ابني جاب الباك والحمد لله لاكن ما عرفت نفرح ولا نزعف عليه

[كلمة مني]

أولا مبروك عليه هذه فرحتها وحدها
ثانيا هو محبش يخبرك لأنه ماكنش حاب يحيرك لأنه إذا كان ناجح كان رايح يفرحك وإذا خسر كان رايح خليها بينو وبين نفسو هذا مكان
وافتاخري بيه الله يبارك ربي يحفظولك .

[ام حمزة22]

المشاركة الأصلية كتبت بواسطة كلمة مني

أولا مبروك عليه هذه فرحتها وحدها
ثانيا هو محبش يخبرك لأنه ماكنش حاب يحيرك لأنه إذا كان ناجح كان رايح يفرحك وإذا خسر كان رايح خليها بينو وبين نفسو هذا مكان
وافتاخري بيه الله يبارك ربي يحفظولك .

مشكورة جزيل الشكر بارك الله فيك وربي يفرحك دنيا واخرة

[maram.espoir]

ألف الف مبروك لوليدك و العقوبة لنجاحات اخرى
علاه مسكين ما تفرحيلهش، و الله فرحتله و جاتني الدمعة و أكيد انه خبى عليك باه ما يقلقكش ادا ربح كان راح يقولك و ادا خسر تبقى بينه و بين نفسه و ما يقنطكش
و الله العظيم انا مانعرفهش بصح بهاد العفسه كبر في عيني وأكد لي أنه ابنك عقله كبيييييييييييييييييييييييييييييييييييير ماشاء الله ربي يخليهلك
و ما تنسيش هداك ربي فرحك كيما فرحتينا في قسم الطبخ

[crono]

الف مبروك على و ليدك حبيبتي أجمل مفاجأة أفرحي وزغردي ماشاء الله
ربي يخليهلك
انا ابنتي خسرت والله بكيت
قتلي بنتي ان شاء الله العام الجاي نفرحك
ومبروك لكل الناجحين

[زينب 83]

مبروك النجاح ام حمزة ربي يفرحك دايما و ابنك ماشاء الله راجل راهو خبى عليك ، خاف مسكين يزيد يصدمك مرة اخرى هذا ماكان ، بالعكس افرحي و زيدي و لعاقبة لنجاحات اخرى بإذن الله

[أم سلسبيل23]

الف الف مبروك ام حمزه و الله بكيت وحسيت بيك وبوليدك الله يحفضلك ويخليك ليه و متزعفيش عليه كان قصدو يفرحك و الف الف مبروك

[ملاك ملوكتي]

الف الف مبروك النجاح ....متزعفيش على وليدك اختي افرحي بيه مرتين مرة كي جاب الباك تاعو ومرة على الارادة القوية ما شاء الله عليه ربي يحفظولك

[ام رضوان]

مبروك عليك وربي يتمم فرحتك
راني نقرا وقريب نبكي من حكاية ابنك ربي يحفظو .
ما تزعفيش منو راهو حب يعاودو في السر باه ما تقعديش تستناي وكون لا قدر الله ما نجحش ما يشوكيكش.
بصح راني نلوم عليك علاه طلب منك تزغرتي وما حبيتيش
بتت عمو تقرا مليح والعام الجاي تنجح باذن الله.راهو كل شيء بالمكتوب.
المهم ديريلو مباركة مليحة وخلاص.
هاذي تزغريدتي لابنك يو يو يو يو يو يو يو يو يو يو يو يويو ي ي ي ي

[salli rosa]

الف مبروك خالتي

[ام حمزة22]

المشاركة الأصلية كتبت بواسطة salli rosa

الف مبروك خالتي

شكرا لبك بنتي ربي يحفضك