دورة الفراشات الشاطرات في التنظيم و التنظيف خلال اجازة الصيف

[ام هزار]

اهلا و سهلا بالحبيبة الغالية
ربي يشفيك و يعافيك ........ ريحي شوية يا عزيزتي باينة تعبت بزااااااااااف الله يجازيك خيرات الدنيا و الاخرة اللهم امين
حاولي تشربي فنجان قهوة بعد الغداء او مقدار يومي من اللبن راح يساعد في تعديل الضغط الدموي وان شاء الله رايحة تتحسني اكييييييد
بالنسبة للعرس الخيرة فيما اختاره الله تعالى .......... ربي ييسر امورك كلها يا رب امييييييييييييييييييييييييين

[ام هزار]

الا

خت موستا يعطيك وقفة ساهلة يا ربي و تسعدي و تفرحي بالبيبي الجديد امييييييييين
ام ادم ام ريتاج اهلا بيكم و تحياتي القلبية الخالصة ربي يوفقكم اجمعيييييييييييييين

[حبيييبة]

مساء الخير حبيباتي
واش احوالكم
مرحبا بالفراشات الجديدة
و اهلا بالفراشات القديمات
ان شاء الله نقرا كل تقريراتكم حبيباتي
متشوقة لقراءة تطبيقاتكم

[oum sabrin]

السلام عليكم و رحمة الله
واش راكم فراشات
اختي حبيبة قدر الله و ما شاء فعل اتهلاي في روحك و صحتك رانا كامل معاك ربي يقويك و يسدد خطاك امين يا رب

المشاركة الأصلية كتبت بواسطة سجود نور الايمان

السلام عليكم و يعطيكم الصحة يا الفحلات على هاد النشاط
اول مرة نلاحظ هاد الموضوع الرائع
اريد ان انضضم و لكن اضن اني متاخرة بزااااف نتمنى من صاحبة الموصوع تفتح دورة جديدة خاصة مع بداية الدخول المدرسي
راني نعاني من الفوضى و قلة الفعالية في بيتي نهار كامل واقفة و ما يبان والو
ساعدوني تعيشو

اهلا بك اختي سجود معنا لست متاخرة ابدا حنا هادا ةين بدينا رانا هنا كامل نشحنو بعضنا البعض بالطاقة الايجابية

المشاركة الأصلية كتبت بواسطة samira1980

صباح الخير
عندي ملاحظة فيما يخص الاخوات يردو غير على لي يعرفوه
الواحد من قبل كاره و انتم في العوض تنحو علينا و تحمسونا للمشاركات تزيدو تكرهونا
في الدورة السابقة كنت مشاركة معاكم بصح كي شفتكم تتفاعلو غير مع لي تعرفوه ما قدرتش نكمل معاكم
و شكراااااا شكراااااا

اختي سميرة اهلا بك من فضلك ما تزعفيش علينا ربما كان ذلك سهوا منا بالعكس نتشرف بمعرفتك و ان شاء الله تلقاي روحك معنا

المشاركة الأصلية كتبت بواسطة mosta*limoges

سلام عليكم يا فراشات واش راكم لاباس
إن شاء الله تكونوا كامل بخير
بالنسبة ليا و بما أن الطمينة قربت ( أدعولي ربي يسهلي الولادة)
راني حبست من التنظيفات العميقة راني فقط ندير البرنامج التنظيفي اليومي و الحمد لله راني قدرت نحافظ على النظافة و النظام في بيتي الصغير و إن شاء الله مين نولد ونريح نعاود نرجع للدورة.

اهلا اختي موستا على سلامتك بلعقل برك ما بقاش قد الي فات ربي يطلعك على خير و نسمهعو عليك اخبار سعيدة كي تسلكي على خير حاولي تخلينا و لو رسالة قصيرة تطمنينا عليك فيها
موفقة

المشاركة الأصلية كتبت بواسطة ام هزار

ربي يباركلك في جهدك و و قتك بصح قوليلي كيفاه درتي مع ولدك زكرياء ربي يحفظو و يحفظلك صبرين و اباها اللهم اميييين

ربي يبارك فيك اختي ام هزار
بالنسبة لوليدي انا استغل الصباح الباكر كي يكون راقد نقص واش نقدر و كي ينوض نعطيلو حقو من وقتي نغسلو و نبدلو و نعطيلو حليبو ثم نخليه يشوف رسوم متحركة او يلعب او يخرجو باباه كي راه في اجازة الحق يساعدني في الدراري غير كي يكون مريض حاجة اخرى كيما الاسبوع الماضي ما قدرتش ندير والو غير معاه جاوه قراجم واعرين الحمى ما حبتش تطلقو
ربي يوفقك و يوفق جميع الفراشات
تصبحن على الف خيييييييييييييييير

[ام آدم]

السلام عليكم حبوبات واشكم ان شاء الله تكونو بخير
ام ريتاج ربي يحفظك على السؤال انت وام هزار راني اليوم راح نبدى نقل الحوايج لداري الجديدة ونتهنى من الكراء و الضيق حتى و لو راهي ما هيش فيني مي والله خير من الكراء
لعقوبة لكل وحدة واش تتمنى يا رب

[رقية الناجحة]

صباح الخير

ام ادم مبروك عليك الدار الجديدة تتهناي ان شاء الله

ام هزار كلامك وان لم يكن موجه لي مباشرة الا اني وجدت فيه الراحة الله يريحك

اختي حبيبة كل تاخيرة فيها خيرة

[رقية الناجحة]

