حملة من أجل,,,,,,

[أم عروة]

جزاكِ الله خيرًا أختي
أصبتِ فأفدتِ
فعلا فالشكوى لله معزة وللناس مذلة
اعلمي علم اليقين أنّ الله يمهل ولا يهمل، فالدنيا دوارة يوم لك ويوم عليك
وسيأتي فيه اليوم الذي تنقلب فيه الموازين، فتصبحين أنتِ الأقوى وهم الضعفاء
ولكن كيف؟؟ باحتساب الأجر والصبر>> وفي نفس الوقت لعطي قيمة لنفسك فالتذلل لا يكون الا لله تعالى
اختي اخدمي واسكتي ولي يحب يهدر زيديلو فمك كيما يقول المثل، انت المهم اخلصي النية واجرك على الله


اختي نحكيلك قصة عايشتها تقريبا
عندي بنت خالتي ربي يحفظها، يتيمة الأم تزوجت هي بنت 15 سنة، لاقت كل انواع العذاب التي تتخيلينها، من سب وشتم وضرب، كانت تنوض على 4 تاع الصبح تخبز وتعجن وطيب وتخيط المهم كل صبع بصنعة وفوق كل هذا تهان وتضرب من ام الزوج وابيه الى اخوانه واخواته، وكي يرجع الزوج من العمل يزيدو يحرشوه يضربها حتى تتغم وتلحق للسبيطار
ناهيك عن قذفها في شرفها ووووزوجها لي يخونها امام عينيها وووومحرومة من الملابس ادنى ظروف المعيشة غير متوفرة!!
بالرغم من انها فاااائقة الجمال والله على ما اقول شهيد
والله صدقيني نتذكر كي ليوم كنت صغيرة آنذاك كانت تجي لينا تهرب من الدار على الزوج تاع الصبح بلحفا مضروبة من كل جهة وجهة، يحكموها في دارنا ينصحوها، بصح هي تحب ترجع، تقول لأمي وين نروح نروح لزوجة الاب، للعلم باباها ما يخليهاش تعيش في اي دار والا كانت تعيش عندنا
المهم، تعبو خوالي راحو هددوهم هددوا زوجها، لي داروها لا حياة لمن تنادي تغضب يامات ويجي زوجها يحلل والله ما نزيد هي تحب ترجع وتعود ريمة لعادتها لقديمة
وبقيت هكذا لمدة طويلة جابت اطفال وبقات معانتها، الى ان انجبت طفلة الآن راهي عندها 15 سنة، بدا الزوج يتغير تعلق بابنته بزاف وكانت بنتو سبحان لسانها حلو وتعرف تتكلم، كل مرة تقولو ما نحبش على ماما ، اشري لماما حوايج، ادينا نحوسو ووووو حتى وين بالشوية رجع زوجها انسان طيب ورجعت طلباتها اوامر
قفز على روحو وعرف بلي ظلمها طلب منها السماح ووقف في وجع عايلتو وسبحان الله عطاولهم الدار
والان راهي ملكة، صدقيني غير ملكة
لا اللبسة ما نحكيلكش، التحواس، العمرات، الذهب الله يبارك، هاديك الزين رجعلها، والان الناس كامل تحبها ويستعرفو بيها بلي مرا ونص بالرغم من انها كانو يقولو عليها عرة النسا
ولادها راهم يقراو ويخدمو، اكبرهم راهو السنة تخرج من الجامعة وخدام وبسياراتهم، يعني ربي خلف عليها، والله نهار ليشفتها كذبت بلي هادي لي قاست وعانات في حياتها

اما اهل زوجها، فاخوات زوجها تزوجو، وصرا فيهم الباطل تطلقو بالاولاد راهم عايشين الهم، واما عجوزتها زوجت وليدها لي تحبو وكان يضرب ابنة خالتي وعادت مرتو كااارثة تضرب عجوزتها وديرة فيها الشر، وعجوزتها ندمانة وتحوس على بنت خالتي بالشمعة ولكن!!!! وخلي وخلي وخلي
فالحين لي كانو اقويا رجعو ضعفاء وبنت خالتي لي كانت تتعاير بالجايحة والبهلولة راهي قوية شوفي الدنيا
والحمد لله
ان الله لا يضيع اجر المحسنين

