اقتباس:
المشاركة الأصلية كتبت بواسطة بشـرى
أظن طمينة اللوز
|
اختي راني كتبتلك الوصفة لكن تمسحت بصح معليش نعاودها في خاطرك ههههه
شوفي تحتاجي 3كيلات لوز مرحي ملييييح و كيلة سكر عادي ونص كيلة حليب ونص كيلة ماء الورد وشوية زبدة وسكر قلاص للتزيين
التحضير
في كسرونة تكون تقيلة حطي السكر وزيدي الحليب وماء الورد والزبدة وحركي مليح فوق نار هادئة كيما يدوب السكر خلاص حطي اللوز المرحي وبقاي حركي ودائما على نار هادئة حتى يتقال الخليط وتولي كتلة واحدة ومتلصقش فالجوانب تاع الكسرونة لازم متكونش جارية ولا يابسة خاطر كي تخليها جارية مبعد تجيك سايحة ولكان تيبسيها بزاف تجيك يابسة
بعدما تتحصلي على هديك الكتلة تجيبي بلاطو مسطح ودردري عليه كمية مليح تاع سكر قلاص وتطرحي الطمينة فوقو واستعملي شوي سكر قلاص في يدك باه متلصقش والسمك تاعها كيما تحبيه ومبعد سوي السطح بالمغرف مليح وزيدي دردري كمية مليح تاع سكر قلاص من فوق .كيما دردري سكر قلاص استعملي الصفاية.خليها تحكم روحها مليح وقصيه مقرودات وقدميها فاليكسات.وبصحتكم
( تقرير عن مشاركة سيئة )، و الموجودة أسفل كل مشاركة .
2015-09-12, 14:04
العرض المتطور
