اقتباس:
المشاركة الأصلية كتبت بواسطة اسمهان79
سلاااااام. لبنات الضاهر الكل نام غير أنا راني نتهد
هاذا وين جيت من الحنة نتاع ولد أختي غدوة إن شاءالله يطهروه ويديرو لعشاء
راني دزوني نطيح والله قشي ما لميتو نحيت كلش في الهول دخلت دوشت وجيت نقرعج شوية
الي حطو طيابهم ما شاءالله عليهم
واللي راهم مع الحفلات ربي يفرحهم على طول ويتمملهه بالفرح إن شاءالله
واللي زيدو الف الف مبروك
واللي شراو الغالي ربي يبارك ويزيدهم من نعيمو
واللي غايب ربي يرجعو
واللي غلبان ونعسان يروح يرقد كيما حالتي
تصبحون على خير حبيباتي
|
سلام اسمهان كاش اطباق كاش حلويات وين راكي والله كل يوم كي نكون فالطريق مروحة من الخدمة نقول في نفسي انشاء الله تكون اسمهان حطت كاش وصفة جديدة على خاطر شطيطحة جاج و شطيطحة لحم تاعك دارو سوكسي في رمضان و البارح درت غراتان تاع البطاطا المفورة و اللي عملتيها سوتي و بعدها حطيتيها فالفرن مع الجبن. راااااااااااائعة تسلم يديك
حبيت نسقسيك لاكان عندك وصفات لكيفيات بالمقارونة
شكرًا في كل الأحوال