد لذيذ ، على فكرة واش اخبار السكن هل من جديد

ام رويدة اخجلتيني حبيبتي و الله رانا كامل نتعلموا من بعض و نكملوا بعض و الحمد لله

الرجاء الأماني اهلين حبيبتي ، عندي صديقة في التعليم لبارح دارت تقاعد مبكر مسكينة قاتلي تعبت بزااااااف ماقدرتش نزيد اكثر مع انها صغيرة في السن ، ربي يقدركم حبيبتي و يعينكم يا رب

سرور تسلمي غاليتي

الرولي ، 4 بيض و 100غ تضر بيهم مع بعض حتى يولي الصفار فاااااااتح و تزيدي نصف كيس خميرة كيميائية و ملعقة فانيلا و 100غ فرينة مغربلة و تضربي مليح بالباتور و من جهة اخرى تضربي البياض مع رشة ملح صغيرة حتى يولي كي الثلج و تضييفه بالشوي للخليط الاول و تخلطي بلعقل بالملعقة حتى يتجانس الخليط و طيبيه فوق ورق الزبدة و لازم تعسيه لانو ثم ثم يطيب

اما الخبز هو خبز البريوش وصفتي تلقايها في هذا الرابط

https://www.djelfa.info/vb/showthread.php?t=1818114

om wassim · 2015-10-21, 19:33

رويدة يعطيك الصحة الطمينة تشهي
زينب رووووعة الله يبارك ممكن تحطيلنا طريقة الأخير تعيشي
أم حبوبة حللي و ناقشي يشهو يعطيك الصحة
عائشة بصحتك المايونيز

ام رويدة · 2015-10-21, 19:40

سرور ..الرجاء مساء الانوار
ام وسيم صح عشاك حنونة...الله يسلمك

سوسو للاسف ماعنديش فكرة اللهم الا الباراسيتامول مسموح بيها
انا سوفريت في الثلاث اشهر الاولى من الحمل
والله خدمتها بدون تخدير ونحاتلي العصب واللحم حي
شفت المووووت كلي راي تخلط في دماغي
بصح الحمد لله جاز كلش..حتى الالم ما يتحملش سيرتو تاع الليل

ربي يشفيك حنونة وديري القرنفل مليح تاني

omjoujou · 2015-10-21, 19:41

ام امينة وام رويدة تعيشوا حبيباتي وربي يحفظلكم امهاتكم ويطوللهم في اعمارهم
اختي سوسو سعيدة انا نعرف القرنفل يخفف من الام الضرسة ربي يشفيك وان شاء الله يزيدوا يفيدوك الاخوات
تصبحن على خير

ام رويدة · 2015-10-21, 19:46

اقتباس:

المشاركة الأصلية كتبت بواسطة omjoujou

ام امينة وام رويدة تعيشوا حبيباتي وربي يحفظلكم امهاتكم ويطوللهم في اعمارهم
اختي سوسو سعيدة انا نعرف القرنفل يخفف من الام الضرسة ربي يشفيك وان شاء الله يزيدوا يفيدوك الاخوات
تصبحن على خير

امييين غاليتي
وصح عشاك وبصحتك البرا
نسيت نقولكم عشاي شطيطحة لسان بالزيتون
عجزت نصور

زينب 83 · 2015-10-21, 20:10

اقتباس:

المشاركة الأصلية كتبت بواسطة soussou_saida

االسلام عليكن الله يخليكم ادعولي ربي يشفيني عندي الام الضرس فاضعة و انا حامل في الشهر السابع رحت اليوم عند طبيبين قالولي مانديرو والو لازم صبر
و اللي عندها وصفة تخفف الاللم ما تبخلش عليا
سمحولي علل طلبي هدا و ضعتو هنا مش الركن المناسب لكن املي فيكم كبير ببسسبب توافد الاخوات في هده الكوزينة

ربي يخفف عليك اختي
ديري القرنفل او زيت القرنفل هايل ، او اشري calment dentaire من عند الصيدلية راهو مخدر موضعي مليح بزاف و مايضرش
و تاني ممكن تهربي براسيتامول بودرة و تحطيها في ثقب الضرسة اذا مثقوبة راح يخف الألم

اقتباس:

المشاركة الأصلية كتبت بواسطة om wassim

رويدة يعطيك الصحة الطمينة تشهي
زينب رووووعة الله يبارك ممكن تحطيلنا طريقة الأخير تعيشي
أم حبوبة حللي و ناقشي يشهو يعطيك الصحة
عائشة بصحتك المايونيز

تسلمي حبيبتي ام وسيم

غراتان الفاصوليا الخضراء

لوبيا خضرة مفورة و تشوحيها في شوي زبدة و فلفل اسود و ثوم و ملح
بطاطا مقصوصة رقيق مقلية او مشوية في الفرن بشوي زيت
لحم مفروم متبل و طايب
جبن
تحطي طبقات من هذي المكونات في المول ممكن صغير او كبير و في الجوانب تحطي اللوبيا و في الاخير تفرغي بيض مضرب من داخل باه يتماسك لغراتان و دخليه الفرن قيس مايطيب البيض فقط و يذوب الجبن ، و ماتنسايش تدهني المول بالزبدة باه ديموليه بسهولة

و الصوص
كوتلات و فطر ، طماطم مصبرة و بهارات و بصل مفروم و ثوم و كسبر ورق و رند و ملح و ملعقة زيت تقليهم و تمرقي غير بشوي ماء ، و تغلقي لاكوكوت ، الصوص تكون ثقيلة

عائشة حسان · 2015-10-21, 19:56

السﻻم عليكم راني جيت ولقيت الخير والخمير
الله يباﻻك منين نبدا نرد الان
اوﻻ راح نبدا على اخر شيء قابلني ونرجع
لعندها اﻻم الضرسو حطي حبة قرنفل على الضرس تنحي الالام وربي يجيبلك الشفاء واقراي الفاتحة بنية الشفاء
ام جوجو الحمد لله على سﻻمة الوالدة وكي نورت البيت وبصحتك الرزايم ومبروك عليك البرا ميكسور راه هايل عندي خوه من سنين ورووووووعة
شفت اختي زينب نورت كوزنتي الله يبارك

زينب 83 · 2015-10-21, 20:11

ام جوجو عشاك يشهي و على سلامة الوالدة مرة اخرى
عايشة حسان مساء الخير غاليتي