جزء ****138***من واش طيبتي اليوم ---عيد سعيد وكل عام وانتم بخير ----

[chez biba]

ربي يخليك اختي وداد شغل كليتها

ام وابنة هاذي وصفتي تاع البيزا تجي هايلة

بيزا منكهة بالأعشاب ومحشية بالجبن
(وصفة حورية المطبخ معتامداتها دايما )

المقادير: 2 خبزات
300 غ فرينة
3م.ك زيت او زيت الزيتون (حسب الرغبة)
1/2 م.ص ملح
1 م.ك سكر
1/2 م.ك خردل moutarde
1/2 م.ص أعشاب منكهة herbes de province
200 الى 250 مل ماء دافئ
1 م.ك خميرة الخبز
التحضير:
* نخلط جميع المقادير الجافة ماعدا الملح ، نضيف الزيت والخردل ونفكر مليح باليد
* نجمع الخليط على جنب ونحط الملح ونلوح فوقو شوي ماء ونخلط، نضيف الماء تدريجيا مع العجن حتى نتحصل على عجينة طرية وملساء
* تغطى وتترك في مكان دافئ لتختمر ويتضاعف حجمها
* حاولي تنزعيها برفق (ما تعجنيهاش) وابسطيها في البلاطو مدهون بالزيت واحشي الأطراف بالجبن قطع وزينيها والصور توضح




* بالنسبة للجبن ضيفيه في الاخير كي تطيب رجعيها دقيقة برك باش يذوب (نستعمل شيدار ذو نوعية جيدة )

وهنا من داخل

[ikram08]

طريقتي في البيتزا العجينة 250فرينة تلات ملعقة اكل زيت واحد ملعقة صغيرة خميرة الخبز واحد ملعقة اكل سكر ملح و نلم بالحليب بالنسبة لصوص هادي الطريقة ديتها من منتدى مغربي ممتازة وتناسب كل شئ رطل طماطم حبة بصل حبة جزر حبة قرعة ثوم ملح فلفل أكحل شوية زيت و قليل جداً من الماء كي تطيب نطحن كلشي ونزيد رند زعيترة نرجعها على النار تنشف انا نطيبها في الأسفل ما تديش وقت كثير و حاليا شريت مقلاة كهربائية راني تطيب فيها تجئ روعة

[الرجاء الاماني المجد]

ام وابنة مساء الخير مغارف كبار والماء ديري 3 كيسان ماء وخليه يغلى ثم طفي عليه وصفيه ام وداد عن اي وصفة تبحثين بيبا كيف حالك عزيزتي

[ام محمدْ ومريمْ]

راني نحوس على وصفات به نضعف راني زايدة7كغ من سنتين ومقطرتش نهبطهم

[ام و ابنة]

اهلا اختي شي بيبا بانتظار وصفتك للبيتزا

البنات اختارولنا الوصفة اللي راكم حابين نتبادلو طرقنا و نصائحنا و أسرارنا فيها بش غدوة ان شاء الله نبداوها

وداد الطريقة تلقايها في اليوتيوب موضحة بالفيديو ذوبي المارشمالو مع ملعقتين ماء في الميكرووند ثلاثين ثانية و حركي مليح ثم رجعيه ثلاثين ثانية و خلطي جيدا و ابداي تزيديلها السكر الرطب و تعجني مليح حتى تولي العجينة مطاطية معاك حطيها في كيس و خليها عالاقل ٢٤ ساعة في الثلاج و اجبديها بوقت بش تطلق و تعرفي تخدمي بيها
ما تنسايش تدهني يديك و الاناء اللي تذوبي فيه المارشمالو و الفوي اللي تخلطي بيه بالسمن جيدا و كذلك طاولة العمل قبل ما تبداي تعجني
اذا خليت العجينة بره مدة و مع ذلك جاتك ناشفة امسحيها بالسمن و دخليها عشر ثواني الميكرووند و اعجنيها مليح
بالنسبة للأشكال و الديكورات اعمليهم ليلة من قبل و حطيهم في الثلاجة
خلي فقط تغليف الكيكة بعجينة السكر في يوم المناسبة ديالك باش ما تنشفلكش بزاف

[ام محمدْ ومريمْ]

لبنات حبة نسقسيكم على كيكة القطار راه قريب عيد ميلاد محمد وهو يموت على القطارات وحبة التورتة تكون على شكل قيطار

[ام و ابنة]

بيبا و اكرام يعطيكم الصحة عالوصفات ممتازة و استفدت منها

الأماني ربي يحقق لك أمانيك يا طيوبة

وداد ما حبوش يحملولي الكل و هذاك الاول up حملي فقط صورة و حبس
مع الثعلب ما كانتش عندي مشاكل ابدا
عملت تارتولات بالمعجون تع الدار تع الكرموس اللي هو التين نتعب نقول شحال بنان و يذووووووبو في الفم و حبيت نحط لكم الطريقة مع الصور ما قدرتش
غدوة ان شاء الله نعاود نحاول و نشوف و اللي تعرف مركز تحميل ثقة و سهل و سريع تكتبهولي هنا
تصبحوا على خير

