اقتباس:
المشاركة الأصلية كتبت بواسطة mon espoir
جازاك الله خيرا اختي ام حمزة على المساعدة ..بلغك الله رمضان و جعلك من عتقائه من النار ,,امين
|
ويجازيك بالمثل حبيبتي ان شاء الله تجدين من يرشدك الى الصواب
اقتباس:
المشاركة الأصلية كتبت بواسطة غفرانك اللهم
السلام عليكم ورحمة الله وبركاته
تقبل الله الصيام والقيام اخواتي
ربي يبارك لمتكم ويبارك في ام حمزة الي فتحتلنا دارها وما بخلتش علينا بالمعلومات والنصائح
بلا ما ننسى مسك القعدة الاخت غزالة الي راهي قايمة بواجب الضيفة كي تغيب ام حمزة
ام حمزة صح رمضانك وكل عام وانت واهل بيتك بالف صحة وعافية
والبريوش خرجلت رائع واكيد نتشجعو كامل ونجربوه
ومرحبا باخت ام حمزة في صحرتنا
الحق السخانة والفتنا ووالفناها وحتى المبردات ما عندها ما دير (تغلب) ومرات حتى الكهرباء وتنقطع لكن الحمد لله ربي سهلنا رمضان وحتى مع السخانة نصومو المهم ما يخرجش الواحد بين العاشرة صباحا والخامسة او السادسة مساءا
والاكل في رمضان قيس ما نشربو الماء وكانش فاكية(الدلاع او البطيخ) وكاس شاي والسلام ختام
|
وعايكم السلام ورحمة الله تعالى وبركاته
اهلين بيك حبيبتي نورتي الموضوع بوجودك لواني ما نعرفش اسم اختي في المنتدى لاقلت انك اختي لانها تسكن في نفس المنطقة هي في غرداية بالضبط في بريان ربي معاكم وعندكم اجر مضاعف علينا على هديك السخانة وانتم صايمين ربي يتقبل منكم الصيام والقيام وصالح الاعمال
مشكورة مرة تانية على المرور الطيب وان شاء الله ما تكونش اخر مرة
تحياتي الحارة
اقتباس:
المشاركة الأصلية كتبت بواسطة ام سوهيل
صح فطوركم وصح سهرتكم انا مانيش ملي يسهرو نقارع يرجع زوجي من المسجد والى النوم هههههههههههههههههههه
|
اهلين ام سوهيل حتى انا ما نسهرش وما نسناش زوجي نصلي صلاتي ونروح نرقد ولا كاش ردود في مواضيعي نرد عليها ونروح نرقد باه نقدر نوض لولادي باه نطيبلهم القهوة باه يسحرو ن بعد نقعد حتى يادن الفجر باه نرقد ونوض 6 نصف او7 صباحا باه نخدم شغلي والقيلولة ما تنحيهاليش
اقتباس:
المشاركة الأصلية كتبت بواسطة zaho207
salam habibati saha ftourekom brit nsaksikom 3la ktayif kifah yakhadmohom fi mol matkoube b chontiyi w ida nakdire nkhabihom ghi ki yjo dyaf nadjebidhom
|
اهلين بنتي زاهو هدي غيبة واش راكي
شوفي حبيبتي القطايف لازم تحليهم مليح وترشيهم بالسمن وتحطيهم فالبلا وديري الحشو نتاعك وتزيدي الطبقة 2طبعا كنتي حليتيها ورشيتيها بالسمن منبعد حطيها فالفرن طيبيها من الاعلى والاسفل كي طيب سقيه بالعسيلة كنتي درتيلها ماء الزهر
اما عن القطايف بالشونتيي عمري ما درتهم والا حبيتي تخبي القطايف خبيهم فالمجمد وهما خبزات ماشي طايبين
اقتباس:
المشاركة الأصلية كتبت بواسطة غزالة الصّحراء
أهلا بحبوبتنا الغاليّة إن شاء اللّه ايصبّح عليك الخير والربح. كيما راكي صبحتي على تطبيق بريوشي. وراه ماشاء اللّه اخرجلك روعة. ياربّ يعجب اولادك وتدريهولهم مرات ومرات. بصح مرّة اخرى ديري داخلو الشيكولاطة رايح ايجيك أروع والذ بكثير. ربّي ايخليلك هاذوك اليدين ويطوّل في عمرك وتنتفعي من خيرات اولادك وتحضري لأفراحهم. صحّ فطوركم.
|
واش نقلك غزالتي والله البريوش هايل هايل هايل وخفيف خفيف خفيف وبنين بنين بنين وولادي بسلامتهم عجبهم بزاف المرة الجاية ان شاء الله نديرلو الشيكولة البارح كي طيبتو كانت ما عنديش وما لقيت حتى واحد يشريلي حتى المحلات ما يفتحوش بكري
شكرا على الدعاء حبيبتي لك بالمثل
ويعطيك الصحة على الوصفة راح ندعيلك كل ما نصنع البريوش
تحياتي غاليتي
اقتباس:
المشاركة الأصلية كتبت بواسطة روح مراد
صباح الخير عليكم واش راكم غزالة ما رحتيش للبلاد؟
|
صباح الخير روح مراد واش راكي
اقتباس:
المشاركة الأصلية كتبت بواسطة منال ومنير
سلام ام حمزة وشراكي ام حمزة بصدفة شفت الحلوة تعك تع العيد العام السابق عجبني حلوة المفاجئة اعطيني المقادير وعندي مشكل في القلاصاج ديم اجيني باهق مشى يلمع مشاء الله تعك روعة يبرق واعطيني نوع القلاصاج لتستعمليه والطريقة
|
سلام حبيبتي تامني حبيبتي والله نسيت الحلوة لي درتها العام لي فات والقلاصاج انا نطبق نتاع زمان بيض ابيض ماء زهر وقطرات من القارسونضيف السكر قلاسي غير بلعقل حتى تعقد ثم نجرب حبت الحلوة الا ما سالتش نكمل نطليها ولا سالت شوي نزيدلها السكر
اقتباس:
المشاركة الأصلية كتبت بواسطة روح مراد
صباح الخير منال واش راكي راهم غير يعرضوني نديك معايا لكل دار
وين لقيتي الحلوة نتاع أم حمزة الروح نقل عليها
|
درك نحوس على الموضوع ونجيبلك الرابط
( تقرير عن مشاركة سيئة )، و الموجودة أسفل كل مشاركة .
2015-06-30, 12:53
العرض العادي