صح احيانا الانسان تضيق به نفسه وبالاك يشكي، ولكن فنعلم أنه لو اجتمع الناس على ان يضروك بشيء لن يضروك الا بما كتبه الله لك

موفقة

[sinda]

المشاركة الأصلية كتبت بواسطة أم عروة

جزاكِ الله خيرًا أختي
أصبتِ فأفدتِ
فعلا فالشكوى لله معزة وللناس مذلة
اعلمي علم اليقين أنّ الله يمهل ولا يهمل، فالدنيا دوارة يوم لك ويوم عليك
وسيأتي فيه اليوم الذي تنقلب فيه الموازين، فتصبحين أنتِ الأقوى وهم الضعفاء
ولكن كيف؟؟ باحتساب الأجر والصبر>> وفي نفس الوقت لعطي قيمة لنفسك فالتذلل لا يكون الا لله تعالى
اختي اخدمي واسكتي ولي يحب يهدر زيديلو فمك كيما يقول المثل، انت المهم اخلصي النية واجرك على الله


اختي نحكيلك قصة عايشتها تقريبا
عندي بنت خالتي ربي يحفظها، يتيمة الأم تزوجت هي بنت 15 سنة، لاقت كل انواع العذاب التي تتخيلينها، من سب وشتم وضرب، كانت تنوض على 4 تاع الصبح تخبز وتعجن وطيب وتخيط المهم كل صبع بصنعة وفوق كل هذا تهان وتضرب من ام الزوج وابيه الى اخوانه واخواته، وكي يرجع الزوج من العمل يزيدو يحرشوه يضربها حتى تتغم وتلحق للسبيطار
ناهيك عن قذفها في شرفها ووووزوجها لي يخونها امام عينيها وووومحرومة من الملابس ادنى ظروف المعيشة غير متوفرة!!
بالرغم من انها فاااائقة الجمال والله على ما اقول شهيد
والله صدقيني نتذكر كي ليوم كنت صغيرة آنذاك كانت تجي لينا تهرب من الدار على الزوج تاع الصبح بلحفا مضروبة من كل جهة وجهة، يحكموها في دارنا ينصحوها، بصح هي تحب ترجع، تقول لأمي وين نروح نروح لزوجة الاب، للعلم باباها ما يخليهاش تعيش في اي دار والا كانت تعيش عندنا
المهم، تعبو خوالي راحو هددوهم هددوا زوجها، لي داروها لا حياة لمن تنادي تغضب يامات ويجي زوجها يحلل والله ما نزيد هي تحب ترجع وتعود ريمة لعادتها لقديمة
وبقيت هكذا لمدة طويلة جابت اطفال وبقات معانتها، الى ان انجبت طفلة الآن راهي عندها 15 سنة، بدا الزوج يتغير تعلق بابنته بزاف وكانت بنتو سبحان لسانها حلو وتعرف تتكلم، كل مرة تقولو ما نحبش على ماما ، اشري لماما حوايج، ادينا نحوسو ووووو حتى وين بالشوية رجع زوجها انسان طيب ورجعت طلباتها اوامر
قفز على روحو وعرف بلي ظلمها طلب منها السماح ووقف في وجع عايلتو وسبحان الله عطاولهم الدار
والان راهي ملكة، صدقيني غير ملكة
لا اللبسة ما نحكيلكش، التحواس، العمرات، الذهب الله يبارك، هاديك الزين رجعلها، والان الناس كامل تحبها ويستعرفو بيها بلي مرا ونص بالرغم من انها كانو يقولو عليها عرة النسا
ولادها راهم يقراو ويخدمو، اكبرهم راهو السنة تخرج من الجامعة وخدام وبسياراتهم، يعني ربي خلف عليها، والله نهار ليشفتها كذبت بلي هادي لي قاست وعانات في حياتها

