اقتباس:
المشاركة الأصلية كتبت بواسطة yuly
slm saha ftorkom
bghit ngoulk ida baghi tbadal pharmacie chwi s3ib 3lik l7al f blad lma3rifa ana sna ma9dertech nroh na9ra pharmacie psq kan 3andi dhorouf rani vraiment m3al9a ma9dert ndir walou ma9abloulich nbloki l3am m3a lawal ma9ablouch ya3tiwni chahada madrassiya
ma3andekch amal kbir vraiment ana deja bdit naf9ad l2amal ou yamkan n3awad lbac
|
اقتباس:
المشاركة الأصلية كتبت بواسطة yuly
ana 3andi naf problem ms na9ra pharmacie ou bghit nbadal ki sa9sithom ida na9der 9alouli mana9derch ila ida 9rit 3am pharmacie ou tala3tou
hada chi vrai ou nn
|
بالنسبة لتخصصات العلوم الطبيبة المشكل فيها عندو العدد محدود لانو الكل يطلبها والتحويل صعيب ليها بسبب نقص عدد المقاعد
لو تشوفو كل عام المعدلات طالعة لانو العدد محدود هوما ثاني راهم يلقاو صعوبة في ارسالهم للسطاج لانو ابليقاتوار
فيظطرون لتحدد العدل وكاين عام منع التحويل اليها بسبب انو الضغط فيها
+
مي علاش كرهتيها اختي
وراكي حابة تبدلي منها مع انك مقريتهاش
+
لمعارف يديرو طريق فالبحر وخلي البير بغطاه
هذي هي جزائري الحبيبة
اقتباس:
المشاركة الأصلية كتبت بواسطة Adem DZS
نعم, راني سقسيت في الجامعة وخرجت بزوج نتائج الأولى تخصص صيدلة أمل شبه منعدم باش يقبلوني رغم أن معدلي عالي ويفوق معدل القبول لأني لم ألتحق بالدراسة والثاني في كلية اللغة لإنجليزية لم يتفهموا كيف لاتعمل المدرسة بشهادة حسن السيرة وقد أكدت إحدى العاملات بالجامعة أنها قد عملت في قسنطينة سابقا وهذه الشهادة غير معمول بها هناك لكن مسؤولة مكتب السيرة والتحويلات لم تهضم ذلك إذن لم يبق إلا التوجه إلى المدرسة للتسجيل وطرح المشكل عليهم. المهم شكرا على متابعتك واهتمامك بأمري
|
راني بين الامر اقرا ردي
+
قتلكم من قبل بلي زميل لي قالي بلي المدارس هوما يحولوكم هل سقسيت على هذاا الامر لانو هكا تسهلك المهمة اخي وبلاك هوما يدخلوك صيدلة
+
اذا كيما الجامعة فقط قلهم الجامعة طلباتو ان شاء الله يديروهالك
وزيد كايينين بزاف بدلو كيما هكا ونظن كان حتى واحد صرالو بروبلام اخي
+
علاش انجليزية بالضبط دير في حسابك الحفاظة
+
خير مليح باش متندمش لانو معدلك مليح يوقدر ياهل لتخصصات بزاف
راجع روحك اخي وصلي صلاة الاستخارة وربي يسهلك
اقتباس:
المشاركة الأصلية كتبت بواسطة Adem DZS
بخصوص التحويل للصيدلة نعم اكتشفت ان الأمر صعب ولا أريد أن أفقد حظي في الدراسة بطلب التحويل إليها خصوصا بعد أن ضحيت بالتخصص الذي أدرسه حاليا أما المعريفة فبإذن الله لن ألجأ إيها حتى وان وجدت وحتى لو اقتضى الأمر تركي للجامعة نهائيا. هذه قضية مبدأ وأنا لايهمني مستقبلي بقدر ما تهمني مبادئي
بخصوص ما حدث معك أظن أنه من الأفضل لك أن تعيدي الإدماج في تخصصك وتلتحقي بالجامعة العام القادم وتدرسي صيدلة أحسن لك أما إذا كنت ترغبين بتغيير التخصص فأظن أنه بامكانك ذلك لكن الأحسن تراسلي العضوة "سطايفية بكل فخر" حتى توضح لك الأمور لأن لها دراية بالموضوع.