اهلا بك معنا اختي سجود تفيدي وتستفيدي

اهلا ام صابرين واش راكي اخيتي
اختي سميرة ماتزعفيش كامل كنا هكذا مي كتحفظي اسماء الاخوات تتعودي وحنا تاني نتعودو على اسمك نولوا كامل حببات
الاخت موستا ربي يعطيك وقفة زينة وتتهناي بصغيرك

[توكل]

بارك الله فيك

[أم ريتاج زهرة]

المشاركة الأصلية كتبت بواسطة ام آدم

السلام عليكم حبوبات واشكم ان شاء الله تكونو بخير
ام ريتاج ربي يحفظك على السؤال انت وام هزار راني اليوم راح نبدى نقل الحوايج لداري الجديدة ونتهنى من الكراء و الضيق حتى و لو راهي ما هيش فيني مي والله خير من الكراء
لعقوبة لكل وحدة واش تتمنى يا رب

ألف ألف مبروك ماعليش بشوية و تكمليها المهم تهنيتي من الكراء و اللي تروحي تكريه زيديه في دارك صدقيني تعيشي فيها بالصحة و الراحةة و الهناء بالتوفيق أختي

[oum sabrin]

المشاركة الأصلية كتبت بواسطة ام آدم

السلام عليكم حبوبات واشكم ان شاء الله تكونو بخير
ام ريتاج ربي يحفظك على السؤال انت وام هزار راني اليوم راح نبدى نقل الحوايج لداري الجديدة ونتهنى من الكراء و الضيق حتى و لو راهي ما هيش فيني مي والله خير من الكراء
لعقوبة لكل وحدة واش تتمنى يا رب

الف مبرو ك عليك العتبة الجديدة اختي ام ادم تتهناي فيها ان شاء الله

المشاركة الأصلية كتبت بواسطة رقية الناجحة

اهلا بك معنا اختي سجود تفيدي وتستفيدي

اهلا ام صابرين واش راكي اخيتي
اختي سميرة ماتزعفيش كامل كنا هكذا مي كتحفظي اسماء الاخوات تتعودي وحنا تاني نتعودو على اسمك نولوا كامل حببات
الاخت موستا ربي يعطيك وقفة زينة وتتهناي بصغيرك

اهلا اختي رقية راني مليحة يسقسي عليك الخير و انت اتمنى تكوني بالف خير و كل عائلتك يا رب

[nazjo]

السلام عليكم يا سيدااات انا شابقة مقبلة على الزوااااج واريييد بعض النصااااائح لكي اصبح شاطرة لاتبخلووو عليا وجزااكم الله الف شكككككر

[ام آدم]

ربي يعيشكم خواتاتي ام صبرين وام ريتاج و رقية لعقوبة لواش تتمناو ان شاء الله

[omoussamawarazane]

السلام عليكم
شكرا على الموضوع الهايلاجة النظام متعودة من بكري غلى النظام كل ليلة نغسل الماعن بعد العشاء مباشرة ومانخرجش من الكوزينة قبل مانردها تبرق حتى السينية تاع الفطور نوجدها
كل صباح ندير الكسرة لليوم كامل
عندي ولدي 3 سنوات و بنتي قريب عامين متعبيني شوية القش نغسل يوميا حتى الزربيةو فراش الصالة نغسل كل 15 يوم
ألعاب ولادي يطايشو في كل بلاصة مهما نلم ماكانش فايدة
التلفزيون ما نتفرجش خلاص
غدوة ان شاء الله نبدا نطبق البرنامج

[أم تغاريد]

السلام عليكم ورحمة الله وبركاته
اللهم بارك جزاك الله خيرا الغالية أم حبيبة استفدت بزاف منك رغم اني ماكنتش مشاركة
احتسبي الاجر
وكذلك الاخت سمراء الدنيا استفدت بزاف من دوراتها السابقة
الاخوات المشاركات درتولنا الهمة ما شاء الله
ان شاء الله نتعرفو على بعضنا
راني التحقت بكم اليــــــــــــــــوم
---------
انا متزوجة منذ عام وشهرين مازال ماعنديش دراري
وهاد الامر لي مقلقني بزاف علابيها راني حابة نشغل وقتي باش ننسى ....ربي يفتح علي وعلى كل واحدة راهي في حالتي
قبل ما نبدا في تطبيق البرنامج اليومي راني حابة ندير نيتواياج عميق باش نتهنى
راني بديت ليوم بين المغرب والعشاء درت جهة من البلاكاغ تاع الكوزينة ( تحت المجلى )
راني حاطة الطابونة تم دايما هاديك البلاصة تتوسخلي راني نخمم كاش فكرة نديرهالها ؟؟؟؟
-----------
ملاحظة : شفت في دورات سابقة كانو الاخوات يحطو الصور ياريت المشاركات يدعمو تطبيقاتهم بالصور كي يقدرو

[Massilyawissel]

السلام عليكم اخواتاتي والله درتولي كوراج راني ان شاءالله حابة نبدا نطبق في البرنامج لانو حاسة بروحي لازمني هاذ التغيير باش نتحكم في وقتي و بالتالي في حياتي. ما نكذبش عليكم راني خايفة شويه لانو مانيش باغية نفشل في التطبيق اذا كاش وحده كانت كيفي طبقت الموضوع و تغيرت ما دابيها تحكيلنا كيفاه دارت باش نستفادو معاها و ربي يحفظكم و يفرحكم