اما اهل زوجها، فاخوات زوجها تزوجو، وصرا فيهم الباطل تطلقو بالاولاد راهم عايشين الهم، واما عجوزتها زوجت وليدها لي تحبو وكان يضرب ابنة خالتي وعادت مرتو كااارثة تضرب عجوزتها وديرة فيها الشر، وعجوزتها ندمانة وتحوس على بنت خالتي بالشمعة ولكن!!!! وخلي وخلي وخلي
فالحين لي كانو اقويا رجعو ضعفاء وبنت خالتي لي كانت تتعاير بالجايحة والبهلولة راهي قوية شوفي الدنيا
والحمد لله
ان الله لا يضيع اجر المحسنين

صح احيانا الانسان تضيق به نفسه وبالاك يشكي، ولكن فنعلم أنه لو اجتمع الناس على ان يضروك بشيء لن يضروك الا بما كتبه الله لك

موفقة

واله قصة جد مؤثرة والحمد لله صبرت ونالت والله لو كانت كل النساء مثلها لما خربت البيوت لكن أختي العزيزة للأسف قليل وين تلقاي واحدة تصبر وأنا واحدة من الناس الوقت لي رانا فيه هو لي خلانا هكذا شوفي نساء بكري كانوا يعيشوا في دار العايلة والعجوز والشايب لي يصرفوا حتى المصروف يتحط في يديهم وإذا بغات حاجة لازم تطلب منهم وكانوا صابرين وما يهدروش كي تفوت تهدر العجوز ولا الشايب أمر طبق أما حنا بديارنا اول شرط كي نتخطبوا والمصروف في يدينا واحد ما يتحكم فينا حتى وإذا جربوا الرد يكون ديت واحد يحكم فيا واحنا نشكيو وماشي عاجبنا الحال صح كاين مشاكل والعوج كثر لكن الحمدلله ربي يعطينا العقل ويهدينا

[رقة زمان]

لالالا ياسيندا انا لا اوافقك الراي ...انتي استمعتي الى دلك العضو ونصحتينا ان نوقف مواضيعنا لا والف لا .....هم يحكو علينا ويطيحو من كرامتنا واحد يحكي على البنت البايره وواحد يقول ماتتزوجوش المراه العامله لانها مش بنت فاميليا وواحد يقول تزوج على مرتك ربي حللك ربع لفعات (يموتو بسمهم ان شاء الله)ووووووو وحتى واحد مايحكي معاهم .....علابالي الشكوى لربي ..ولكن احنا النسا ايلا ماحكيناش نطرطقو طااااااااق....

[maghi]

المشاركة الأصلية كتبت بواسطة رقة زمان

لالالا ياسيندا انا لا اوافقك الراي ...انتي استمعتي الى دلك العضو ونصحتينا ان نوقف مواضيعنا لا والف لا .....هم يحكو علينا ويطيحو من كرامتنا واحد يحكي على البنت البايره وواحد يقول ماتتزوجوش المراه العامله لانها مش بنت فاميليا وواحد يقول تزوج على مرتك ربي حللك ربع لفعات (يموتو بسمهم ان شاء الله)ووووووو وحتى واحد مايحكي معاهم .....علابالي الشكوى لربي ..ولكن احنا النسا ايلا ماحكيناش نطرطقو طااااااااق....

السلام عليكم ورحمة الله تعالى وبركاته؛ اختي الفاضلة

اولا يا اختي انا لم اطلب منكن ايقاف مواضيعكن؛ ولا يحق لي هذا البتة

فالمنتدى ليس ملكية خاصة بي!!! فمن انا حتى ادعو لجفاف الاقلام؟

ثانيا من فضلك اعيدي قراءة موضوعي فتدركي ان كلامي موجه للذكور

حتى يتوقفوا عن اهانة الاخوات في مواضيعهم والتزام الموضوعية وعدم الاستفزاز

لتجنب خلق جو مشحون بين الاعضاء؛

فالمشكلة لاتتعلق بالمواضيع وانما اسلوب الطرح والمناقشة الخادشة للحياء؛

فهذا المنتدى بوتقة للعقول الراقية والاجدر التزام اداب الحوار حتى نفيد ونستفيد.

[رقة زمان]

لا اعرف لمادا حدف ردي الدي كان هنا العجب