أما بخصوص فقدان الأمل فأحسن لك أن لاتفقديه لأن استرجاعه صعب وأنا جربت ولحد الان لم استرجعه لدرجة أني ادرس من اجل الدراسة لا غير وليس لي اي طموح رغم اني كنت من المتفوقين وتحصلت على بكالوريتين بتقدير جيد وأخرى بتقدير جيد جدا وفيم يخص إعادة البكالوريا فلو تقبلين رأيي لا داعي لذلك إن تمكنت من التحويل أو إعادة الإدماج في تخصصك لانها الحقيقة مضيعة للوقت خصوصا وان لك معدل عالي (بما انك في الصيدلة) يعني في نهاية الأمر انت قد لاتحتاجين الى معدل أعلى لان أغلب التخصصات الجامعية مفتوحة لك. يبقى هذا مجرد رأي من طالب ولك كامل الحرية في التصرف. صح رمضانك
|
المعريفة الكبرى ربي سبحانو وان شاء الله يكون معاك
+
راني هنا ورايحة نعاونها ونتناقش معاها بكل شيء
فقط اسالي ختي وانا نجاوبك فرغي قلبك
تفضلي رابط موضوعي باش منخلطوش الموضوع
https://www.djelfa.info/vb/showthread.php?t=1820209
وان شاء الله تخرجي راضية
كلنا مررنا بمراحل صعبة في اتخاذ القرار وكون حكا معانا القط كون شاورناه
والحمد لله المنتدى فتحلنا الفرصة فاغتنموها
اقتباس:
المشاركة الأصلية كتبت بواسطة عفة مريم
السلامُ عليكم و رحمةُ الله
حياك الله .. معك طالبة متخرجة من المدرسة العليا للأساتذة بقسنطينة
أولا لست مقصى بل [ معيد ]
إذ أردت التحويل فاذهب للمدرسة العليا مع ورقة تطبعها من النت [ خاصة بالتحويلات ]
أعطهم الورقة في إدارة تخصصك ثم تدرس المدرسة وضعيتك وتقدم لك تصريح بالتحويل ثم تقدم لك ملفك الجامعي كاملا
أما عن شهادة حسن السيرة .. فما فائدتها ودخلها ؟
بالنسبة للتسجيلات الإدارية فحاول الاتصال بالمدرسة
أما تبرئة المكتبة فستبرأ حين يقبلون التحويل
المداولات قد اعلنت في 14 جوان
و حفل التخرج في 2 جويلية أي غدا
أذن في بداية العام يمكنك أن تقوم بالتحويل
وأبشر
ولكن لمّ تضحي بالمدرسة لأجل الظروف العائلية !
وفقك الله
|
مريموة رجاء اكدذيلي نقطة بما انك من هناك
هل المدرسة لي تحولو او هي تقوم بفصله وتخليلو باقي التحويل في الجامعة على طريقتها
لاني سمعت شيء ولست متاكدة منه
قالولي بالمدرسة لي تحولو اوتوماتيكيا
اقتباس:
المشاركة الأصلية كتبت بواسطة سامي 123
أنا أرى أنه الصيدلة أفضل من المدرسة العليا للأساتذة
خاصة للذكور ..
إن شاء الله يقبلولك التحويل أخي .