[ام و ابنة]

وداد اكتبي في قوقل بالضبط هاذ الجملة
gateau d'anniversaire train
و ادخلي تمتعي بالصور و الافكار
و كذلك تقدري تكتبي
train birthday cake

[ام و ابنة]

رحت اتكيت واتفكرت اخوات ما رديتش عليهم جيت نجري خفت يزعفوا عليا

سماح يعطيك الصحة عالاقتراح تع قاطو الفلان تع ام اماني كي شفت ردك كنت عملت التارتولات بصح انا كل يومين نعمل قاطو و لكن الرابط ما لقيتوش

نظن ام سهام هي اللي بشرتنا بخصوص اختنا ام احمد اذا ماغلطتش في الاسم في الاسم مبروك عليها وربي يشفيها و يحفظلها وليداتها و يجعلهم من البارين و العاقبة لكل الحوامل و كل من تتمنى تحمل

ام طيري الجنة راكي تغيبي بزاف علينا

يا ربي ما زالت وحدة عييت نتفكر سامحوني راسي مثقوب
سلامي ليكم جميعا دون استثناء

[idron0]

المشاركة الأصلية كتبت بواسطة ام و ابنة

بيبا و اكرام يعطيكم الصحة عالوصفات ممتازة و استفدت منها

الأماني ربي يحقق لك أمانيك يا طيوبة

وداد ما حبوش يحملولي الكل و هذاك الاول up حملي فقط صورة و حبس
مع الثعلب ما كانتش عندي مشاكل ابدا
عملت تارتولات بالمعجون تع الدار تع الكرموس اللي هو التين نتعب نقول شحال بنان و يذووووووبو في الفم و حبيت نحط لكم الطريقة مع الصور ما قدرتش
غدوة ان شاء الله نعاود نحاول و نشوف و اللي تعرف مركز تحميل ثقة و سهل و سريع تكتبهولي هنا
تصبحوا على خير

جربي هدا:
https://up.1sw1r.com/index.php

[oum islem]

صباح الخير عليييكم
صباح الخير ادرونو ان شاء الله تكوني بخير مع احبابك ووليداتك

غدانا شخشوخة من العشا والحمد لله

كانو عندي سلافاتي ضياف تعشاو وسهرو وشايخنا وروحو

عندي اعمال شاقة شوية بزايد اليوم

ربي يهدي وليداتي اليوم يعاونوني شوية


سلاااام كبيييير ليكم

صباح سعيد لكل الملتحقات

[oum islem]

هذا قراتان البدنجان خفيييف






لي كراب مالحين



معقودة في الكاسرول



معقودة باني




جبتلكم افكار للفطور كل واحدة تخير وش حابة


لي حابة تحل كوزينة جديدة تنطلق في التحضيرات

في امان الله

[ام محمدْ ومريمْ]

صباح الخير ادرونو وام اسلام ليوم ان شاء الله غدايا بربوشة راني غير انا ومحمد عندي حتى انا ليوم شوية شغل ام اسلام رابي يعينك

[ام محمدْ ومريمْ]

المشاركة الأصلية كتبت بواسطة ام و ابنة

وداد اكتبي في قوقل بالضبط هاذ الجملة
gateau d'anniversaire train
و ادخلي تمتعي بالصور و الافكار
و كذلك تقدري تكتبي
train birthday cake

الله يسعد ايامك ويخليك اختي ام وابنة مشككككككككككككككككككككككككككككككككورة

[ام و ابنة]

اختي ادرونو روحي ربي يفتحها في وجهك و يوفقك و يفرح قلبك

تارتولات بمعجون التين مخدوم في الدار

كان عندي تقريبا 250 غ من خليط مرغرين و زيت خلطت معاه حبة بيض و فنجان حليب و ثلاث ملاعق سكر رطب ثم لميت بالفرينة حتى ولات عجينة ملساء ماشي ناشفة حطيتها في كيس و خليتها تريح شويا
طرحتها فوق كيس بلاستيكي و من الفوق ايضا استعملت كيس يعني ما استعملتش الفرينة
حطيتها في لي مول راهم في الصورة الثانية و ثقبتهم بالشوكة
حطيت فيهم لوبيا حمراء طبعا ممكن اي نوع اخر بقوليات جافة المهم بش ما يتنفخوش و ما يتغلقوش
نحيتهم خليتهم شوية حتى قدرت نتحمّل حرارتهم و فرغتهم و عمرتهم بمعجون التين خلطت معاه قليييل من القاطو المرحي يعني مجرد ثلاث ملاعق
و رديتهم يطيبو
لاحظوا كاين حبات حمرتها مليح مليح بإصرار من زوجي و بصراحة عندو الحق جاو كاراميليزي ذوق عجيييب
و العجينة تذويوووووب لذلك تعاملي معاهم بحذر و خليهم حتى يبردو مليح بش تديموليهم بش ما يتكسرولكش
الكمية عطاتني 30 حبة