الشبه طبي

[كلي امل ان شاء الله]

لالا يكذب عليك لي يقولك تخدير و قابلة هوما احسن معدل
حنا فالولاية تاعنا ماكاش تخدير لكن قابلة انا وحدة من الناس ماحبيتهاش و اخترت راديو لي كان المعدل نتاعها مرتفع و الحمد لله
انا معايا وحدة شعبة رياضيات معدل 15 (راديو)
و بالنسبة للتخصصات نت و واش تحبي ... كل تخصص عندو ايجابيات و سلبيات

[Amira.12]

المشاركة الأصلية كتبت بواسطة كلي امل ان شاء الله

لالا يكذب عليك لي يقولك تخدير و قابلة هوما احسن معدل
حنا فالولاية تاعنا ماكاش تخدير لكن قابلة انا وحدة من الناس ماحبيتهاش و اخترت راديو لي كان المعدل نتاعها مرتفع و الحمد لله
انا معايا وحدة شعبة رياضيات معدل 15 (راديو)
و بالنسبة للتخصصات نت و واش تحبي ... كل تخصص عندو ايجابيات و سلبيات

اختي واش ايجابياتها انا 13.21 شعبة رياضيات واش نصحيني اختي ندير مدارس عليا ولا شبه طبي

[كلي امل ان شاء الله]

المشاركة الأصلية كتبت بواسطة amira.12

اختي واش ايجابياتها انا 13.21 شعبة رياضيات واش نصحيني اختي ندير مدارس عليا ولا شبه طبي

نفس المشكل مع اختي راهي بين مدارس و بين باراميديكال .. انا قلتلها اذا قدرتي تديري مدرسة عليا في العاصمة ديري ولا غير العاصمة تبقى باراميديكال احسن لانو مدرسة عليا تاع العاصمة معترف بيها اكثر

كل تخصص و ايجابيات و سلبيات كيما قلتلك
حنا الراديو الحمد لله ماعندناش خدمة بزاف و زيد عندنا الراحة و لي كونجي و انا بغيتها على خاطر خدمة نقية مافيها لا دم ولا هم يحزنون و قرايتها ساهلة بزف لكن من السلبيات هي الاشعة اكس راهي ماشي مليحة للجسم لكن الوقت تطور و كاين وسائل للحماية نخدمو بيهم و نستعملوهم

لابو ( مخبر ) فيها القراية بزااااااااااف و قرايتها واعرة و تديري التحاليل لصوالح بزاف انا ماقبلتهمش اصلا مانحملش الدم بصراحة و غلط صغير بعيد الشر راكي تروحي فيها

الكيني ( التدليك ) مليحة كنت حابتها بزااااف لكن مرضت و وليت انا نروح ندير الماساج قاتلي لي تقدم تما غير اخطيييك راهي الخدمة واعرة و شفت بلي فيها تعب كبير مع المرضى و زيد فكرة اني ندلك لاي واحد ماعجبتنيش ..

القابلة تقرا 5 سنين هاذي الحاجة الاولى من الايجابيات ان القابلة عندها الحق تدير ايكو و زيد تكتب اوردونونس عادي و الاهم الاجر عند ربي لكن انا ماحبيتهاش لاني مانحملش الدم و شخصيا كون نجي نقبل مرا و كاش مايصرالها بعيد الشر راه كاش مايصرا فيا

الممرض .. اولا قرايتهم راهي تلخييييص لللطب .. يقراو بزااااااااااف و على كلش لانو ممكن يقيسوهم في اي سارفيس .. ماشي كيما لخرين عندهم سارفيس واحد .. زيد عندهم واحد التفاصيل المفصلة مانقدرش نقولها هنا انا شخصيا مانقبلش بيها و الايجابيات راه عندهم اجر كبير
و الاجر لكل ممرض بصفة عامة مهما كان التخصص نتاعو لانو المهنة نبيلة و شريفة