|
شكون قالك هذا اخي سامي
الصيدلة راهي فيها مشاكل ايضا وانا اخالفك الراي بتلنسبة للذكور المدارس اضمن لانو توفرلو منصب شغل مضمون يقدر يعيل بيه نفسو وعائلتو مستقبلا ويكون دخل ثابت يعني مش رايح يعرض عايلتو لاي ظرف من الضروف
على عكس الصيدلة مايجي وين يدماري بالسيف كي يديماري يبقى عندو مش حال السوق يعني نهار خدام وعشرة مكانش خاصة مع كثرة الصيدليات
ويبقى الصيدبة احسن من تخصصات اخرى
هذي هي بلادي تجي دير مستقبل تضيع نورمال
اقتباس:
المشاركة الأصلية كتبت بواسطة FETHI FOX
و الله خويا أنا تقريبا عندي نفس المشكل أنا كذلك راني مقصي ما حضرتش العام نتاعي الأول في الجامعة دوكا باش يخلوني نعاود ولا يحولوني واش لازم عليا ندير بالتفصيل راني حاير و ربي يرضى عليكم و صح فطوركم
|
اقتباس:
المشاركة الأصلية كتبت بواسطة FETHI FOX
أشير إلى نقطة كذلك أنا راني جوزت الباك تع هاد العام 2015 و راني باغي نسجل بيه يلا كتب ربي في احدى المدارس العليا لغة عربية او تاريخ و جغرافيا هادا يلا كانت لاموايان تساعد ويلا مكاش راني باغي نعاود الباك العام الجاي 2016 أداب بصح لازملي نبلوكي في الجامعة قبل كل شيء كيفاش ندير؟
وربي يجازيكم ويجازي كل واحد على حساب نيته والدال على الخير كفاعله وشكرا لكم.
|
شوف اخي بالوحدة برك متخلطش روحك
نهدرو على الباك القديم والجديد كي يزيد نسميوه بوزيد
بالنسبة لتخصصك في الجامعة روح في بداية السنة ودير اعادة ادماج شيطوك شوية مي ان شاء الله يقبلوك
عجبك تخصصك اقرا مع العلم رايح يتحسبلك عام اقصاء مرة اخى لانك مجمدتش العام
معجبكش تخصصك دير تحويل لتخصص اخر
مع العلم رايحين يحاسبوك بمعدلات العام تاعك
+
اذا كتب ربي وجبت الباك الجديد انش اء الله بمعدل كبير
دير مدارس عليا
وهنا تكسب زوج تخصصات اذا قدرت تقراعهم كيفكيف كمل
مقدرتش ابلوكي لقديم
تقولي قانون يمنع رايحة نقلك ان شاء الله ميفيقولكش لخاطر هذيك مدرسة وهذيك جامعة
بلاك نسبة كبيرة ميفيقوش
جرب
في حالة مدخلتش المدرسة ومعدلك اعلى وحبيت دير تخصص اخر في الجامعة
هنا ثاني اذا مفاقلكش كمل في زوج
اذا فاقولك اسحب الباك القديم اذا محبيتش التخصص
اقتباس:
المشاركة الأصلية كتبت بواسطة Adem DZS
شكرا لك ولمرورك الطيب على الموضوع
الآن فهمت من كلامك أن المدرسة هي التي تقوم بتحويلي ولست أنا إنما أنا أقوم بنقل ملفي فقط! إذا كان الأمر هكذا فشهادة حسن السيرة لاداعي لها كما قلتي وسأتبع خطوات التحويل التي أرشدتني إليها بعد أن أعيد التسجيل الأسبوع القادم كما أخبروني وبوركت على التوضيح
وسأنتظر بداية العام للتحويل انشاء الله
أما عن تضحيتي بالمدرسة من أجل الظروف العائلية فالأمر صعب لكن لا بد منه ذلك أنه علي تحمل المسؤولية الأسرية ولن يخدمني في ذلك البعد عن ولايتي ولا نظام المدرسة الذي يشغل كل نهار الطالب فنظام الجامعة هو ما قد يخدمني حتى لا أتخلى عن الدراسة كليا -عسى أن يعوضنا الله خيرا مما فقدنا-. معذرة على عدم التوضيح أكثر أفضل التحفظ في مثل هذه الأمور. بارك الله فيك وصح رمضانك
|
اخي اذا كانت هذي المعلومة صحيحة حاول دير عدة اختيارات باش تقدر تقرى تخصص مليح في الجامعة
اقتباس:
المشاركة الأصلية كتبت بواسطة Adem DZS
عندما اخترت المدرسة بادئ الامر كنت واثقا من اختياري وراغبا فيه لكن حالت الظروف بيني وبينه...... قد أحول إلى تخصص لغة إنجليزية!  الأمر لم يحسم بعد أخي الكريم!
شكرا على مرورك. صح رمضانك  |
لما الانجليزية بالضبط
( تقرير عن مشاركة سيئة )، و الموجودة أسفل كل مشاركة .
2015-07-01, 23:48
العرض المتطور
