حلويات عرس من مطبخي

[oumhadjer]

baraka allaho fik mada biya lokan taatini wasfat yasminat

[أم عبد الله السلفية]

المشاركة الأصلية كتبت بواسطة oumhadjer

baraka allaho fik mada biya lokan taatini wasfat yasminat

و فيك بارك الله

إذا كنت تقصدي صابلي روايال هو كالتالي: ديري وصفتك تاع الصابلي أي وصفة ناجحة ليك في يدك و تلونيها الغوز و تقطعيها دوائر مشرشفة و طيبهم و تلصقي كل زوز حبات مع بعضهم . تكلي الكمية كامل . و من باعد بالبانسو تمسحي جوانب الحبة بالمعجون و ترمديهم في النوات كوكو أو الكوكاو المحمص و المرحي خشن . أنا أفضل النواة كوكو لأنو يكون متناسق مع الوردات.

من باعد نبدأ في تزيينها لازم المكان يكون نضيف باه الخدمة تشيك نقية و متقونة و أيضا ما لزمش تكوني تحبانة باه تتقنيها. أنا درت الصابلي في نهار و لصقتو و نهار للتزيين علاخاطر يدي ليد و ظهر يتقسم ربي يعافيك ان شاء الله.

المهم تلوني كمية من عجينة اللوز بالملون الأبيض باه تعطيك هذاك البياض الناصع و تلوني كمية أقل منها بالملون الغوز و ديريهم في السيلوفان باه تبقى طرية ما تيبسش.

تحلي العجينة البيضاء بنفس الطابع الي قطعتي بيه الصابلي و تحطي دوائر عجينة اللوز فوق حبات الصابلي الي لصقتيهم و تمسحي باللماع الفضي (الناكغي) و من باعد أنقشيها بالنقاش . ثم حلي العجينة الغوز و قطعي يسمينة كبيرة قطعيها بالطابع تاع دوار الشمس . و كل مرة تمسعي بالبريون و تزيدي يسمينة بيضاء ثم وردية و في الأخير عقاشة ذهبية.

هو شكلو في الواقع أجمل بكثير من الصورة و ذوقو أروع . أنا بيت أهلي يعجبهم و يموتو عليه.

تنبيه ليك أختي العزيزة: كي تجي تحتفضي بيه ما تحطيش حبة فةق حبة راه ممكن جدا يفسدلك المهم لازم الإحتياط انت تعبتب فيه و زيد يفسدلك الشكل و زيد غطيه مليه باه ما يظبوش لهوا
انا هاذ الوصفة ورتهالي صديقتي ربي يجازيها خير راراتو شكل قلب رائع جدا و أنا بدلت فيه و درتو بالأشكال الكل و النتيجة دائما رووووووعة
يا رب نكون وصلتلك الفكرة

و أي استفسار أنا هنا