الجزء 139 من واش طيبتي اليوم ……كوزينة الهمة والنشاط من جديد……

[ام عبدو و ملاك]

والله عندكم الحق كل ما يكبرو الاولاد كل ما تزيد طلباتهم في كلش انا ضرك بنتي عندها 9 سنين دي فوا هي اللي تقولي واش نطيب وكي ياكلو حاجة في الغدا ما يحبوش يعاودوها في العشا احنا كي كنا صغار ماكلة نديوها يومين و احنا ناكلو فيها وما نقولو والو جيلهم جا هك واش نديرو ربي يعيشهم

[الرجاء الاماني المجد]

المشاركة الأصلية كتبت بواسطة x ام رحاب x

هادو بعض اطباقي لنهارات الي فاتو
هادي جينواز بالشيكولا اممممممممممممممممممم


هادو خبيزات السلق خفاف وبنان

وهادا سوفلي درتو سنيوة كبيرة


وهادي درت بطاطا وبيض انجال وطوماطيش اقليتهم ودرتلهم البيض ودخلتهم للكوشة

ام رحاب فنانة في الطبخ ما شاء الله اعطني وصفة لسوفلي انتع السنيوة

[Simassim]

المشاركة الأصلية كتبت بواسطة ام ساجد

ام سهام صبحك الله بانوار النبي ويوم سعيد عزيزتي

سيماسيم صح لاحظنا كل الخوات لي في الغربةيحطو شوي في الصحن احنا لازم يكون
الصحن شارجي حتى التزيين ما يجيش مليح

مرة اختنا ام سلمى قالتلها ام ماجد وهذا يشبعك ههههههههه

المشكلة ماشي في الكمية قليلة او كثيرة.
انا مين ندير المرقة زيتون او جلبان او اي شي المرق يكون قلييييل وتقيل ومانكلوش الخبز. لكن كمية اللحم تكون مليحة كمية لي نطيبها انا وراجلي ياكلوها ستة او سبع عباد فالبلاد وزيد السلطة بالفرماج او الفرماج اخر وجبة والديسار فواكه
وكل شي عالتعود

مين تشوفيهم فالمطاعم الفاااخرة يحطولك كمية قليييييلة من الاكل لكن الطعم والديكور يخليك تشبع. انا تاني كنت نستغرب كيفاش يشبعو. مرة حطولنا حبة بطاطا صغيرة وحبة فطر شوي كبيرة مع صلصة بيضاء ومعاه قطعة لحم تحسب كميك تاع بيبي ماشي واحد كبير. امالا كليناها اشبعنا !!!!! بسيف كملنا الديسير فاتت فينا طلبناه ووجدوه

[الرجاء الاماني المجد]

ام ساجد صباح الانوار اليوم عجبتني سوفلي انتع ام رحاب راح نجربها سماسم شكرا عزيزتي على الاهتمام ام رحاب راني انتضر في وصفة سوفلي انتع السنيوة باه ندير في الغداء

[ام ساجد]

ام رحاب بصحتك المطلوع والسلاطة اكيد الزوج ماكانش علبيها غداك خفيف

الله يخليك عزيزتي ام سهام

سيماسيم صح عندك الحق كي يكون مع السلطة مع الديسار واش جا يكفي لكن احنا في البلاد الكثرية نديرو طبق واحد علبيها لازم يكون ثقيل ههههه

انا غدايا اليوم لوبيا بطلب من زوجي يموت عليها وبلاك ندير معاها بوراك الا قدرت

نخليكن الى الملتقى

[ام ساجد]

بصحتكم عزيزتي الرجاء السوفلي مسبقا واكيد راح يكون بنين

[idron0]

المشاركة الأصلية كتبت بواسطة Simassim

ههههه ام ساجد الخير راه كاين بصح اليوم تلفت وزيد سخانة
عندي كمية قليلة تاع كفتة قدييمة اكيد مافيهاش البنة ههههه علابيها تلفتلي
الخضر عندي فلفلة وبادنجان وطماطم وجريوات وجزر والخشيش والباطاطا والبصلة والثوم يعني كلشي
السي سيد قالي خاجة خفيييفة مع سلاطة قلت لي بات قال لالا محاحب لالا زيتون والجلبان رانا عاد كي درناه ايا دبرو عليا وروز تاني بصح بانة راح ندور ندور نديرلو لي بات بالتون ونحطه تحت الامر الواقع ههههه

جربي هده:

[url=https://up.1sw1r.com]url]

[عازفة الناي]

احلى صبااح لاحلى شلة
توحشتكم وقرعجت من وراء الكواليس هههههههههههههههههه بصح جبتلكم الصور
بيتزا تاع غداء امس امممممممممممممممم

[ام سهام 02]

هذا صابلي بالزيت تارتو بنتي قاتلي حطيه في الكوزينة

[ام سهام 02]

المشاركة الأصلية كتبت بواسطة عازفة الناي

احلى صبااح لاحلى شلة
توحشتكم وقرعجت من وراء الكواليس هههههههههههههههههه بصح جبتلكم الصور
بيتزا تاع غداء امس امممممممممممممممم

امممممممم تشهي بصحتكم يا الفحلة

[Simassim]

كواليس غداً هادا واش جاب عصير المخ والمخيخ مانفحتليش عالطياب اليوم زينت الدكور فقط

[ام عبدو و ملاك]

المشاركة الأصلية كتبت بواسطة ام سهام 02

هذا صابلي بالزيت تارتو بنتي قاتلي حطيه في الكوزينة

الله يبارك ربي يحفظهالك شحال في عمرها

[دائمة الشكر]

ام سيهاجم الله يبارك في بنتك ويحفظهالك
عزوفتي بصحتكم ممكن تقوليلي انواع الفرماج اللي تستعمليه للبيتزا
جابلي وليد عمي الكرموس الهندي ههههههه وأي وأي وأي وأي منو معمر شوك

[ام سارة18]

مرحبا انا عضوة جديدة اريد الانضمام اليكم في هده اللمة الجميلة مع حراير بلادي وانا من متتبعي منتدى الجلفة منذ سنوات

[الرجاء الاماني المجد]

هدا غدانا سوفلي السنيوة ومعجون الخوخ